Македонија
Утре без струја повеќе делови на Скопје
Од ЕВН Македонија АД информираат дека утре се планирани следните технички зафати во електроенергетскиот систем во Градот Скопје и без електрична енергија ќе останат:
во периодот од 9:00-12:00 часот без електрична енергија ќе останат корисниците од ул.Блажо Биринчето, ул.Франц Розман, ул.Петар Шаулев, ул.Франц Месеснел (општина Карпош)
во периодот од 12:10:14:00 часот корисниците на дел од ул.Лука Геров бр.13 и бр.15 и околните згради (Општина Ѓ.Петров)
во периодот од 08:45-11:00 часот дел од ул.Лука Геров од бр.33-43, непарните броеви и околните згради (општина Ѓ.Петров)
во периодот од 8:30-14:00 часот корисницте на дел од с.Морани (посл каналот пат за Зелениково (општина Студеничани)
во периодот од 9:00-15:00 часот корисниците од ул.Леринска, ул.Стрезово и дел од ул.Козле (општина Карпош)
во периодот од 10:00-11:00 часот корисниците на дел од ул.Тодор Чангов подулица бр.52. (Општина Аеродром)
во периодот од 9:00-10:00 часот корисниците на дел од с.Орешани ул.7 (општина Зелениково)
во периодот од 11:30-14:00 часот корисниците од селата:Чифлик, Дивље, Живиње, Сушица, Средно, Долно и Горно Коњари (општина Петровец)
во периодот од 8:30-15:00 часот корисниците од ул.Ѓорѓи Поп Христов, ул.Благоја Паровиќ, ул.Никола Малешевски, ул.Роналд Реган (општина Чаир)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Груби ги бојкотираше претседателските избори
Вицепремиерот Артан Груби не гласаше на вториот круг од претседателските избори.
Во видеото објавено на неговиот фејсбук профил, се гледа дека на членовите на комисијата им вели дека ќе гласа на парламентарите избори, а потоа става гласачко ливче само во таа кутија.
Видеото можете да го погледнете на ЛИНКОТ.
Македонија
Муцунски: ДУИ оди во опозиција, бојкотот не им успеа, цензусот е исполнет
Повикот на ДУИ за бојкот не успеа, а денот ги извади на виделина игрите на власта. ДУИ посакува криза и преку бојкот сакаше да се факторизира. ДУИ изгуби, бојкотот не им е успешен, извесно е дека одат во опозиција, изјави Тимчо Муцунски, на првата прес-конференција на ВМРО-ДПМНЕ по гласањето на парламентарните и вториот круг од претседателските избори.
„Пропадна сценариото да се создаде криза во државата, се радуваме што е постигнат цензусот, извесно е дека Давкова е новиот претседател. Очекуваме уште подобар резултат од првриот круг, и уште вечерва да биде јасна сликата како ќе изгледа идната Влада на Република Македонија. Очекуваме да имаме резултат што ќе го отслика опозициското расположение во државата“, рече Муцунски додавајќи дека ДУИ е дел од криминална власт што станува минато.
Како што рече, народот излегол за да си ја врати Македонија, односно контролата врз системот бидејќи државата наместо на елитите треба да му припаѓа на народот.
ВМРО-ДПМНЕ оцени дека дека изборниот ден генерално поминал мирно, со поединечни нерегуларности. Муцунски објави дека неколку функционери биле фатени во илегални активности со поткуп и ги повика интитуциите да истражат и да го испитаат потеклото на парите.
Македонија
(Видео) Кузеска за скриениот бојкот во некои општини: Како настапи секоја партија на изборите, треба да одговори пред себе и пред граѓаните
Денеска имавме мирен, достоинствен и успешен изборен ден, изборите беа фер и демократски, како што доликува на земја членка на НАТО со почнати преговори за Европската унија. Констатирани се одредени неправилности, но сметаме дека се тие со незначителни во овој изборен процес, рече портпаролката на СДСМ, Богданка Кузеска.
Правото на глас и слободното одлучување се најзначајни придобивки во демократијата, додаде Кузеска.
Таа упати благодарност до граѓаните кои денеска гласаа, а изборите ги оцени како слободни, мирни, демократски и достоинствени.
Кузеска кажа дека граѓанската волја ќе одлучи по кој колосек ќе се движи Македонија понатаму.
Прашана како го коментира скриениот бојкот во општините каде што има доминантно албанско население, портпаролката на СДСМ кажа дека како настапила секоја партија на овие избори треба да одговори пред граѓаните и пред себе.
„СДСМ од самиот почеток повикуваа на масовност, граѓаните да го искористат својот глас. СДСМ никогаш не бил кочничар на било кои процеси кои ја носат државата напред“, рече Кузеска.