Европа
Киев ќе испраќа свој конвој хуманитарна помош за истокот
Украинските власти во четвртокот објавија дека наводно ќе испратат свој хуманитарен конвој за населението во бунтовничките упоришта во источниот дел од земјата Луганск и Донецк, додека со контрадикторните изјави на украинските челници неизвесно е дали е дадена дозвола за рускиот конвој кој трган кон истите одредишта уште во вторникот.
„Во четвртокот 14-ти август ќе испратиме од три украински града – Киев, Днетропетровск и Харков, конвој со камиони со помош за жителите на Луганск и Донецк“, се наведува во соопштението на службата за односи со јавноста на украинскиот претседател Петро Порошенко, што ја цитира агенцијата УНН.
„Црвениот крст ќе ја распредели таа помош на цивилното население во регионите Донецк и Луганск“, се додава во соопштението.
Украинскиот конвој е составен од 15 камиони со 240 тони најосновни производи, ќе биде запрен во гратчето Старобилск, кое го контролираат владините сили, 97 километри северно од Луганск, каде што ќе го преземат претставници на Меѓународниот комитет на Црвениот крст. Владата во Киев, исто така, соопшти дека одлучила да додели 570 илјади евра за хуманитарните потреби на населението во источните региони, кои се жртви на четиримесечните судири меѓу ткн лојалистички сили и проруските бунтовници.
Конвојот од над 280 камиони со две илјади тони храна и друга хуманитарна помош, како лекови, вода и генератори наменета за цивилното население во источните украински области коишто повеќе од четири месеци се зафатени со воени судири, во вторникот вечерта од Москва се упатија кон руско-украинската граница.
Пред тргнувањето на конвојот, рускиот министер за надворешни работи Сергеј Лавров објави дека по дводневните интензивни преговарања со Украина, Меѓународниот комитет на Црвениот крст (ICRC) и Организацијата за безбедност и соработка во Европа (ОБСЕ) била договорена и прецизирана шемата при што биле вброени сите барања на Киев, вклучително и маршрутата по која ќе се движи конвојот и дека тој на украинската територија ќе биде означен со украински ознаки.
Директорот на оперативниот одделот на Меѓународниот комитет на Црвениот крст за Европа и централна Азија, Лоран Корба, во Москва и во Киев во четвртокот разговара во врска со рускиот хуманитарен конвој кој се приближува кон украинската граница на својот пат подолг од илјада километри, пренесе Итар-Тасс. Москва, пак, во четвртокот соопшти дека е убедена дека и покрај опструкциите, украинските власти не можат да не ја пропуштат руската хуманитарна помош за населението на Украина, бидејќи задржувањето на конвојот би било во спротивност со сите официјални и неофицијални прописи на однесување во меѓународното право./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Венеција заработи огромна сума на пари со наплата на влезници во градот за само 11 дена
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.
Европа
(Видео) Украина уништи моќен руски ракетен лансер
Ракетата TOS-1A LANSER често се нарекува тежок фрлач на пламен поради специфичната термобарична муниција што ја истрелува, која е ефикасна против силно утврдените одбранбени позиции.
The warriors from the 93rd Mechanized Brigade destroyed another "no-analogue" russian TOS-1A Solntsepyok heavy flamethrower system with the use of a night-vision FPV drone. pic.twitter.com/lS22jAGa8o
— Defense of Ukraine (@DefenceU) May 7, 2024
„Војниците од 93-та механизирана бригада уништија уште еден руски тежок пламен фрлач TOS-1A Solntsepyok користејќи беспилотно летало за ноќно гледање FPV“, се вели во објавата на Твитер. Не е наведено кога и каде се случил нападот.
Вредноста на еден таков систем се проценува на 6,5 милиони долари.
Европа
Русија и Украина меѓусебно се обвинуваат за употреба на забрането хемиско оружје
Русија и Украина меѓусебно се обвинуваат за употреба на забрането хемиско оружје на бојното поле, објави Организацијата за забрана на хемиско оружје.
Организацијата за забрана на хемиско оружје соопшти дека наводите се „недоволно потврдени“ со доказите, но во соопштението се додава:
„Ситуацијата останува нестабилна и крајно загрижувачка кога станува збор за потенцијалната употреба на токсични хемикалии како оружје“.
Ниту Русија ниту Украина официјално не побарале од организацијата да ја истражи наводната употреба на хемиско оружје, се вели во соопштението.
Минатата недела, САД соопштија дека Русија ја прекршила меѓународната забрана за употреба на хемиско оружје, која е надгледувана од Организацијата.
Таа, наводно, користела хлоропикрин, моќен пестицид што се користи во земјоделството и е забранет за воена употреба, против украинските трупи и користела хемиски соединенија кои привремено ги онеспособуваат луѓето, како солзавец, „како метод за војување“ во Украина.
Ова следеше по украинските тврдења во април дека Русија ја засилила употребата на солзавец во рововите. Русија ги отфрли обвинувањата, а украинските власти не одговорија на барањето на Ројтерс за коментар во вторникот.
Организацијата за забрана на хемиско оружје соопшти дека ја следат ситуацијата од февруари 2022 година, кога Москва ја нападна Украина. Според Конвенцијата за хемиско оружје, секоја токсична хемикалија што се користи за да предизвика повреда или смрт се смета за хемиско оружје.
Употребата на токсични агенси на бојното поле во војна е против Конвенцијата, соопшти Организацијата за забрана на хемиско оружје. „Доколку се користат како метод на војување, овие агенси се сметаат за хемиско оружје и затоа, според Конвенцијата, тие се забранети“.