Црна хроника
Девојката што се фрли гола од зграда се бори за живот
Тетовката којашто се фрли од четврти кат зграда во неделата вечерта се бори за живот на скопските клиники, соопштуваат од СВР Тетово.
Според нивните информации, нејзината состојба се влошувала и најголем проблем биле повредите што ги здобила девојката на белите дробови.
Полицијата работи на расветлување на случајот и откривање на мотивите зошто се фрлила девојката и што се случило вечерта еден час по полноќ во стан во зграда на улицата „Видое Смилевски Бато“ во Тетово.
Разговарано било со сопственикот на станот и со пријателот кој бил со деветнаесетгодишната девојка во станот, вечерта кога се фрлила.
Пријателот во полиција рекол дека девојката била под дејство на алкохол и некои таблети.
Но полицијата сé уште не разговарала со девојката поради нејзината тешка здравствена состојба.
Тетовката во неделата вечерта се фрли гола од четврти кат од зграда во Тетово. Случајот во тетовската полиција го пријавил граѓанин кој ја видел девојката. /крај/фф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.