Црна хроника
Наскоро се очекува пресуда за „Ликвидација“
Кривичниот суд ги презентираше доказите за обвинетите во случајот „Ликвидација“ прибавени со посебни истражни мерки.
Судењето беше затворено за јавноста, а адвокатите на обвинетите не открија што содржат доказите.
Адвокатот Јован Јоанидис по презентацијата на доказите изјави дека очекува по завршањето на доказната постапка да има пресуда за овој случај.
Во четвртокот по петти пати им беше продолжен притворот на обвинетите во „Ликвидација’, меѓу кои и на новинарот од дневниот весник „Нова Македонија“, Томислав Кежаровски.
Освен на Кежаровски притворот им беше продолжен и на останатите обвинети, судијата Иле Танев, обвинителот Ивица Ефремов и адвокатот Валентин Зафиров./крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.