Спорт
Бунт пред „Емиратите“ – навивачите на Арсенал контра американските газди
Навивачите на Арсенал очигледно им простуваат на своите американски газди за вклученоста во проектот на европската Суперлига откако пред вечерашниот меч против Евертон се собраа во огромен број пред „Емиратите“ со пароли против Стен Кренке.
Иако вчера синот на Кренке и член на бордот на клубот, Џош Кренке, имаше конференциска врска со групите навивачи, навивачите не простуваат и бараат заминување на американскиот газда. Претходно, и навивачите на Челси протестираа поради Суперлигата, како и дел од навивачите на Ливерпул, кои отпатуваа до Лидс за да го искажат своето незадоволство.
Стен Кренке е вклучен во Арсенал од 2008 пред во 2011 година да стане мнозински сопственик на клубот по што следува драстичен пад на резултатите на „топчиите“ и навивачите подолго време се незадоволни од водството.
Кренке инаку има богатство од над 8 милијарди долари, а исто така е сопственик на НБА-клубот Денвер нагетс, на НХЛ-тимот Колорадо аваланш и на МЛС-клубот Колорадо рамс.
Massive turnout at the Emirates as Arsenal fans protest against owners…#AFC pic.twitter.com/JaZR8qcsY2
— Oddschanger (@Oddschanger) April 23, 2021
Amazing scenes here at Emirates Stadium as Arsenal fans continue their protest against KSE #KroenkeOut pic.twitter.com/I1e2diPWKs
— Chris Wheatley (@ChrisWheatley_) April 23, 2021
Arsenal fans showed up in numbers at the Emirates to protest the club’s owners ? pic.twitter.com/TG6RV5tMic
— B/R Football (@brfootball) April 23, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал прв обезбеди пласман на Ф4 во Берлин
Кошаркарите на Реал Мадрид први се пласираа на фајнл-форот во Евролигата. Актуелните шампиони серијата против Басконија ја добија со 3:0.
Третиот натпревар од серијата се одигра во „Фернандо Буеса“, во Виторија, Реал победи со 102:98.
Најефикасен во тимот на Чус Матео Бои беше Гершон Јабуселе со 23 поени, седум скока и три асистенции. Се истакнаа и хрватскиот кошаркар Марио Хезоња со 16 поени, четири скока и две асистенции и една топка, односно Факундо Кампацо со 13 поени, четири скока, осум асистенции и Валтер Тавареш со 12 поени, 13 скокови и четири блокади.
Најистакнати во тимот на Басконија беа плејмејкерите Маркус Хауард (29 поени, по два скока и асистенции) и Коди Милер-Мекинтајр (17 поени, четири скока, 11 асистенции, две украдени топки). Двициврени беа и Никос Рогкавопулос со 18 поени, четири скока и Вања Маринковиќ со 17 поени и четири скока.
Завршниот турнир во Берлин ќе се одржи од 24. до 26.мај, актуелниот шампион во полуфиналната пресметка со победникот од серијата Барселона-Олимпијакос.
Спорт
(Видео) „Милионерите“ чекор поблиску до финалето – Филкруг му пресуди на ПСЖ
Борусија Дортмунд го совлада Пари Сен Жермен во првиот полуфинален натпревар од Лигата на шампионите. „Милионерите“ забележаа победа 1:0 на „Вестфален“. Херој на „жолтиот ѕид“ беше Никлас Филкруг.
Борусија во првото полувреме, беше подобра само сза тој еден гол, иако всушност до самиот крај на првиот дел од натпреварот ниту еден од тимовите немаше изгледни шанси.
Се играше 36. минута кога Шлотенберг од половината на парижаните ја испрати топката до Филкруг. Овој ја прими брилијантно, повлече напред, се избори со Лукас Ернандез и го совлада Донарума.
Борусија имаше две одлични шанси во самиот финиш на првото полувреме, но Донарума беше на висината на задачата и го спаси својот тим.
Во вториот дел и двете екипи го зголемија својот ритам. Пари Сен Жермен тргна крајно офанзивно во вториот дел од натпреварот.
Стативата од голот на Кобел се тресеше два пати за само десет секунди во 51. минута. Прво се обиде Мбапе, ја погоди стативата, топката се врати кај гостите, по што се обиде и Хакими, но овојпат се затресе статива.
Набргу потоа Борусија имаше шанса да ја зголеми предноста, но одличната аситенција на Санчо, Филкруг не успеа да ја претвори во гол. До крајот ПСЖ два пати опасно се закани преку Фабијан Руиз и еднаш преку Дембеле, а втор гол на домаќинот спречи Маркињос кој во последен момент го блокираше Бранд.
Реваншот е следниот вторник во Париз.
Спорт
Парма се врати во Серија А
Со нерешениот резултат 1:1, на стадиното „Свети Никола“ против Бари, Парма се врати во Серија А. Култниот италијански клуб, на две кола до крајот на сезоната во Серија Б има седум бода повеќе од третопласираната Венеција.
Историјата на Парма во последниве години беше сè само не сјајна. Клубот згасна, па повторно оживеа во 2015 година.
Во следните три години, Парма стана првиот клуб кој остварил промоција во повисок ранг во три последователни сезони и успеа да се врати во Серија А, каде што остана до сезоната 2020/21, Во таа сезона забележа само три победи и повторно испадна во понизок ранг.
Минатата година навивачите беа разочарани по плеј-офот, а сега Парма го обезбеди најмалку второ место и враќање во елитата.