Црна хроника
Арамии влегле да ограбат куќа, домаќините ги избркале
Двајца крадци се обиделе да ограбат куќа на улица „Славка Недиќ“ во Скопје, но биле спречени од сопствениците.
Според полицијата, двајцата арамии со капи фантомки на главите влегле преку кровот од куќата во спалната соба каде што лежела С.Ц., по што едниот од сторителите ја фатил за устата, но таа успеала да го оттурне и почнала да вика за помош. Повикот го слушнал нејзиниот син С.Ц.(1977), кој бил во друга соба од каде излегол во претсобјето и по кратка турканица со сторителите, истите ја отклучиле влезната врата со клучот кој стоел од внатрешната страна и без да одземат ништо се оддалечиле во непознат правец.
Со стореното дело сторителите причиниле материјална штета од околу 2.000 денари. Се преземаат мерки за пронаоѓање на сторителот. /крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.