Црна хроника
Полицајци, вработен во АР и сопружници на вработени во АР не плаќале патарина
Полицајци, вработен во Агенцијата за разузнавање (АР), како и сопружници на вработени во АР биле фатени дека не плаќаат патарина, соопшти МВР.
Секторот за внатрешна контрола и професионални стандарди изврши контрола на наплатните рампи „Глумово“ и „Отовица“ за да проверат дали се злоупотребуваат службените легитимации.
На двете наплатни рампи минале вкупно 33 возила без да платат патарина. Двајца од нив биле полицајци, едниот вработен во полициската станица Попова Шапка, а другиот бил вработен во СВР Тетово, во полициска станица Групчин.
Еден вработен во Агенцијата за разузнавање ја покажал службената легитимација и не платил патарина, а додека две сопружници на вработени во АР ги покажале легитимациите на сопрузите и не платиле патарина.
Сите возачи што не платиле патарина ќе платат глоба, додека за полицајците е поднесен предлог за утврдување на одговорност до надлежната Комисија за отказ. За вработениот во АР, и за оние чии легитимации биле злоупотребени, МВР ќе ја извести Агенцијата.
Во првите шест месеци од годинава извршени се вкупно седум контроли на наплатните рампи „Глумово“ и „Отовица“ и биле „фатени“ 136 возачи кои поминале без да платат патарина. Од нив 10-мина се вработени во МВР./крај/мвр/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Mлад скопјанец натепан во автобус во Карпош од две двојно постари лица
Синоќа во градски автобус на подрачјето на Карпош, Н.Ј.(23) од Скопје бил физички нападнат од Ј.И.(58) и 50 – годишната Л.И., двајцата од Скопје.
Се преземаат мерки за расчистување на случајот, објави МВР во дневниот билтен.
Црна хроника
Деца натепани од врсници на Бит Пазар пред зградата во која живеат
Триесет и четиригодишната Ч.М.А. од Скопје пријавила дека околу 16.30 часот пред зградата во која живеат на подрачје на Бит Пазар, нејзините малолетни деца биле физички нападнати од двајца малолетници.
Се преземаат мерки за расчистување на случајот, објави МВР во дневниот билтен.
Црна хроника
Избоден малолетник во Куманово, пренесен е болница
Малолетно момче било избодено синоќа во Куманово.
Од МВР велат дека момчето се здобило со повреди и било пренесено во Ургентниот центар.
Засега е познато дека зад нападот стои едно лице, но од МВР без детали што претходело и дали двајцата се познавале.
Се преземаат мерки за расчистување на случајот, велат од полицијата.