Европа
Франција повторно се отвора за странски државјани, услов е вакцинација или ПЦР тест против Ковид-19

Европјаните кои се вакцинирани против коронавирусот и сакаат да ја посетат Франција како туристи ќе можат да влезат во оваа земја од 9 јуни, без обврска да покажат негативен ПЦР тест, објави францускиот министер за транспорт.
Земјата, која генерираше големи приходи со децении, благодарение на туризмот, по паузата што траеше 15 месеци, има план да го започне туризмот со странци. Во овој поглед, ќе бидат укинати условите за влез во врска со тестирањето за Европејците кои биле целосно вакцинирани. Исто така, ќе им биде овозможено на вакцинираните туристи од повеќето други делови на светот да ја посетат земјата, иако за нив е потребен негативен ПЦР тест.
Кодираниот модел со бои во Франција се користи за класифицирање на земји на чии граѓани ќе им биде дозволен или нема да им биде дозволен влез во земјата, пренесува Травелпулс.
Земјите обележани со зелена боја не покажуваат активно ширење на зараза или појава на новите видови на коронавирус кои предизвикуваат загриженост. Освен Австралија и Јужна Кореја, во оваа група во моментов спаѓаат Израел, Јапонија, Либан, Сингапур и Нов Зеланд.
Портокаловите бои укажуваат на земји во кои е забележан активен пренос на заразата, но во контролиран обем. Не е пријавено ширење на загрижувачки видови на инфекција во овие земји. Повеќето земји во светот припаѓаат на оваа група.
Категоријата земји обележани со црвена боја ги вклучува оние во кои е забележана активна циркулација на вирусот и присуство на нови видови. Во групата се Бразил, Аргентина, Бангладеш, Бахреин, Индија, Чиле, Костарика, Уругвај, Колумбија, Боливија, Непал, Уругвај, Шри Ланка, Турција, Јужна Африка, Пакистан и Суринам.
Сите оние кои се правилно вакцинирани и доаѓаат од „зелени“ земји, веќе немаат обврска да одат во карантин или да бидат тестирани при влегувањето во земјата. Ако не се вакцинирани, тие мора да направат ПЦР или тест за антиген, не постар од 72 часа, а исто така не мора да бидат ставени во карантин.
Посетителите од „портокаловите“ земји не мора да бидат ставени во карантин, ниту пак треба да се правдаат зошто сакаат да влезат во земјата. Но, без оглед на тоа дали се вакцинирани или не, тие мора да имаат или негативен ПЦР тест не постар од 72 часа или тест за антиген не постар од 48 часа. Исто така, за невакцинираните жители на земјите од таа група, се применува обврската за седумдневна самоизолација.
На сите оние кои доаѓаат од „црвените“ земји, дури и оние кои биле вакцинирани, им е забрането да влегуваат во Франција, освен ако не ја наведат „неопходната причина“ за посетата, не достават негативен ПЦР или тест за антиген направен во рок од 48 часа по пристигнувањето и се придржуваат на обврската за седумдневен карантин ако биле вакцинирани или карантин за 10 дена ако не биле вакцинирани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Авион со руски туристи принудно слета во Естонија поради украински напад со дронови

Патнички авион што превезуваше руски туристи до Санкт Петербург беше принуден да слета во Естонија вчера по украинскиот напад со беспилотно летало врз Русија.
„Авионот беше пренасочен кон Талин бидејќи не можеше да слета на аеродромот ‘Пулково’ поради неговото привремено затворање“, потврди Маргот Холтс, раководител за комуникации и за маркетинг на аеродромот во Талин.
Во ноќта од саботата кон неделата украински беспилотни летала погодија гасен терминал во регионот Ленинград и рафинерија за нафта во регионот Самара. Извор во Службата за безбедност на Украина потврди за „Киев индепендент“ дека разузнавањето стои зад нападот врз терминалот за течен природен гас во регионот Ленинград.
Авионот, управуван од египетскиот превозник „Ал Масрија јуниверсал ерлајнс“, полетал од Шарм ел Шеик и слетал во Талин во 5.33 часот по локално време. Тој го продолжил своето патување кон Санкт Петербург речиси шест часа подоцна.
Според Холтс, на патниците и на екипажот не им било дозволено да го напуштат авионот додека биле на аеродромот во Талин.
Украинските напади со беспилотни летала, кои сè повеќе го нарушуваат цивилниот воздушен сообраќај во Русија, се дел од пошироката украинска стратегија за поткопување на руската логистика далеку над линиите на фронтот. Во првите месеци од 2025 година украинските напади со беспилотни летала наводно ја принудиле Русија да затвори аеродроми повеќе од 200 пати.
фото: принтскрин
Европа
Украинци: Русите извршија 500 напади врз Запорожје за еден ден

Во текот на изминатите 24 часа, руските сили извршија 500 напади насочени кон 13 населени места во регионот Запорожје, објави на Телеграм Иван Федоров, началник на Воената администрација на Запорожје.
„Руските сили извршија четири воздушни напади врз Билохирија, Полтавка и Червони. Три напади со повеќекратен ракетен систем (MLRS) ги погодија Плавни и Мала Токмачка. Вкупно 327 беспилотни летала (главно дронови FPV) ги погодија Запорожје, Биленки, Плавни, Хулајпол, Шчербаки, Новоданиливка, Мала Токмачка и Чаривно. Исто така, 166 артилериски напади се регистрирани во Плавни, Хулајпол, Орихив, Шчербаки, Преображенки, Новоданиливка, Мала Токмачка и Чаривно“, се вели во соопштението.
Властите добија 19 пријави за штети на станбени згради и помошни згради. Немаше пријави за цивилни жртви.
фото: принтскрин
Европа
(Видео) Патниците врескаат во агонија, трепка црвено светло: пекол на летот за Рим

Патниците врескаа од страв откога силни турбуленции го погодиле летот од Шпанија до Рим принудувајќи го пилотот итно да слета.
Преплашените патници гласно врескаа додека авионот се бореше со силни турбуленции на летот од Аликанте до аеродромот во Рим.
Turbulence caught on camera today on a Wizz Air flight from Alicante to Rome, forcing a diversion to Bologna.pic.twitter.com/sbLjXUp1DH
— The Age Of Genz (@TheAgeOfGenZ) August 21, 2025
Кога авионот изврши итно слетување во Болоња, патниците „му се заблагодарија на Бога што се живи“.
Снимките од кабината го покажуваат авионот како силно се тресе, со светла претежно изгаснати, а црвено светло трепка надвор од прозорецот.
Лошите временски услови во регионот предизвикаа проблеми за авионот додека се обидуваше да слета во Рим.
По неколку обиди за слетување на аеродромот во Рим, авионот беше пренасочен кон Болоња. Таму слетал во 3.53 часот наутро, речиси три часа откога требаше да пристигне во италијанската престолнина.
Патот од Аликанте до Рим обично трае нешто помалку од два часа.