Европската фудбалска унија (УЕФА), денес објави дека, поради проектот европска Суперлига, покрената е истрага против фудбалските клубови Реал Мадрид, Барселона и Јувентус.

„„Во согласност со членот 31 од Дисциплинските правила на УЕФА, инспекторите за етика и дисциплина на УЕФА денес добија задача да спроведат дисциплинска истрага за можно кршење на законската рамка на УЕФА во врска со учеството на Реал, Барселона и Јувентус во т.н. проект Суперлига”.

Во УЕФА им се лути на овие клубови, бидејќи тие, за разлика од преостанатите девет, не се откажаа официјално од Суперлигата. Реал, Јувентус и Барселона се убдени дека Суперлигата е неизбежна реалност.

Медиумите потсетуваат дека ретки се случаите кога УЕФА, носела ослободителни пресуди, бидејќи за секоја покрената истрага Куќата на фудбалот има покритие.

Не е познато со какви казни се сочуваат Реал, Јувентус и Барселона. Се шпекулира дека е можна двегодишна суспензија од европските купови.

Кристијано Роналдо ужива во преголемата слобода која ја доби од клубот, поради што соиграчите му го вртат грбот. Ова го тврди „Газета дело Спорт“, во чии текст се наведува дека соиграчите го изолирале португалскиот фудбалер, со кого повеќе не се во добри односи, како што тоа беше до пред неколку месеци.

Роналдо е најдобар стрелец во Серија А (27 голови), но на клубот не му оди оваа сезона. Јувентус не само што остана без шампионската титула, туку како стојат работите ќе остане и без пласман во Лигата на шампионите.

Лошите резултати ја расипале атмосферата во тимот, кој во претходните девет години ја освојуваше титулата. Лошата атмосфера, дополнително ја нарушува привилегираниот статус што го има Роналдо.

Поради спонзорите, Португалецот, пропуштил неколку тренинзи, а не тренирал ни ден по дебаклот против Милан (0:3). Додека неговите соиграчи тренирале, тој друштво на клупските челници ја посетил фабриката на Ферари во Маранело. Таму го купил моделот Ферари Монца Сп2 за 1,6 милиони евра.

„Газета дело Спорт“ и останатите италијански медиуми се согласуваат дека престојните натпревари, можат да бидат последни за Роналдо во дресот на Јувентус.

Фудбалерот на Ливерпул, Вирџил Ван Дајк, потврди дека нема да биде дел од репрезентацијата на Холандија на ЕУРО 2020. Холандија на континеnталниот шампионат е еден од противниците на Македонија во Ц-групата.

Ван Дајк, ги повреди лигаментите во десното колено, на натпреварот со Евертон, во октомври минатата година. Во соопштението што го објави, тој наведува дека жали што нема да игра за Холандија.

„Во оваа последна фаза од рехабилитацијата морав да се соочам со одлуката дали ќе играм на ЕУРО 2020 или не? Чувствувам дека поради мојата физичка подготвеност, вистинска одлука е да не одам на ЕП и да ја започнам последната фаза од рехабилитацијата. Ќе се насочам на претсезоната со клубот, тоа е реална цел“, рекол Ван Дајк.

„Жал ми е што ќе го пропуштан ЕУРО 2020 и што нема таму да ја предводам мојата репрезентација. Но така стојат работите, тоа е реалноста, морав да го прифатам тоа. Кога ќе се погледне целата слика, одлуката да не одам на ЕП е правилна“.

Покрај со Македонија, Холандија во Ц-групата ќе игра против Украина и Австрија.

Ван Дајк, за Холандија досега има одиграно 38 натпревари, на кои постигнал четири гола.