Спорт
„Газета дело Спорт“ му се поклони на Пандев
Горан Пандев, пред два дена, влезе во историјата на Серија А. Со двата гола против Беневенто, Пандев стана еден од 80 фудбалери, кои постигнале 100 и повеќе голови во Серија А.
На Пандев и неговиот рекорд, му поклони и еден од највлијателните спортски медиуми во Италија, „Газета дело Спорт“. Новинарот, Франческо Пиетрела, го нарече 38-годишниот Пандев, Хајлендер.
„Сто гола на 468 натпревари во Серија А, со Макеоднија ќе настапи на ЕУРО. Пандев е младост која повеќе не постои. Од слаломот против Канаваро и Турам и голот против Буфон, сите убави моменти во дресот на Анкона, Лацио, Интер, Наполи и сега Џенова. Гранде Пандев од Македонија“.
Горан Пандев во 2001 година од Беласица се пресели во Интер, до 2004 година играл како позајмен фудбалер во Специја и Анкона, периодот од 2004 до 2009 година го мина во Лацио, а потоа се врати во Интер. Со Интер во 2010 година ја освои триплета, од 2011 до 2014 го носеше дресот на Наполи. Единстевената сезона која ја мина надвор од Серија А е 2014/15 кога го носеше дресот на Галатасарај. Од 2015 година е во Џенова.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал Мадрид најде замена за Хезоња
Турскиот кошаркар Фуркан Коркмаз следното лето би можел да му се приклучи на Реал Мадрид.
Овој 26-годишен кошаркар треба да пристигне во редовите на европскиот шампион како замена за Марио Хезоња кој не го продолжи договорот.
Коркмаз е без клуб од февруари кога беше трејдуван од Филаделфија во Индијана, која веднаш му врачи отказ.
Тој беше член на Сиксерс од 2017 до 2024 година, во кариерата на 328 натпревари во НБА лигата има просек од од 6,8 поени и два скока.
Според турските медиуми, Коркмаз ги започнал преговорите со Реал. Од дуга страна Марио Хезоња ќе се пресели во Панатинаикос чиј член беше во 2021 година.
Спорт
Математиката на Челси, Лукаку+пари = Виктор Осимен
Ромелу Лукаку (30), по три сезони минати во Интер и една во Рома, во Серија А би можел да го облече дресот на Наполи.
Белгиецот изминатите две сезони настапува како позајмен, во Интер и Рома. Доколку се пресели во Наполи тој би бил дел од трансферот на Виктор Осимен.
Италијанските медиуми најавуваат дека 25-годишниот Нигериец следното лето би можел да го засили Челзи во трансфер вреден меѓу 80 и 90 милиони евра и дека Лукаку ќе послужи како своевидна „доплата“ во таа „зделка“.
За Осимен се заинтересирани и саудиските клубови, па Челзи ќе мора да му понуди голема плата доколку сака да го обезбеди потписот на нигерискиот репрезентативец.
Спорт
(Видео) Меси и Суарез го декласираа Њујорк Ред Бул
Аргентинскиот фудбалер Лионел Меси стана првиот играч во историјата на МЛС со пет асистенции на еден натпревар.
Меси го растури Њујорк Ред Бул со гол и пет асистенции. Интер славече победа 6:2.
Домашниот тим со пресврт дојде до седмата победа оваа сезона, откако Њујорк поведе во 30. минута преку Данте Ванзеир.
Матијас Рохас израмни во 48. минута, а Меси погоди две минути подоцна.
Рохас ја затресе мрежата на гостите во 62. минута, а Луис Суарез постигна хет трик во финишот.
Погоди во 69., 75. и 81. минута, а Њујорк Ред Бул постигна уште еден гол во седмата минута од судиското надополнување преку Емил Форсберг од белата точка.
Интер е прв во Источната конференција со 24 бодови, додека Њујорк Ред Булс е четврти со 17 бодови.