Спорт
Дупнатата гума му ја „украде“ победата на Ферстапен, ќе имаме ли рестарт?
Макс Ферстапен беше на чекор до спектакуларна 1-2 победа за Ред бул по фантастичната завршена стратешка работа на неговиот тим, кога на четири круга пред крајот му се дупна гумата предизвикувајќи црвено знаме и прекин на трката, во која се чека одлука дали ќе се продолжи, со Серхио Перез на првото место, Луис Хамилтон на второто и Себастијан Фетел на третото место.
Ферстапен водеше во поголемиот дел од трката, откако неговиот тим заврши многу подобра работа при влегувањето во боксот, оставајќи го Хамилтон на третото место пред да му се случи инцидентот. Ова беше втор ваков инцидент со гумите на Пирели, откако претходно излета и Ленс Строл во Астон Мартин, што ќе предизвика големи прашања околу квалитетот на гумите на италијанската компанија.
What a brutal ending for Max Verstappenpic.twitter.com/2ct7rDVvOy
— Joe Pompliano (@JoePompliano) June 6, 2021
Spare a thought for Max Verstappen ? pic.twitter.com/cbiOL09NuQ
— ESPN F1 (@ESPNF1) June 6, 2021
Освојувачот на пол-позицијата, Шарл Леклер во Ферари, успеа да остане во водство по стартот, меѓутоа веднаш се забележа дека неговиот болид нема сила да се бори со моќните Мерцедес и Ред бул зад него, и беше поминат прво од Хамилтон, а потоа и од Ферстапен во првите седум круга.
По ова, Мерцедес први го повлекоа Хамилтон во боксот, но релативно спорото менување на гуми значеше дека Ред бул начека вистинска шанса, и по нивното влегување во боксот, и Ферстапен и Перез излегоа пред него.
Вака трката се одвиваше до 34. круг, кога се случи излетувањето на Строл, и излегувањето на безбедносното возило. Ниту тогаш, Хамилтон не успеа да го претекне Перез пред него, но зад нив, Себастијан Фетел успеа да скокне на четвртото место, поминувајќи ги Шарл Леклер и Пјер Гасли.
Кога се чекаше само крајот на трката, се случи инцидентот на Ферстапен и следуваше црвено знаме, по што болидите се наредија во боксот, чекајќи рестарт.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.