Македонија
(Видео) Здравковски: Царовска да ги објасни мултимедијалните содржини на фотокопиите
Во недостиг на аргументи и немање конкретни одговори на поставените прашања од страна на наставниците, родителите, учениците и пратениците, Мила Царовска го губи тлото под нозете и во паника сѐ почесто се обидува да ја спинува темата, изјави пратеникот на ВМРО-ДПМНЕ, Игор Здравковски.
„Арогантно и инаетливо ги навредува сите, им ги проценува капацитетот и кредибилитетот на пратениците, ги омаловажува родителите, ги критикува наставниците и целото незадоволство од споменатите го припишува на влијанието на ВМРО-ДПМНЕ“, рече Здравковски.
Тој додаде дека како партија немаат ништо против дигитални учебници со интерактивни и со мултимедијални содржини и со наратор, по можност, да биде додаден. Тие бараат печатени, убаво илустрирани модерни учебници за учениците што ќе сакаат да ги имаат. Исто така, бараат министерката да го оствари она што во концепцијата самата го има предвидено, а тоа е еднаков пристап и еднакви можности за сите во образовниот систем. Тоа, како што рече Здравковски, со дигитални учебници за оние што може да си ги дозволат и печатени учебници, еднакви на црно-бели фотокопии, едноставно не е можно.
„Царовска да ги објасни мултимедијалните содржини на фотокoпиите, всушност да го објасни принципот на дрвено железо. Како во така печатен учебник, што таа го промовира, ќе се пренесат мултимедијалните содржини од дигиталниот учебник? Кога ѝ стана јасно дека тоа не е можно, сега ветува библиотечен фонд во секое училиште од таблети. Ние не ѝ веруваме затоа што ништо што оваа Влада што го ветила го нема остварено и длабоко сме убедени дека доколку имаше сериозна намера тоа да го стори, таа и досега ќе обезбедеше таблети за најранливите категории. А како и кога ќе ги изготви дигиталните учебници, сѐ уште нема одговор“, посочи тој.
Здравковски нагласи дека конфузијата и неконзистентноста по изјавите дополнително ги в0лошуваат состојбата и недовербата. Според него, паниката е веќе видно присутна кај Царовска и довела до злоупотреба на европското знаменце и негово додавање на предлог-законот за измени и дополнување на Законот за учебниците.
Злоупотреба на моќ против сопствениот народ промовира на најсилно можно ниво, порача Здравковски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Паркингот во Центар денеска е бесплатен
По повод Македонските претседателски и парламентарни избори, од ЈП Паркинзи на општина Центар известуваат дека денеска паркиралиштата со кои стопанисува јавното претпријатие ќе бидат без наплата за сите граѓани.
Дирекцијата на ЈП Паркинзи на Општина Центар во катната гаража „Судска палата“ нема да работи, а сите услуги можат да се користат електронски на www.poc.mk.
Редовната наплата за паркирање на паркиралиштата и работењето на дирекцијата ќе продолжат од утре со вообичаено работно време.
Македонија
Изборниот ден е неработен за сите граѓани
Поради одржување на парламентарните и вториот круг од претседателските избори, денешниот ден е неработен за сите граѓани во Република Македонија.
Работодавачите не треба да извршуваат дејност со исклучок на оние каде работните процесите заради својата природа не можат да се прекинат.
Поради првиот круг од претседателските избори, неработен беше и 24 април. Според одлуката на техниката Влада, двата неработни дена нема да се одработуваат.
Македонија
Започна вториот круг од претседателските и парламентарните избори
Во Македонија утрово започна вториот круг од претседателските и парламентарните избори.
Избирачките места, од кои вкупно 3.480, беа отворени во седум часот, а ќе бидат затворени во 19 часот.
Во вториот круг од претседателските избори граѓаните ќе одлучуваат меѓу Гордана Силјановска Давкова и актуелниот претседател Стeвo Пандеровски.
На парламентарните избори, граѓаните ќе можат да избираат помеѓу 17-те изборни листи, меѓу кои коалицијата „За европска иднина“ предводена од СДСМ, коалицијата „Твоја Македонија“ предводена од ВМРО-ДПМНЕ, коалицијата „Храбро за Македонија“ предводена од ГРОМ, партијата Левица, коалицијата „Европски Фронт“ предводена од ДУИ, коалицијата „Вреди“, движењето ЗНАМ, партиите Родина, Македонска Ера Трета, Демократи, Единствена Македонија, Нова Алтернатива, Аваја, Твоја, Десна, Работничката партија, како и за групата избирачи Џула Челику.