Компании
„Гранд Куве“ на „Домен Лепово“ прогласено за светски шампион меѓу црвените вина
Македонското вино „Гранд Куве“ на бутик винарницата „Домен Лепово“ од бербата 2013, го потврди своето високо реноме понесувајќи ја титулата “светски шампион” во категоријата црвени суви вина на 58-от меѓународен вински натпревар „Вино Љубљана 2016“.
Ова вино, кое е дел од портфолиото на премиум винарницата „Домен Лепово“, е издвоено како светски шампион меѓу 412-те вина од 21 земја што учествуваа на годинешната интернационална винска смотра на најдобрите, која традиционално се одржува во Љубљана.
Виното „Домен Лепово Гранд Куве“ (Domaine Lepovo Grand Cuvée) претставува совршено балансирана купажа од три висококвалитетни сорти – вранец, каберне совињон и мерло. Виното е креација на светски реномираниот вински мајстор Филип Камби и во секој поглед претставува навистина моќно вино со уникатен карактер. Целокупниот процес на производство се одвива во винарницата „Домен Лепово“, која е во рамки на самиот посед каде се лоцирани лозјата, со што е овозможена максимална контрола на квалитетот. За квалитетот на ова вино придонесува и неговото одлежување во исклучиво нови, најелитни (ICON) француски барик буриња во времетраење од 15 месеци. Сите овие карактеристики имаат удел во ексклузивноста и високата вредност на ова вино, достапно во лимитирана серија од 20.000 шишиња.
Премиум винарницата „Домен Лепово“ во своето портфолио има три бренда: „Шардоне“ кое се појави на пазарот во 2014, „Пино Ноар“ и „Гранд Куве“ кои се појавија на пазарот во 2015. Сите вина одлежуваат во исклучиво нови ICON буриња, „Шардоне“ во времетраење од 6 месеци, а „Пино ноар“ 12 месеци.
„Вино Љубљана“е вински натпревар што се одржува уште од далечната 1955 година и спаѓа меѓу 10-те водечки светски вински натпревари. Годинешната селекција на најдобри вина ја направија 40 дегустатори од 14 земји, меѓу кои и од Македонија, според правилата на Меѓународната организација за вино (OIV) и Меѓународната асоцијација на енлози (UIE) од Париз, Франција.
ВИНО ПРОИЗВЕДЕНО НА САМИОТ ПОСЕДDOMAINE LEPOVO GRAND CUVÉE
Берба: 2013 Aлкохол: 15% Годишно производство: 20.000 шишиња Старост на лозата: 15 годиниПринос литри/ха: 3.500 l/ha
Domaine Lepovo Grand Cuvée се одликува со темна рубин боја и богат вкус на суви сливи и зрели црни цреши, комбинирани со благи зачини и суптилни нијанси на кафе и тутун. Благата арома што се чувствува на мирис се рефлектира и во вкусот каде доминираат зрела цреша и црвена рибизла. Гранд куве има исклучително полно тело и долг финиш, како и голем потенцијал за стареење.
СПАРУВАЊЕ СО ХРАНА И СЕРВИРАЊЕНајдобро се спарува со црвено месо, особеносо печено јагнешко. Температура на сервирање: 16-18°C Декантирање (препорачано): 30-60 мин.
СПЕЦИФИКИ НА РЕГИОНОТГеографска должина и ширина: 41.518439, 22.036781 Надморска висина: 250 m ASL Годишно количество на дожд: 150-300 l/m2 Број на сончеви денови: 120-150 денови во вегетативниот период /крај/мф/би
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
БРАКО ќе промовира ново електрично возило на саем во Минхен
БРАКО ќе претстави ново електрично возило од својот бренд Грин Машинс на светскиот саем IFAT, кој следната недела ќе се одржи во Минхен.
Возилото беше развивано две години од страна на инженерскиот тим за развој на БРАКО/Грин Машинс и е сосема ново техничко и функционално решение во програмата за производство на возила за одржување урбана хигиена.
Моделот 720 ZE работи на електричен погон и e со технологија од последната генерација, со вградени мотори во задните тркала и управување на сите четири тркала, поголем контејнерски простор, широка кабина за две лица, 360⁰ камера и оптимизиран начин на чистење.
Се очекува новиот модел да отвори уште повеќе пазари во светот, каде се бараат возила за одржување хигиена од овој габарит и перформанси.
Моделот 720 ZE беше најавен како концепт на саемот IFAT во 2022 гoдина и тимот за развој планираше да го развие во следните две години, во што и успеа и создаде возило кое е целосно замислено, проектирано и произведено во погоните на БРАКО.
Возилото во завршна фаза беше претставено пред гостите на прославата на 20-годишнината на Феро Инвест и БРАКО пред шест месеци, а сега во Германија ќе ја доживее својата светска промоција.
(ПР)
Економија
SEAT S.A. постигна историски рекордни финансиски резултати благодарение на двоцифрениот раст и ефикасноста на SEAT и успехот на CUPRA
“Кога станува збор за SEAT, ви ветувам дека најдоброто допрва доаѓа“
SEAT S.A. постигна историски рекордни финансиски резултати, благодарение на двоцифрениот раст и ефикасноста на SEAT и успехот на CUPRA
· Оперативната добивка на SEAT S.A. достигна рекордни 625 милиони евра, повратот од продажба достигна 4,4%, а прометот за минатата година се зголеми на 14,3 милијарди евра
· Нова инвестиција во брендот SEAT се новите освежувања на Ibiza и Arona, како и подобрувањето на Leon и Ateca
· Во 2024 година е планирано лансирањето на CUPRA Tavascan и CUPRA Terramar
SEAT S.A. ги претстави своите резултати за 2023 година заедно со својата стратегија за претстојните години. Минатата година, според Меѓународните сметководствени правила (МСФИ), оперативната добивка достигна рекордни 625 милиони евра, зголемувајќи се за 592 милиони евра (2022: 33 милиони евра). Ова претставува подобрување на повратот на продажбата од 4,1 процентен поен, од 0,3% на позитивни 4,4%. Годишниот промет исто така достигна историски 14,333 милијарди евра, 31,0% повеќе од 2022 година (10,941 милијарди). Овие резултати ја потврдуваат силата на компанијата и успехот на нејзината постојана стратегија за трансформација.
„Зад себе оставаме година во која SEAT S.A. ги објави најдобрите финансиски резултати во својата 73-годишна историја, осигурувајќи се дека нашата компанија продолжува на својот пат кон попрофитабилна иднина“, рече Вејн Грифитс, извршен директор на SEAT и CUPRA. „2023 година беше година на огромни контрасти за автомобилската индустрија, како и за нашата компанија, бидејќи продолживме да се движиме низ морето на несигурност додека ја претрпевме најголемата трансформација во нашата историја“.
„Во 2023 година, SEAT S.A. направи голем чекор на своето патување на трансформација: имавме за цел да направиме значително подобрување и тоа е она што успеавме да го направиме. Постигнавме рекорди на сите времиња во промет, оперативна добивка и оперативен готовински тек. Ова совршено ги одразува позитивните ефекти од растот на обемот на марката CUPRA и обновувањето на обемот на марката SEAT, како и важноста на напредокот што го постигнавме со нашата програма за подобрување на перформансите“, рече Дејвид Пауелс, потпретседател за финансии и ИТ во SEAT. С.А.
ИНВЕСТИЦИИ ВО БРЕНДОТ НА SEAT
Гледајќи во иднината, SEAT S.A. ја има поставено вистинската стратегија за да го одржи профитабилниот раст на компанијата. Брендот SEAT ќе игра клучна улога во ова и компанијата ќе лансира подобрени plug-in хибридни и штедливи автомобили на SEAT.
Arona и Ibiza ќе добијат подобрување во 2025 година, а во следните месеци, марката ќе лансира нова и подобрена верзија на SEAT Leon, со технички и технолошки надградби. Понатаму, Ateca ќе биде подобрен и неговиот животен циклус ќе се продолжи.
„Го враќаме брендот SEAT таму каде што припаѓа, продолжувајќи го двоцифрениот раст од минатата година со нови инвестиции во брендот и неговите модели. Исто така, разгледуваме што можеме да испорачаме во електричниот свет под брендот SEAT. Кога станува збор за SEAT, ви ветувам дека најдоброто допрва доаѓа“, додаде Вејн Грифитс.
(ПР)
Економија
„Зегин онлајн“ е најпопуларна е-продавница за здравје, нега и убавина за 2023 година
Во организација на Асоцијацијата за е-трговија на Македонија вчеравечер се одржа Ecommerce Awards, избор на најдобрите во македонската е-трговија.
Компанијата Зегин со е-продавницата www.zegin.com.mk беше номинирана во неколку категории, а го освои првото место во категоријата „Најпопуларна е-продавница за здравје, нега и убавина“, што претставува уште една потврда дека квалитетот, професионалноста, вложениот труд и љубов секогаш резултираат со успех.
Изборот на најдобрите е-трговци има за цел да ги препознае и награди најдобрите со што ќе придонесе за мотивација и охрабрување за уште подобра работа, да ја крене свеста за потенцијалот и да ја промовира е-трговијата, како и да ја зајакне конкурентноста и да охрабри унапредување на работењето кај постојните и идни е-трговци.
„Оваа награда, трета по ред претстаува уште еден доказ за успешноста на работењето на онлајн продавницата на Зегин- www.zegin.com.mk и е одлична мотивација за уште попосветена работа, поквалитетна понуда, како и позадоволни купувачи во иднина. Ви благодариме за лојалноста и довербата!“, велат од компанијата за наградата.
Манифестација за доделување на македонските Награди за е-трговија за 2023 година – E-commerce Awards, се одржа во присуство на членките на АЕТМ, поддржувачите и партнерите, жири комисијата и наградените е-трговци.
(ПР)