Европа
Украина тужи француска телевизија за документарец за мајданските настани
Украинската комисија за етика во медиумите ќе ја предаде на суд француската телевизија Canal+ поради емитувањето на филмот посветен на настаните на киевскиот Плоштад на независноста (Мајдан) со кои беше соборен од власт прорускиот претседател Виктор Јанукович, соопшти во четвртокот оваа организација.
„Комисијата за етика во медиумите побара од француските колеги од Сојузот на независни медиумски совети на Европа со тужба против дејствијата на телевизијата Canal+ и режисерот Пол Мореира (кој се претставува како новинар). Тужбата се однесува на содржината на филмот ‘Специјална истрага. Украина Маски на револуцијата’“, се истакнува во соопштението.
Комисијата, исто така, бара да се разгледа и да се даде оцена за усогласеноста на нормите на професионалната етика во дејствијата на новинарот и уредникот, кои ја подготвиле и донеле одлука за емитување на содржината. Како што истакнува секретарката на украинска комисија за етика во медиумите, Татјана Котјужинска, францускиот медиумски совет изразил подготвеност да ја разгледа тужбата.
И покрај притисокот на украинските власти, на 1-ви февруари францускиот телевизиски канал Canal+ сепак го емитуваше спорниот документарен филм, кој ги следи настаните во украинската престолнина Киев во почетокот на 2014 година и промените кои настанаа во земјата.
Во анализата на настаните на Мајдан, Мореира го поставува прашањето „Кој се креи зад маските на револуцијата?“ и доаѓа до заклучокот дека народните немири во своите интереси ги искористиле националистичките групации, како на пример Десниот сектор.
Неговата екипа успеала да сними и логор за обука на борците на доброволечкиот баталјон „Азов“, чии припадници гордо се снимале со портрети на Хитлер. Во филмот изјава дава и млад Французин кој се борел како доброволец во источна Украина против рускојазичните одметнати украински региони, и ијзавува дека е „восхитен од Мусолини“.
Мореира, исто така, го поставува прашањето за улогата на САД во евентаулната организација на немирите во Киев и други украински градови, имајќи предвид дека бројни највисоки американски фунцкионери во тој период често престојуваа во Украина, како потпретседателот Џозеф Бајден, сенаторот Џон Меккејн, поранешниот директор на ЦИА, Дејвид Петреус или помошничката во Стејт департментот, Викторија Нуланд.
Забележително е дека ниеден од нив не сакал директно да одговори на прашањето на францускиот новинар за ксенофобичната матрица на „Десниот сектор“, кој, како што истакнува Мореира, „никако не се совпаѓа со декларираните демократски вредности на земјите во Европа“.
„Новите власти во Киев, целосно го променија претходниот политички курс и потполно се свртеа кон САД. Но, на крајот, се добива впечатокот дека Украина е пион во геополитичките игри на САД против Русија“, заклучуваат авторите на филмот.
Во филмот, исто така, особено внимание му е посветен на пожарот во Домот на синдикатите во пристанишниот град Одеса, во кој загинаа 42 припадници на таму големата рускојазична и руска заедница кои протестираа против воените операции во источните украински русофони региони, и се укажува на улогата на украинските националистички групи во трагедијата и се констатира дека тоа „нема ништо заедничко со демократијата“
И пред премиерата овој филм беше жестоко критикуван од претставниците на украинските прозападни власти кои дојдоа на власт токму по киевските безредија во кои животите ги загубија повеќе од сто луѓе.
„Примитивна новинарска манипулација. Телевизијата би требало да се воздржи од емитување на тој филм“, напиша на својата страница на Facebook, амбасадорот на Украина во Франција ,Олег Шамшур. Според дипломатот, ставот на авторот, а со тоа и самиот документарен филм, не може да се смета за истражувачко новинарство./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Италијанец се преправал дека е слеп 50 години, ја измамил државата за повеќе од еден милион евра
76-годишен маж од областа Виченца во Италија се преправал дека е целосно слеп повеќе од 50 години за да добие надомест за инвалидитет измамувајќи ја државата за повеќе од еден милион евра. Измамата е откриена кога финансиската полиција го снимила како извршува секојдневни задачи без никакви проблеми, како што се градинарство и пазарување на пазарот, објавува „Кориере дел Венето“.
На снимката објавена од финансиската полиција човекот е снимен како внимателно избира овошје и зеленчук на пазарот. Дома е снимен како врши градинарски активности, вклучувајќи кастрење и полевање растенија. Сите овие задачи ги извршувал со целосна леснотија, иако официјално бил регистриран како 100 % инвалид поради слепило.
Жителот на Монтекио Маџоре е обвинет за сериозна измама против државата.
Според обвинението, човекот незаконски примал бенефиции и надоместоци наменети за слепи лица повеќе од педесет години, со што стекнал незаконска бенефиција од повеќе од еден милион евра. Истрагата е поведена по вкрстена проверка на податоците на корисниците на социјално осигурување, а членовите на финансиската полиција од Арзињано поминале повеќе од два месеца следејќи го. Утврдено е дека тој почнал да прима пензија и надомест за придружба уште во 1972 година по наводна несреќа на работа.
#GdiF #Vicenza Denunciato un falso invalido per truffa ai danni dello Stato, avendo percepito indebitamente, per più di 50 anni, indennità e sussidi per un importo superiore al milione di euro.#NoiconVoi pic.twitter.com/DvqBzrir2l
— Guardia di Finanza (@GDF) October 13, 2025
Старецот е снимен како извршува голем број секојдневни задачи, без ничија помош, вклучително и користење опасни алатки, како што се ножици за кастрење и тримери за жива ограда. Тој исто така редовно одел сам на градскиот пазар избирајќи продукти и плаќајќи во готово од сопствениот паричник.
Врз основа на цврсти докази, поткрепени со сведочење на експерти, судската власт во Виченца поднесе обвинение против лажно слепиот човек. Финансиската полиција ги извести надлежните институции сите бенефиции веднаш да му бидат суспендирани. Даночната ревизија утврди нелегален приход од над 200 илјади евра во последните пет години, период за кој може да се направи процена, и е предложено да се конфискува овој износ.
„Оваа операција сведочи за континуираната посветеност на Финансиската полиција во борбата против измамите во секторот за социјална помош и пензиско осигурување. Јавните средства наменети за поддршка на најранливите и навистина сиромашните социјални групи неправедно се одземаат“, соопшти Покраинската команда на Финансиската полиција во Виченца.
фото: принтскрин
Европа
Зеленски: Русија ја таргетира енергетската инфраструктура со 300 дрона и 37 ракети
Украинскиот претседател Володимир Зеленски денеска објави дека Русија употребила 300 беспилотни летала и 37 ракети за напад врз украинската инфраструктура во текот на ноќта.
„Оваа есен Русите го користат секој ден за да ја таргетираат нашата енергетска инфраструктура“, напиша тој на „Икс“.
Украинската приватна енергетска компанија ДТЕК претходно соопшти дека постројка за производство на гас во регионот Полтава е затворена по рускиот напад врз енергетската инфраструктура во текот на ноќта.
Извори од индустријата за „Ројтерс“ изјавија дека руските напади предизвикале значајна штета на гасниот сектор на Украина.
Главниот извршен директор на украинската државна компанија „Нафтогас“ рече дека нападите го нарушиле работењето на неколку клучни постројки.
Тој нагласи дека тие имале директно влијание врз домашното производство на гас и дека Киев ќе мора да ги покрие загубите преку увоз.
фото: принтскрин
Европа
Путин почнува брутална зимска тактика против Украина
Русија ги засили нападите врз енергетската и гасната инфраструктура на Украина во последните денови, во кампања што потсетува на најлошите зимски удари во последниве години. За само неколку дена, десетици електрани низ целата земја беа погодени, оставајќи милиони без електрична енергија, вода и греење – бидејќи температурите штотуку почнуваат да паѓаат.
Украина вчера воведе итни прекини на електричната енергија во речиси сите региони. Националниот оператор Укренерго соопшти дека далноводите и трафостаниците се оштетени и дека се потребни ограничувања на потрошувачката за стабилизирање на системот. ДТЕК, најголемиот приватен производител и дистрибутер, соопшти дека ја вратил електричната енергија на речиси два милиони корисници за само неколку дена, главно во регионите Киев, Одеса и Дњепропетровск.
Во главниот град, прекините на електричната енергија, исто така, предизвикаа пад на притисокот на водата, додека делови од метрото работеа на резервна електрична енергија. Во неколку региони, вклучувајќи ги регионите Суми и Черкаси, властите воведоа ротирачки прекини на електричната енергија и ги повикаа граѓаните да штедат енергија.
Зеленски: „Путин се обидува да предизвика хаос пред зимата“
Украинскиот претседател Володимир Зеленски рече дека Русија го користи студот како оружје.
„Тие немаат што да покажат на бојното поле, па затоа се обидуваат да го уништат нашиот енергетски сектор. Нивната цел е да сеат хаос и страв пред зимата“, рече тој. Тој додаде дека руските сили лансирале повеќе од 150 беспилотни летала и десетици ракети за само неколку дена, насочени кон електрани, трафостаници и гасни постројки.
Министерот за енергетика Герман Галушченко рече дека нападите оваа недела ги погодиле и постројките на државната компанија Нафтогаз и неколку термоцентрали во централна Украина. „Нивната цел е да ги исцрпат нашите залихи на гас и да нè принудат да увезуваме во средината на зимата“, рече тој.
Повторување на бруталната тактика
Според проценките на воените и енергетските аналитичари објавени од Ројтерс и Блумберг, Русија ја повторува бруталната тактика што ја користеше во минатите зими – систематски напаѓајќи ги електроенергетските и гасните постројки за да ја намали отпорноста на Украина и да го ослаби моралот на населението.
Целта не е моментален прекин на електричната енергија, туку долгорочно осиромашување преку постојани поправки, преоптоварувања и недостиг на делови.
Нападите се темпирани да се совпаднат со промената на сезоната: како што паѓаат температурите, секоја штета има поголемо влијание, а работата на мрежата се забавува. Аналитичарите предупредуваат дека Москва користи тактика на „заситеност во одбраната“ – користејќи масивни бранови беспилотни летала и ракети за да ги истроши украинските ракети за воздушна одбрана, а потоа прецизно ги таргетира клучните точки на пренос.
Поради сериозен дефект, МРТВ не емитува три дневника: се проверува дали е намерен упад во системот
Македонската радио-телевизија информира дека поради сериозен технички проблем, вчера не беше во можност да ги емитува телевизиските дневници во 17,...
Родителите на жртвите од „Пулс“: Привремено се прекинуваат блокадите, маршевите продолжуваат секоја сабота
Семејствата на трагично починатите деца во пожарот во дискотеката „Пулс“ во Кочани информираа дека по добивањето на датумот за почеток...
Прекин на испораката на гас за ЈСП, можни се отстапувања од возниот ред
ЈСП информира дека до утре ќе има прекин на испораката на гас и поради тоа е можно да има прекин...
На 35 вакцинални пункта во државата денеска почна вакцинацијата против сезонскиот грип, досега пријавени 43.000 граѓани
Министерството за здравство информира дека денеска почна вакцинацијата против сезонски грип, која се спроведува на вкупно 35 вакцинални пункта низ...
Судењето за пожарот во „Пулс“ почнува на 19 ноември
Судењето за пожарот во дискотеката „Пулс“ во Кочани, во кој загинаа 63 лица, почнува на 19 ноември во судницата во...
Сиљановска – Давкова очекува помош од ЕУ во пронаоѓањето креативно решение за деблокада на македонските интеграции
Претседателката Гордана Сиљановска – Давкова очекува помош од Унијата во пронаоѓањето на излезно креативно решение за деблокада на македонските интеграции....
ВМРО-ДПМНЕ: Фатмир Дехари е градоначалник на срамот во Кичево, малтретирал и сексуално понижувал жени
Фатмир Дехари е градоначалник на срамот во Кичево. Дехари е симбол за брутална злоупотреба на моќта, понижување на жените, и...
Трамп: Хамас копа во урнатините и бара тела на заложници, тоа е ужасен процес
Американскиот претседател Доналд Трамп вчера изјави дека Хамас продолжува со напорите за враќање на телата на мртвите израелски заложници држени...
Немири на пропалестинските протести во Валенсија
Најмалку пет лица беа приведени, а неколку беа повредени во пропалестинските протести во Валенсија што се одржаа пред и за...
(Видео) Трамп: Америка е во трговска војна со Кина
Американскиот претседател Доналд Трамп вчера изјави дека САД се во трговска војна со Кина. Новинарите во Белата куќа го прашаа...
Украина тврди дека идентификувала повеќе од 1.000 Кубанци, кои се борат за Русија
Украинското воено разузнавање (ХУР) објави дека најмалку 1.076 кубански државјани се бореле или сè уште се борат на страната на...
Хамас врати уште две тела на заложници, велат дека не може да ги пронајдат другите
Хамас вчера ги предаде останките на уште двајца заложници на Меѓународниот комитет на Црвениот крст, но соопшти дека во моментов...
Фон дер Лајен по посетата на Македонија: Топката е во Вашиот двор, ЕУ е подготвена
Целосно стоиме зад Северна Македонија на нејзиниот пат кон Европската Унија. Може да сметате на нас. Вашиот следен и единствен...
Гаши – фон дер Лајен: Економска интеграција на единствениот европски пазар пред интеграција во ЕУ
Претседателот на Собранието, Африм Гаши, оствари средба со претседателката на Европската комисија, Урсула фон дер Лајен, која во рамките на...
Поради изградба на објект, оштетен е ѕид и кровот на куќата на Владо Малески во Струга, споменик заштитен како културно наследство
Поради изградба на објект, оштетен е ѕид и кровот на куќата на Владо Малески во Струга, споменик заштитен како културно...
Мицкоски на средбата со фон дер Лајен: Државата очекува од Европската Унија јасна и конкретна посветеност
Денес во просториите на Владата, премиерот, Христијан Мицкоски, имаше средба со претседателката на Европската комисија, Урсула фон дер Лајен, во...
Уставниот суд не поведе постапка по иницијативата на Левица, партијата ќе се жали во Стразбур
Уставниот суд ја одби Иницијативата на Левица за оценување на уставноста и законитоста против Упатството на ААВМУ што се однесува...
Ѓорѓиевски вети бесплатен оброк за секој средношколец и наградни патувања во Европа за првенците на генерација
Кандидатот за градоначалник на Скопје од ВМРО-ДПМНЕ, Орце Ѓорѓиевски, денес ја претстави програмата за средношколците. Вети модерен, дигитален и еколошки...
Откриена царинска измама со додатоци на храна во висина од 622 илјади денари: стоката ја пријавувале во погрешна тарифна ознака со пониски царински давачки
Кривична пријава за сторено кривично дело „царинска измама“ со увози на додатоци за исхрана е поднесена за увозник, шпедиции и...
Костовски: Нов модерен затворен базен во Бутел
Актуелниот градоначалник на Бутел и кандидат на локалните избори од ВМРО-ДПМНЕ, Дарко Костовски им најави на граѓаните на Општината дека...
