Спорт
Ѓоковиќ прв од големата тројка стигна до третото коло на „Ролан Гарос“
За нешто повеќе од 2 часа на теренот во Париз, српскиот тенисер Новак Ѓоковиќ се пласира во третото коло на грен слем турнирот „Ролан Гарос“. Ѓоковиќ со максимални 3-0 славеше против Уругваецот Пабло Куевас, и тоа по сетови 6-3, 6-2 и 6-4.
Уругваецот дури петпати загуби поени на својот сервис наспроти само едниот таков неуспех на српскиот ас.
Доминантната игра на првиот светски рекет не успеа да ја разниша ниту недоличното однесување на еден гледач во публиката поради што Новак се пожали на судијата, но одличната психолошка подготвеност го доведе до нов триумф и дуел против Литванецот Беранкис, кој со 3-1 беше подобар од Австралиецот Дикворт.
И шведскиот тенисер Мајкл Имер се пласира во третото коло на „Ролан Гарос“ откако денеска со 3-1 (6:0, 2:6, 6:4, 6:3) славеше против домашниот претставник Гаел Монфис. Со тоа Имер стана првиот Швеѓанец што стигнал до третото коло во Париз по Робин Содерлинг кому тоа му успеа пред 10 години.
Имер во следното коло игра против Италијанецот Јаник Синер, кој по четири сета, славеше ((6:1, 7:5, 3:6, 6:3) против сонародникот Џанлука Мегер.
Десеттиот светски тенисер во моментот, Аргентинецот Диего Шварцман, го победи Словенецот Аљош Бедене со 6:4, 6:2, 6:4 и во третото коло ќе игра против Германецот Филип Колшрајбер, кој денеска беше подобар од Русинот Аслан Карацев со 3-1 (6:3, 7:6, 4:6, 6:1).
Уште еден Италијанец е во третата рунда – Матео Беретини. Тој со лесни 3-0 (6:3, 6:3, 6:2) славеше против Аргентинецот Корија и за противник во следното коло ќе го има Кореецот Квон Сунву, кој со 3-0 беше подобар од Андреас Сепи.
Пласман во следна рунда обезбедија и Лоренцо Мусети, Доменик Кепфер и Камерон Нори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.