Австралиецот со македонско потекло, Александар Волкановски го победи Бразилецот Диего Лопес во борбата за шампионскиот појас во перо категорија, во главната борба на УФЦ 314 настанот.

УФЦ 314 се одржа во Мајами, САД, во домот на НБА франѓизата Мајами Хит. Публиката уживаше во неизвезната борба.
На крајот „Волк“ победи со одлука на судиите 48:47, 49:46 и 49:46.

Волкановски во Мајами ја прекина серијата од два порази во УФЦ (претрпе тешки нокаути, од Ислам Махачев и Илија Топурија), туки и влезе во историјата на оваа категорија.

Волкановски стана првиот борец постар од 35 години кој освоил појас во перолесна категорија.

LEFT HOOKS BOTH LAND EARLY👊@AlexVolkanovski | @DiegoLopesMMA | #UFC314 pic.twitter.com/z7LlV8qZLK

— UFC (@ufc) April 13, 2025

Шпанскиот фудбалер Марко Асенсио нема по добро да го памети мечот со Саутемптон иако неговиот тим победи без проблеми на теренот на последнопласираниот тим во лигата.

Поранешниот играч на Реал Мадрид го одбележа натпреварот со два промашени пенали, во 69. и 94. минута. Така стана четвртиот играч во историјата на Премиер лигата кој промашил два пенали на еден натпревар.

Навистина реткост…

„Понекогаш се случуваат вакви работи, најважно е да продолжиме да се трудиме. Среќен сум освоивме три бода. Им благодарам на навивачите за поддршката“, напиша Асенсио по натпреварот.

Голманот на „светците“ Арон Рамсдејл се прослави, одбрани два пенали.

Инаку, Асенсио го промаши првиот пенал кога резултатот беше 0:0, а вториот кога Астон Вила имаше водство 3:0.

Инаку, Саидо Берахино е последниот играч, пред Асенсио, кој промаши два пенали, на натпреварот на ВБА за кој играше, против Вотфорд во 2016 година.

И двата удари ги одбрани Еурелио Гомеш.

Интересно, Гомеш го одбележа мечот и шест години порано, тогаш во дресот на Тотенхем, со два одбранети пенали на мечот со Сандерленд, кога ги одбрани ударите на на Дарен Бент (при триумф на Сандерленд од 3:1).

Бент потоа искористи еден од трите пенали.

Прв кој не успеал да искористи два пенали во Премиер лигата бил Хуан Пабло Анхел од Астон Вила. Едвин Ван дер Сар, тогаш голман на Фулам беше успешен два пати против играчот на Вила. Тој натпревар заврши со резултат 1:1.

Фудбалерите на Тигрес го победија Монтереј со резултат 2:1 во дербито од 15. коло на мексиканскиот шампионат.

Домашната екипа победи на спектакуларен начин, со головите во 90. и 90+5. минута.

Стрелци беа Франциско Кордова и Николас Ибањез, за делириум на фановите на Тигрес, кои знаеја да ја прослават победата над градскиот ривал.

Голот за гостите, во 51. минута од пенал, го постигна славниот Шпанец Серхио Рамос, по несекојдневна „игра на нерви“ и провокација на ривалскиот голман, Аргентинецот Нахуел Гузман.

Непосредно пред судијата да даде знак дека пеналот може да се изведе, голманот на домашните му го сврте грбот на Рамос и остана во таа положба додека на Шпанецот не му беше дадено „зелено светло“ да го изведе ударот.

Искусниот Рамсо не падна на оваа провокација, мирно го изведе пеналот и погоди.

JAJA, el SHOW del Patón Guzmán a Sergio Ramos. 😅🇲🇽 pic.twitter.com/LZm6quRfJn

— Ataque Futbolero (@AtaqueFutbolero) April 13, 2025

Натпреварот на стадионот „Сан Николас де лос Гарза“ беше тензичен, а покрај трите гола, од кои два во судиското надополнување, беа покажани и три црвени картони.

Судијата исклучи двајцата гостински играчи Херман Бертераме (73) и Оливер Торес (79), додека Диего Лаинез (47) заработи црвен картон во 47.минута.