Црна хроника
Кривична пријава за екс директорката на Клиниката за радиотерапија и онкологија
Кривична пријава за злоупотреба на службената положба и овластување поднесе во понеделник Центарот за сузбивање на организиран и сериозен криминал, против 44 годишната С.Ц., поранешен директор на Универзитетска клиника за радиотерапија и онкологија-Скопје.
Таа во текот на 2011 година, искористувајќи ја својата службена положба и овластување со непочитување на одредбите наведени во договорот за набавка на лекови, како и со наведување на лекови во спецификацијата за набавка, кои според дозата и јачината не се на позитивната листа на Фондот за здравствено осигурување на Р. Македонија, предизвикала штета на Фондот во износ од 6.372.691,60 денари и Универзитетска клиника за радиотерапија и онкологија во износ од 15.173.399,00 денари или вкупно во износ од 21.546.080,60 денари.
Имено во текот на 2011 година била донесена Одлука врз основа на која е спроведена постапка на јавна набавка на услуги за потребите на Универзитетска клиника за радиотерапија и онкологија за 2011/2012 која се однесувала на набавка на лекови кои се на товар на ФЗОМ.
Покрај другото како дел од тендерската документација била приложена и спецификацијата на лекови меѓу кои и лекот-цитостатик со генеричко име Docetaxel od 20mg/0,5ml и Docetaxel od 80mg/2ml. Со цел да се одбере најповолна понуда била спроведена електронска аукција, пришто како најповолен понудувач на лекот-цитостатик бил избран „Алкалоид Конс“ кој за Docetaxel od 20mg/0,5ml понудил цена од 733,95 денари, а пак, за Docetaxel od 80mg/2ml цена од 1.815,45 денари, по што директорката С.Ц. со „Алклалоид Конс“на 29.07.2011 година склучила договор за набавка на лекови за потребите на клиниката за 2011/2012 година.
Меѓутоа еден ден пред потпишувањето на овој договор, тогашната директорка на Клиниката за радиотерапија и онкологија од добавувачите „Алкалоид Конс“ и „Др. Пановски“ извршила набавка на лековите-цитостатици (по 120 ампули од цитостатикот-Docetaxel од двете дозежни форми, 80mg/2ml и 20mg/0,5ml), иако знаела дека во Клиничката аптека има залиха од наведените лекови, (која согласно динамиката на трошење во претходниот период би се задоволиле потребите на клиниката за наредните два до четири месеци), а исто така цената на лекот била драстично поголема, согласно договорот од 2010/2011 година.
Имено, цената на лекот Docetaxel od 20mg/0,5ml, согласно договорот од 2010/2011 изнесувала 11.446,28 денари, а согласно договорот од 2011/2012 изнесува 733.95 денари, а пак за лекот Docetaxel od 80mg/2ml согласно договорот од 2010/2011 цената изнесува 44.208,80 денари, а согласно договорот од 2011/2012 е 1.815,45 денари и на овој начин го оштетила ФЗОМ за износ од 6.372.681,60 денари.
Исто така, С.Ц. без консултација со стручниот колегиум на клиниката, изготвила спецификација на лекови (составен дел од документацијата за јавната набавка) и во истата специфицирала лекови со дозажна форма и јачина кои не се на позитивната листа на ФЗОМ, потоа за истите склучила договори со најповолните понудувачи и вршела набавка на лекови согласно овие договори, пришто предизвикала штета на Клиниката за износ од 15.173.399,00 денари. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.