Црна хроника
Повеќе лица од Тетово осомничени за перење пари

Неколку лица од Тетово се осомничени за перење пари, информира Министерството за внатрешни работи.
СВР Тетово поднело кривична пријава против К.Д.(40), Ф.Д.(61) и Е.Р.(20), сите од Тетово, поради постоење основи на сомнение за сторено кривично дело перење пари и други приноси од казниво дело.
Овие лица во текот на 2016, 2018 и 2019 година во повеќе наврати, преку услугата за брз трансфер на пари, на своите трансакциски сметки отворени во Република Северна Македонија, врз основа на нерегулиран правен основ, примиле парични средства во вкупен износ од 22.327 евра и 8.507 американски долари, како и 3.750 денари, а кои им биле испратени од поголем број непознати лица од Германија, Швајцарија и Косово.
Притоа, Е.Р. паричните средства кои ги примил на неговата трансакциска сметка, откако ги извадил му ги дал на К.Д, додека К.Д. и Ф.Д. паричните средства кои ги примиле од непознати лица на нивните трансакциски сметки, откако ги подигале од сметките, во повеќе наврати ги предавале на рака на А.К., државјанин на Турција кој престојувал во Република Северна Македонија, кој за возврат за направената услуга им давал 1.000 денари.
Пријавените лица, со фактот што примиле парични средства од непознати лица и ги испратиле, исто така, на непознато лице, без да постои правен основ на нивното примање и испраќање, биле должни да знаат или можеле да знаат дека наведениот износ на парични средства најверојатно потекнува и е прибавен од казниво дело, велат од МВР.
Од таму дообјаснуваат дека со стореното кривично дело пријавените се стекнале со вкупна противправна имотна корист во висина од 1.821.776 денари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Уапсен маж од Кавадарци, возел под дејство на алкохол

Вчера во 19.20 часот на улицата „Страшко Пинџур“ во Кавадарци полициски службеници од Мобилната единица за безбедност на сообраќајот на патиштата го лишиле од слобода 43-годишниот Л.Т. од Кавадарци.
При контрола во патниот сообраќај, полициските службеници сопреле патничко моторно возило „пежо” со кавадаречки регистарски ознаки, кое го управувал Л.Т. и по преземени мерки било констатирано дека бил под дејство на алкохол, односно измерени му биле 1,77 промили алкохол во крвта.
По документирање на случајот, ќе биде поднесена пријава по член 297-а од КЗ.
Топ
Уапсен скопјанец, подметнал пожар во Ѓорче Петров

Вчера вечер, полициски службеници од СВР Скопје на територија на Ѓорче Петров го лишија од слобода 57-годишниот Д.Н. од Скопје поради основи на сомнение дека околу 21.40 часот подметнал пожар односно запалил сува трева во тревникот на улицата „Стево Црвенковски“ во Ѓорче Петров.
Д.Н. бил забележан од граѓанин, кој пријави во СВР Скопје, а полициски службеници веднаш преземаа мерки и активности и сторителот е лишен од слобода.
По документирање на случајот, против Д.Н. ќе биде поднесена соодветна пријава.
Црна хроника
Украл отклучен автомобил па ограбил и угостителски објект

Основното јавно обвинителство Скопје поведе постапка против едно лице за кое постои основано сомнение дека сторил кривични дела – Одземање моторно возило по член 242 став 1, како и – Тешка кражба по член 236 став 1 точка 1 од Кривичниот законик.
Осомничениот, на 3 јули, од паркинг просторот на ПОЦ во непосредна близина на Зелен пазар на улицата „11-ти Октомври“ во Скопје, одзел туѓо моторно возило марка “Фолксваген голф 3”. Тој го искористил фактот дека автомобилот бил оставен отклучен и со клучеви во бравата за стартување, па без да биде забележан влегол во возилото, го стартувал и го одзел.
Ноќеска, пак, во угостителски објект на Кеј, во непосредна блзиина на Младинскиот културен центар, осомничениот со тврд погоден предмет и физичка сила го отворил прозорецот од кујната од каде влегол во објектот. Извршил претурање и одзел една внатрешна единица за клима уред, звучник, повеќе алкохолни пијалоци, храна и други предмети, стекнувајќи се со противправна имотна корист од околу 65.000 денари, а со провалувањето причинил и материјална штета околу 6.000 денари.
Бидејќи недвосмислено постојат околности кои што укажуваат на опасност од бегство на осомничениот, јавниот обвинител до судијата на претходна постапка достави предлог за определување мерка притвор.