Свет
Советот за човекови права на ОН покренува истрага за злосторства во Газа
Советот за човекови права на ОН одлучи да започне меѓународна истрага за злосторства извршени за време на 11-дневниот конфликт меѓу Израел и Хамас.
Со 24 гласа „за“, 9 „против“ и 14 воздржани, Советот за човекови права на ОН кој има вкупно 47 члена, ја усвои резолуцијата предложена од Организацијата за исламска соработка (ОИЦ) и палестинската делегација во Обединетите нации.
„Нацрт-резолуцијата е прифатена“, рече Назхат Шамим Кан, амбасадорка на Фиџи, која во моментов претседава со Советот за човекови права на ОН, со седиште во Женева.
Израел ја отфрли одлуката на Советот на ОН да започне истрага, што пак беше поздравена од страна на Хамас.
Израелското Министерство за надворешни работи објави дека Израел нема да соработува во истрагата и истата ја оцени како обид за прикривање на злосторствата извршени од терористичката организација Хамас.
Портпаролот на Хамас ги нарече акциите на палестинската милитантна група легитимен отпор и повика на итно преземање чекори за казнување на Израел.
САД соопштија дека длабоко жалат за одлуката на Советот за човекови права.
„Денешната одлука се заканува да го загрози постигнатиот напредок“, се вели во соопштението на американската делегација во Женева.
САД имаат статус на преговарач во Советот и немаат право на глас и не се обратија на специјалната седница на Советот за човекови права на ОН, одржана на барање на муслиманските држави кои побараа од форумот да се формира комисија за истражување на можни злосторства и утврдување на командна одговорност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.