Црна хроника
Уапсен Кољо Дијаманто – осомничен е за силување на дете
Полицијата го приведе Николас Константинидис, познат како Кољо Дијаманто под сомнение дека извршил полов напад врз дете, соопштуваат од полицијата
Според нивните информации, Кољо Дијаманто во вторникот меѓу 15 и 15:30 часот, во просториите на Домот на културата „Драги Тозија“ во Ресен намамил десетгодишно дете да влезе во објектот во санитарниот јазол и таму започнал да врши полови дејствија.Детето успеало да се оттргне од него и да побегне. И кажало на неговата мајка која случајот го пријавила во полиција. Кољо Дијамантот кој работел како чувар во Домот на културата бил уапсен и изведен е пред истражен судија, кој му одредил триесет дневен притвор. Против него ќе следува и кривична пријава.Триесет идевет-годишниот Кољо Дијаманто ќе одговара за тешко дело според Кривичниот законик односно за делото „полов напад врз дете кое не наполнило 14 години“. Како што се дознава Битолското обвинителство веќе поднело кривична пријава.„Имено вчера околу 17.15 минути во полициската сатница од општа надлежност во Ресен, од страна на 32-годишна битолчанка, која во моментот престојувала во Ресен, е пријавено дека врз нејзиниот десет-годишен син е извршен половиот напад врз детето“, рече Ѓоко Стрезовски, портпарол на СВР Битола.По пријавата и разговорите со пријавителката и детето, полицијата тргнала во откривање на сторителот.„во вторникот терминот меѓу 15.00 и 15.30 минути во просториите на Домот на култура „Драги Тозија“ во Ресен пријавениот којшто е таму вработен како чувар, откако го наговорил да влезе во објектот, го однел 10-годишното дете во санитарниот јазол и таму започнал да врши полови дејствија врз него. Во еден момент детето успеало да се оттргне од пријавениот и да избега надвор од објектот“, додаде Стрезовски.Дијаманто бил пронајден и приведен во Ресен каде е задржан до целосното документирање на настанот. За настано биле известени и битолски истражен судија и обвинителство.„Откако во присуство на родител се извршени неопходните разговори, оштетниот е однесен во Здравствениот дом во Ресен со цел да се изврши медицински преглед. Истоимено известен е и Центарот за социјални работи во Ресен, чиј претставник присуствуваше при обавувањетона разговоите и расчистувањето на настанот“, дополни Стрезовски.Кољо Дијаманто и е познат на македонската јавност по тоа што им се претставуваше како грчки новинар на челниците на ДУИ. Неговото претходно име е Никола Михајловски сега Николас Константинидис.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Несреќата кај Плетвар во која загинаа две лица се случила при претекнување, соопшти Обвинителството
Во врска со тешката сообраќајна несреќа што попладнево се случи на патот Прилеп – Росоман, во близина на Плетвар, дежурен јавен обвинител од Основното јавно обвинителство Прилеп вечерва изврши увид на лице место.
Според првичните сознанија, до несреќата дошло при претекнување и судар помеѓу два автомобили што се движеле во иста насока. Од ударот две лица го загубиле животот, меѓу кои и возачот на едното возило, додека петмина се здобиле со повреди и биле пренесени во болниците во Прилеп и Кавадарци.
Јавниот обвинител издал наредби за прибирање на траги од местото на настанот, како и за сообраќајно и машинско вештачење на двата автомобили со цел утврдување на причините за несреќата. Врз телата на починатите ќе биде извршена обдукција, а кај преживеаниот возач ќе се испитува евентуално присуство на алкохол или други супстанции.
Надлежните институции продолжуваат со активности за целосно расветлување на околностите под кои се случила трагедијата.
Црна хроника
Двајца турски државјани уапсени на скопскиот аеродром со фалсификувани визи
Денеска околу 10 часот на скопскиот аеродром, полицијата ги приведе Г.М. и К.М., двајцата државјани на Република Турција.
При излез од државата, при извршена гранична контрола, било утврдено дека визите за Обединетото Кралство што ги приложиле биле фалсификувани.
Двајцата се задржани во полициска станица, а по целосно документирање на случајот против нив ќе биде поднесена соодветна пријава.
Топ
Двajца загинаа во сообраќајка кај Плетвар, петмина повредени
Денеска околу 17 часот на патниот правец Прилеп-Росоман, во близина на селото Радобил, се случила тешка сообраќајна несреќа помеѓу две патнички возила.
Во незгодата повредени се пет лица, од кои три се пренесени во болницата во Прилеп, а две во болницата во Кавадарци. Лекар констатирал смрт кај две лица, соопшти МВР.
Од 18 часот сообраќајот на овој потег се одвива по една коловозна лента со наизменично пропуштање на возилата.
Полицијата врши увид, по чие завршување јавноста ќе биде дополнително информирана за деталите од несреќата.

