Црна хроника
Запленети брендирани парфеми и рачни часовници
Тимот на Мобилната единица за прекуграничен криминал при Секторот за гранични работи и миграции заплени 62 брендирани парфеми и 333 рачни часовници, електрични сијалици и 84 комплети телескопски метални палки ”POLICE”.
Сомнителната стока била запленета по извршена детална контрола на камион со кумановски регистерски ознаки сопственост на фирмата „Лека транспорт“ – Куманово којшто превезувал разна стока на релација Бугарија-Македонија-Косово, а увозник на истата била фирмата “Дона турс“ од Приштина.
Камионот бил сопрен по претходно добиени оперативни сознанија дека во истото се превезува криумчарена стока. Во содејство со Царинските служби скината е пломбата на камионот и на царинскиот терминал Дени-Интернационал бил извршен детален преглед возилото.
„Беше пронајдена и одземена криумчарена и брендирана стока и тоа парфеми: “PACO RABANE“ – 32 парчиња; “EMPORIO ARMANI“ – 10 парчиња; “LACOSTA“ – 7 парчиња; “CALVIN KLEIN“ – 4 парчиња; “GUCCI“ – 3 парчиња; “HUGO BOSS“ – 6 парчиња. Потоа следните марки рачни часовници: “CALVIN KLEIN“ – 102 парчиња; “EMPORIO ARMANI“ – 9 парчиња; “DOLCHE GABANA“ – 120 парчиња; “FERARRI“ – 102 парчиња; како и 198 парчиња електрични сијалици “PHILLIPS“ и 84 комплети телескопски метални палки ”POLICE”“ соопштуваат од полиција.
По целосното расчистување на случајот ќе биде поднесена соодветна пријава, а стоката е одземена со потврда за привремено одземени предмети./крај/мвр/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Познат идентитетот на скопјанецот кој ноќеска загина во сообраќајка на патот Штип -Кочани
Познат е идентитетот на мажот кој ноќеска загина во сообраќајна несреќа на патот Штип -Кочани.
– На 06.05.2024 во 02.45 часот во СВР Штип било пријавено дека на експресниот пат Штип -Кочани, во близина на с.Крупиште, патничко возило „рено лагуна“ со скопски регистарски ознаки, управувано од С.М.(34) од Скопје, излетало надвор од коловозот. По несреќата, возачот и сопатниците, И.М.(39) од Скопје и двајца малолетници биле пренесени во Клиничка болница Штип, каде што кај И.М. била констатирана смрт, додека кај возачот и малолетниците биле констатирани телесни повреди, информираа од полицијата.
Увид на местото извршиле јавен обвинител и увидна екипа од СВР Штип.
Црна хроника
Велосипедист е тешко повреден во сообраќајка во Охрид
Вчера околу 14.45 часот во СВР Охрид било пријавено дека на ул.„Питу Гули“ во Охрид се случила сообраќајна несреќа помеѓу велосипед управуван од Ј.Д.(74) од Охрид и патничко возило „хјундаи “ со охридски регистарски ознаки, управувано од Д.В.(28) од Охрид.
Во несреќата со тешки телесни повреди се здобил велосипедистот, констатирани во специјалната болница „Св.Еразмо“ во Охрид.
Увид на местото извршила екипа од СВР Охрид.
Црна хроника
Скопјанец измамен во менувачница од двајца странски државјани
Скопјанец пријавил дека во менувачница во Старата скопска чаршија бил измамен од страна на двајца странски државјани за сума од 25.000 евра, информираат попладнево од Министерството за внатрешни работи.
Синоќа во 19.15 часот во СВР – Скопје, Х.М., на возраст од 34 години од главниот град на државава, пријавил дека околу 15 часот во менувачница во Старата скопска чаршија бил измамен од двајца странски државјани.
Според пријавеното, откако се договориле во менувачницата да сменат пари за 25.000 евра, лицата дошле со чанта со договорената сума на пари во денари, при што еден од нив ја заменил чантата со денари со друга иста чанта, која во долниот дел била полна со хартиени ливчиња.
Како што пријавил Х.М., тој им ги дал еврата без да ја провери чантата, а откако заминале, сфатил дека е измамен, појаснуваат од МВР.
Се преземаат мерки за расчистување на случајот.