Црна хроника
Се тепале средношколци, а потоа професори истепале ученици
Ученичка била нападната во средното хемиско училиште „Марија Кири – Склодовска“, а потоа професори истепале двајца ученици во ова училиште, соопшти МВР.
Во среда околу 15.30 часот пред влезната врата на училиштето ученик удрил ученичка во рамото и десниот образ.
По ова, средношколката му се пожалила на дваесет и четиригодишен професор по хемија кој повикал медицинска помош. Девојчето било пренесено во Градската болница, каде била задржана на понатамошни испитувања.
Професорот по хемија лут бидејќи ученичката била нападната истепал петнаесетгодишен ученик, го влечел за десното уво, а потоа го удрил со тупаница во десното рамо.
Интервенирало обезбедувањето на училиштето и го спречиле професорот да го тепа средношколецот.
Професор по англиски јазик на дваесет и осумгодишна возраст без причина го влечел за десната рака и го турнал по скалите ученикот М.И. ( 16) од Скопје.
Во понатамошниот напад бил спречен од помошник директорот .
Во првиот случај полицијата презема мерки за расчистување на физичкиот напад , а против двајцата професори ќе бидат поднесени прекршочни пријави за извршен физички напад./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.
Црна хроника
На стакло од штаб на политичка партија во Центар испишан графит, полицијата го расчистува случајот
Вчера во 10.50 часот во СВР Скопје било пријавено дека на стакло од штаб на политичка партија на подрачјето на Центар бил испишан графит, извести МВР.
Се работи на расчистување на случајот.