Спорт
Џордан не може да ја избрише последната порака со Коби Брајант!
Во сабота Коби Брајант со неколку месеци одложување поради пандемијата на коронавирусот и службено ќе биде примен во Куќата на славните. На церемонијата за покојната кошаркарска легенда во кошаркарската бесмртност ќе го внесе неговиот претходник и идол, Мајкл Џордан.
Големиот „М-Џеј“ во разговор за „ЕСПН“ вели дека се уште ја чува последната телефонска порака што ја разменил со Коби.
„Прво мислев дека ќе бидам нервозен поради тоа, но тогаш ми стана јасно дека нема причина да сум нервозен поради покажување емоции кон некој што навистина го сакав. Тоа е мојата човечка страна, за која луѓето често забораваат дека ја имам“ вели Џордан.
Нивниот последен разговор бил на 8. декември 2019 година, месец ипол пред трагедијата. Брајант му се јавил да прокоментира за текилата која компанијата на Џордан ја извади во производство.
„Оваа текила е одлична“ напишал Коби.
„Ти благодарам брате“ возвратил Џордан.
„О, да. Дали семејството ти е добро?“ – продолжил Брајант.
„Сите се добро. Твоите?“
„Се е добро“
„Среќни празници, се надевам дека наскоро ќе се видиме. Тренеру Коби?!“ – му напишал Џордан и ставил емотикон со смеење.
„И тебе исто така. Еј, тренеру, во моментов седам на клупа и го разбиваме противникот, 45-8“ – била последната порака од Коби.
Точно 11 дена по оваа порака Коби Брајант и официјално беше номиниран за влез во Куќата на славните, а 49 дена по пораката несреќно загина во пад на хеликоптер.
„Ја обожувам таа порака затоа што ја покажува природата на Коби“ објасни Џордан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ливерпул потврди: Слот е замена за Клоп
Ливерпул дефинитивно го потврди доаѓањето на Арне Слот за менаџер.
Клубот од Енфилд на социјалните мрежи објави дека токму холандскиот стручњак ќе ги предводи „црвените“ во наредните години.
„Ливерпул може да потврди дека Арне Слот се согласил да биде нов менаџер на клубот и тој официјално ќе ја преземе таа функција од 1 јуни, откако ќе добие работна дозвола“, се вели во соопштението на Ливерпул.
We can announce Arne Slot has agreed a deal to become the club’s new head coach, formally taking up the position on June 1, 2024, subject to a work permit 🙌
— Liverpool FC (@LFC) May 20, 2024
Слот на кормилото ќе го замени Јирген Клоп, кој реши да се пензионира по девет години.
Слот пристигнува по три многу успешни сезони во холандскиот фудбал со Фејенорд, кој го водеше до титулата минатата година и двапати беше менаџер на годината.
Во април со клубот од Ротердам го освои Купот на Холандија со победата над НЕЦ од 1:0.
Спорт
Хулен Лопетеги ќе биде тренер на Вест Хем
Договорот конечно е постигнат по неколку средби, Хулен Лопетеги ќе биде тренер на Вест Хем, пренесуваат англиските медиуми.
Пред еден месец беше познато дека шпанскиот стручњак преговара со клубот од Лондон, но договорот не беше постигнат уште во првиот обид, па следуваа уште две средби.
Се уште не е познато за колку долго ќе биде потпишан договорот, но во медиумите се шпекулира дека ќе биде на две или три години.
Вест Хем моментално е на деветтото место во Премиер лигата со кое не може да се задоволи, а кога почна да бележи лоши резултати стана јасно дека менаџерот Дејвид Мојс ќе добие отказ, па почнаа шпекулациите за неговиот наследник.
Што се однесува до Лопетеги, тој досега работеше како тренер на Севиља, Реал Мадрид, Вулверхемптон, но беше селектор и на шпанската репрезентација.
Спорт
Разбојници пукале врз тројца фудбалери на Марсеј
Тројца фудбалери на Олимпик Марсеј биле нападнати утрово во 3 часот по враќањето од Ле Авр, каде тимот го одигра последниот натпревар во сезоната, во Лига 1. Марсеј победи со 2.1 но не успеа да избори пласман во европските купови.
Како што јави „Европа 1“, жртви на напдто биле Фарис Мумбања, Жан Онана и Бамо Меите. Група разбојници, им се заканиле со пиштоли и се обиделе да ги украдат нинвите автомобили.
Драмата, кулминирала кога кон фудбалерите биле испукани неколку куршуми додека тие се обидувале да избегаат. Во еден од автомобилите два куршуми завршиле во врата на возачот, а во вториот куршум бил испукан во багажникот.
23-годишниот Мумбања е напаѓач од Камерун кој на почетокот на годината дојде од Норвешка, Меите е стопер од Брегот на Слоновата Коска, а Онана е Камерунец кој игра на позицијата заден играч за врска. Тој дојде во Марсеј на позајмица од Бешикташ.