Спорт
Мурињо во Италија пак ќе се судри со стариот непријател Конте
Жозе Мурињо се врати во италијанскиот фудбал како нов тренер на Рома од следната сезона и сега повторно ќе има шанса да се сретне со својот стар непријател Антонио Конте, кој ќе биде на чело на неговиот поранешен клуб, сега нов шампион на Италија, Интер.
Двајцата првпат се сретнаа во 2009 година кога Конте беше тренер на Аталанта и одиграа 1:1 во Бергамо. Но, вистинскиот конфликт почна во октомври 2016 година кога Специјалниот беше навреден од прославата на Конте во последните минути од мечот Челси – Манчестер јунајтед.
Челси го победи Јунајтед со 4:0 на „Стемфорд бриџ“ и фрустрацијата на Мурињо беше јасна кога му кажа на Конте: „Не прославуваш така на 4:0, туку на 1:0, инаку е срамота“.
Во март 2017 Челси и Јунајтед повторно се сретнаа во ФА-купот во меч во кој Андер Ерера доби црвен картон, а по жалењето на Мурињо, Конте одговори со напаѓањето на тактиката на Португалецот. На крајот на сезоната тој удри уште еднаш по Мурињо.
„Пред две години Челси беше на 10. место. Не смееме да дозволиме сезона како под Мурињо повторно“, изјави тогаш Конте.
Мурињо, пак, удри: „Би можел да одговорам на многу начини, но нема да си ја губам косата зборувајќи за Антонио Конте“, јасно посочувајќи на трансплантацијата на коса на Италијанецот.
Во октомври 2017 година Мурињо повторно го коментира Конте: „Никогаш не зборувам за повреди. Други менаџери само плачат, плачат“. Конте беше лут: „Нека си го гледа својот тим, а не мојот. Мурињо сака да знае што се случува во Челси“.
Во 2018 година нова контроверзија кога Португалецот го нарече Конте кловн.
„Ако не се однесувам како кловн на линијата, не значи дека сум ја загубил страста. Се однесувам многу позрело, многу подобро за мене и за мојот тим. Не треба да се однесуваш како лудак за да имаш страст“, изјави Мурињо.
Конте одговори уште поостро обвинувајќи го Мурињо за сенилност.
„Нека се види што правеше тој во минатото, можеби зборуваше за тоа. Можеби понекогаш ги заборава работите што ги кажувал и ги правел во минатото“, изјави Италијанецот.
Ова не беше крај. Мурињо одговори со споменувањето на суспензијата за местење мечеви на Конте од 2012 кога Италијанската федерација го обвини Конте дека не ги известил за обид за местење додека беше тренер на Сиена.
„Јас никогаш не сум бил суспендиран за местење мечеви. Тоа нема да се случи“, изјави Мурињо.
Како и да е, ќе биде интересно.
Совршена шега: Мурињо потпиша дрес со Антонио Конте на грбот
Конте ќе си ги „изеде“ зборовите од јули: Да избегнеме „Мурињо сезона“ со Челси!
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Реал победи во Сан Себастијан, еден триумф го дели од шампионската титула
Фудбалерите на Реал Мадрид го совладаа имењакот од Сан Себастијан на „Реале арена“ со 1:0 (1:0) во премиерниот натпревар од 33.коло.
На овој начин „кралскиот клуб“ со натпревар повеќе стекна 14 бодови предност во однос на Барселона.
Практично само теорија го дели Реал Мадрид од 36. титула во клупската историја.
Карло АНчелоти натпреварот го започна со комбиниран состав, а за прв пат стартер беше младиот Арда Ѓулер.
Токму младиот Турчин со голот во 29. минута му донесе победа на својот тим. Карвахал нафрли во шеснаесетникот, а Гулер шутираше низ нозете на голманот Ремиро.
Три минути подцна Реал Сосиедад преку Такефуши Кубо постигна гол кој беше поништен поради офсајд.
Сосиедад остана на шестата позиција со 51 бод до крајот на сезоната ќе се бори за пласман во Лига Европа или Конференциската лига.
Спорт
(Видео) Евролигата покрена постапка против судијата Болтаузер – Украл парфем од „фри-шоп“
Еден од најпознатите европски судии, Словенецот Матеј Болтхаузер (49) е тема број 1 во европската кошаркарска јавност поради видеото кое излезе во јавноста.
Имено, Болтаузер е снимен на него на аеродромот „Никола тесла“ во Белград на 8 декември минатата година како краде парфем на Том Форд од „фри шоп“.
Станува збор за парфем кој чини 221 евро.
Болтхаузер тогаш се враќаше од натпреварот од Евролигата меѓу Монако и Партизан, која ја судеше во Франција.
Поради видеото кое се појави пет месеци подоцна, Евролигата покрена постапка против Болтаузер.
Тој сигурно ќе се соочи со драстична казна, па дури и играчите си земаа слобода да кажат „збор-два“ за Словенецот.
Најгласен беше Мет Џенинг, кој директно го обвини Болтхаузер дека со години крадел, не само на аеродромот, туку и на терените во Евролигата.
„Човекот краде со години! Евролигата има голем број одлични судии, но ова момче е убедливо најлошиот и не е тешко да се разбере зошто”, напиша Џенинг, поранешен играч на Монтепаски, Ефес, Басконија, како одговор на видеото кое брзо се прошири низ Европа.
Salen a la luz imágenes de Boltauzer, árbitro de la Euroliga, robando un perfume en el aeropuerto de Belgrado
🫣 Los hechos sucedieron tras el partido entre Partizan y Mónacopic.twitter.com/brQUbuRYqa
— Eurohoops España (@EurohoopsES) April 26, 2024
Спорт
Арне Слот ќе биде новиот тренер на Ливерпул
Холандскиот стручњак Арне Слот од следната сезона ќе биде тренер на Ливерпул.
Трансфер инсајдерот, новинарот Фабрицио Романо тврди дека двата клуба се договориле, Ливерпул на Феенорд ќе му исплати одредена отштета за тренерот чии договор истекува во 2026 година.
Допрва ќе биде познато колкава сума ќе плати Ливерпул. Наводно Ливерпул понудил 9.000.000 евра, а Феенорд бара 13.000.000 евра.
Слот од 2021 година е на клупата на клубот од Ротердам на кој му донесе голем успех.
Во првата сезона го водеше тимот до финалето на Конференциската лига, таа година беше прогласен за тренер на сезоната во Ередивизие, а една година подоцна ја освои домашната титула со Феенорд.
Во својата втора сезона во клубот, тој го предводеше тимот до четвртфиналето на Лига Европа.
Пред Феенорд, Слот ги водеше Камбур и АЗ.