Свет
Во налет на циклонот во Индија загинаа најмалку 21 човек, исчезнати се 96 луѓе
Најмалку 21 човек загинаа, а 96 се водат за исчезнати во голем удар на циклон во западна Индија, носејќи им проблеми на милиони луѓе кои веќе страдаат од голем бран на коронавирус.
Стотици илјади луѓе останаа без електрична енергија при ударот на циклонот „Таукте“ по должина на брегот на западната индиска држава Гуџарат. Ова е едно од почестите бури за кои експертите велат дека се резултат на климатските промени.
Циклонот беше проследен со брзина на ветер од 185 километри на час, тој откорна дрвја и ги сруши столбовите за пренос на електрична енергија и антените на мобилната телефонија. За време на влезот подлабоко на копното, тој малку ослабе.
Индиската морнарица објави дека брод за поддршка на нафтени платформи потонал под ударот на големи бранови, а 96 од 273 лица од тој брод исчезнале.
Министерството за одбрана објави дека се спасени 177 лица, а операцијата се очекува да продолжи во текот на денот поради „крајно предизвикувачките услови на море“.
Повеќе од 200.000 луѓе во опасните зони се евакуирани од своите домови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кулеба: Повеќе од половина од енергетскиот систем на Украина е оштетен во нападите на руските сили
Повеќе од половина од енергетскиот систем на Украина е оштетен во нападите на руските сили, изјави министерот за надворешни работи на Украина Дмитро Кулеба.
Во интервју за Форин Полиси, тој рече дека Украинците најмногу страдаат од руските ракетни напади и дека руските балистички ракети се „вистинско зло“.
Наведувајќи дека руските сили користат балистички ракети главно за напади врз енергетскиот систем на Украина, Кулеба оцени дека која било друга земја, доколку претрпи таква штета на енергетските капацитети, ќе изгледа многу полошо од Украина.
Свет
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол, обвинител на таа американска држава.
Полицијата на Фејсбук соопшти дека нема повеќе осомничени и дека нема повредени „освен наводниот напаѓач“, пренесува Асошиејтед прес.
Кол одбил да одговори на прашањата на новинарите дали ученикот пукал и се обидел да влезе во училиштето.
Свет
При уривање на автопат во јужна Кина загинаа 36 лица
Бројот на загинати во уривањето на дел од автопатот во јужната кинеска провинција Гуангдонг се искачи на 36, соопштија локалните власти.
Несреќата се случи вчера наутро, а по уривањето на делницата долга 17,9 метри, 23 возила паднале во провалија, јавува агенцијата Синхуа.
Претходно беше соопштено дека загинале 24 лица, а 30 се повредени.