Црна хроника
Убиство и самоубиство го потресе Охрид
Недоразбирањата меѓу сопругот педагог во едно од основните училишта во градот и сопругата полицајка вработена на охридскиот аеродром, завршија со убиство и самоубиството што се случи попладнево околу 17.30 часот во семејна куќа на улицата „Момчило Јорданоски“, јавува Ohridnews
Иако постојат одредени индиции полицијата сеуште не соопштува како се случила и што ја предизвикало семејната трагедија, освен тоа дека според првичните неофицијални информации од истрагата, убиството и самоубиството биле извршени со пиштол.Соседите со неверување ја примија веста за смртта на двајцата сопружници на возраст од околу 30 години, кои зад себе оставија две малолетни деца, од 7 години и 7 месеци. Видно вознемирени се воздржаа од секаков коментар.На местото на несреќата во тек е увид кој според информациите од охридската полиција ќе продолжи во текот на ноќта, а со официјална информација за немилиот настан надлежните органи најавија дека ќе излезат во текот на утрешниот ден.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Mлад скопјанец натепан во автобус во Карпош од две двојно постари лица
Синоќа во градски автобус на подрачјето на Карпош, Н.Ј.(23) од Скопје бил физички нападнат од Ј.И.(58) и 50 – годишната Л.И., двајцата од Скопје.
Се преземаат мерки за расчистување на случајот, објави МВР во дневниот билтен.
Топ
Деца натепани од врсници на Бит Пазар пред зградата во која живеат
Триесет и четиригодишната Ч.М.А. од Скопје пријавила дека околу 16.30 часот пред зградата во која живеат на подрачје на Бит Пазар, нејзините малолетни деца биле физички нападнати од двајца малолетници.
Се преземаат мерки за расчистување на случајот, објави МВР во дневниот билтен.
Топ
Избоден малолетник во Куманово, пренесен е болница
Малолетно момче било избодено синоќа во Куманово.
Од МВР велат дека момчето се здобило со повреди и било пренесено во Ургентниот центар.
Засега е познато дека зад нападот стои едно лице, но од МВР без детали што претходело и дали двајцата се познавале.
Се преземаат мерки за расчистување на случајот, велат од полицијата.