Спорт
ГРУПА Д: Англичаните и Хрватите во незгодна група
АНГЛИЈА
Се враќа дома! Со таква песна пред три години на СП во Русија, англиските навивачи ги бодреа своите фудбалери до неочекувано полуфинале. Како и пред секое големо натпреварување, во Англија се верува дека се може до титулата, но секогаш, потоа се бараат оправдувања за неуспехот.
Герет Саутгејт веќе пет години е селектор на „трите лава“, и од него се очекува сигурен пласман барем до четврт-финалето, но останува да се види дали се има доволно квалитет за тоа. Одбраната не изгледа најдобро со повредениот Хери Мегваер, но затоа во средниот ред и во нападот тие имаат совршена комбинација на млади таленти (Белингам, Санчо, Сака, Фоден) и искусни фудбалери навикнати да играат на високо ниво (Хендерсон, Кејн, Стерлинг). Амбиции огромни. Достигнувањата? Нејасни.
Голмани: Хендерсон (Манчестер јунајтед), Џонстон (ВБА), Пикфорд (Евертон)
Одбрана: Чилвел (Челси), Коуди (Вулверхемптон), Џејмс (Челси), Мегваер (Манчестер јунајтед), Мингс (Астон вила), Шо (Манчестер јунајтед), Стоунс (Манчестер сити), Трипиер (Атлетико Мадрид), Вокер (Манчестер сити), Вајт (Брајтон)
Среден ред: Белингам (Дортмунд), Хендерсон (Ливерпул), Маунт (Челси), Филипс (Лидс), Рајс (Вест хем)
Напад: Калверт-Луин (Евертон), Фоден (Манчестер сити), Грилиш (Астон вила), Кејн (Тотенхем), Рашфорд (Манчестер јунајтед), Сака (Арсенал), Санчо (Дортмунд), Стерлинг (Манчестер сити)
ХРВАТСКА
По неверојатното финале на Светското првенство во 2018 година, никој не очекува Хрватска на Златко Далиќ да го повтори сличниот успех. Освен хрватските навивачи.
И покрај релативно послабите резултати во последните две години, никој со малку познавање на фудбалот не може да ги потцени „коцкастите“ и нивната мотивација секогаш била клучна на големите натпреварувања. Модриќ уште ја има „магијата“ во нозете, а тука се и новите репрезентативци од кои се очекува многу во иднината како Гвардиол и Оршиќ.
Голмани: Ливаковиќ (Динамо Загреб), Калиниќ (Хајдук), Слуга (Лутон)
Одбрана: Врсаљко (Атлетико Мадрид), Баришиќ (Ренџерс), Чалета-Цар (Марсеј), Ловрен (Зенит), Јурановиќ (Легија), Вида (Бешикташ), Гвардиол (Лајпциг), Брадариќ (Лил), Шкориќ (Осијек)
Среден ред: Ковачиќ (Челси), Модриќ (Реал Мадрид), Брозовиќ (Интер), Бадељ (Џенова), Влашиќ (ЦСКА Москва), Пашалиќ (Аталанта), Перишиќ (Интер), Брекало (Волфсбург), Оршиќ (Динамо Загреб), Иванушец (Динамо Загреб)
Напад: Ребиќ (Милан), Петковиќ (Динамо Загреб), Будимир (Осасуна), Крамариќ (Хофенхајм)

ЧЕШКА
Чешка одамна ја нема повторено златната генерација од пред 20 години, но фаворитите во групата Д ќе направат голема грешка ако ја потценат. Чесите се редовни учесници на Европските првенства од 1996 година, но во Русија пред три години на Мундијалот потполно потфрлија со еден поен во три меча.
„Моторот“ на оваа репрезентација на Чешка ја прави двоецот од Вест хем, Томаш Соучек, кој беше фантастичен оваа сезона, и неговиот сонародник Владимир Цоуфал.
Голмани: Вацлик (Севилја), Павленка (Вердер), Мандоус (Сигма)
Одбрана: Кадержабек (Хофенхајм), Челустка (Спарта), Калас (Бристол), Боржил (Славија Прага), Брабец (Плзењ), Цоуфал (Вест хем), Холеш (Славија Прага), Матеју (Бреша), Зима (Славија Прага)
Среден ред: Дарида (Херта), Јанкто (Сампдорија), Соучек (Вест хем) Масопуст (Славија Прага), Барак (Верона), Крал (Спартак Москва), Шевчик (Славија), Хложек (Спарта Прага), Пешек (Слован Либерец)
Напад: Видра (Барнли), Крменчик (ПАОК), Шик (Леверкузен), Пекхарт (Легија)
ШКОТСКА
Шкотска се враќа на големите натпреварувања првпат од СП во 1998 година, откако на најдраматичен можен начин ја елиминираа Србија во баражот на пенали, и очекувањата реално се многу мали.
Сепак, мотивацијата на Шкотите, посебно на меч против Англија ова лето ќе биде нешто што може сигурно да се смета. Ова е најталентираниот тим со кој Шкотите можат да се пофалат во последните неколку децении, полн со фудбалери од Премиер лигата, од кои се истакнува фудбалерот од средниот ред на Астон вила, Мекгин, кој постигна фантастични седум гола во осум меча во квалификациите.
Голмани: Гордон (Хартс), Маршал (Дерби), Меклафлин (Ренџерс)
Одбрана: Купер (Лидс), Галахер (Мадервел), Хенли (Норич), Хендри (Селтик), Меккена (Нотингем), О’Донел (Мадервел), Патерсон (Ренџерс), Робертсон (Ливерпул), Тејлор (Селтик), Тирни (Арсенал)
Среден ред: Армстронг (Саутемптон), Кристи (Селтик), Флек (Шефилд јунајтед), Гилмур (Челси), Мекгин (Астон вила), Мекгрегор (Селтик), Мектоминеј (Манчестер јунајтед), Турнбул (Селтик)
Напад: Че Адамс (Саутемптон), Дајкс (КПР), Форест (Селтик), Фрејзер (Њукасл), Нисбет (Хибернијан)
(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-1687-26542”));
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Норис прв ќе стартува во спринт трката, Антонели втор, Пајстри трет
Ландо Норис го освои првото место во квалификациите за спринт на Големата награда на Бразил во Сао Паоло.
Британецот во Мекларен блескаше во квалификациите, првото место го избори со резултат 1:09.243. Норис моментално е лидер во шампионатот.
Второто место изненадувачки го освои Андреа Кими Антонели зад воланот на Мерцедес, додека Австралиецот Оскар Пјастри, колегата на Норис заврши на третото место. До него ќе стартува возачот на мерцедес Џорџ Расел.
Макс Верстапен, актуелниот шампион, беше само шести, иако имаше најдобро време во првиот сектор, потоа направи грешка, па ќе стартува зад Фернандо Алонсо кој имаше одлично квалификации со Астон Мартин.
Спринтот е закажан за сабота во 15 часот. Главната трка ќе се вози во недела од 16:30 часот.
Спорт
Ваноли ја презеде Фиорентина
Паоло Ваноли официјално стана шеф на стручниот штаб на Фиорентина.
Ваноли потпиша договор до крајот на оваа сезона, а постои можност договорот да се продолжи за уште една година доколку раководството биде задоволно од работата на тренерот.
Ваноли е човек кој веќе бил на стадионот „Артемио Франки“, играл како фудбалер за Фиорентина од 2000 до 2002 година, одиграл 61 натпревар, постигнал три гола.
Овој стручњак нема клуб откако го напушти Торино ова лето, а интересно е што беше под договор со „биковите“ до 2026 година, а го раскина дури вчера.
Сега немаше повеќе проблеми и пречки, па Ваноли е новиот тренер на Фиорентина.
Да ве потсетиме дека тој ќе го замени Стефано Пиоли кој немаше добар почеток во Фиренца. Во првите десет рунди, Фиорентина не забележа победа и со само четири бода се наоѓа на последното место во Серија А.
Во својата кариера, Ваноли ги водеше италијанските репрезентации до 16, 18 и 19 години, Спартак Москва, Венеција и Торино.
Спорт
Познато е кој ќе игра во НБА Европа
Челниците на НБА Европа ги открија првите работи поврзани со ова натпреварување.
Џорџ Ајвазоглу, директор на НБА Европа, во интервју за „Газета дело Спорт“ откри дека овој проект ќе започне во октомври 2027 година.
Во првата година, лигата ќе има 12 тима од: Рим, Милано, Лондон, Манчестер, Париз, Лион, Мадрид, Барселона, Берлин, Минхен, Атина и Истанбул.
Грција и Турција би дале по еден клуб, а Италија, Англија, Франција, Шпанија и Германија по два. Сè уште не е познато дали ќе се формираат нови тимови или ќе се активираат некои постоечки.
„Моментално, има многу дискусии за екосистемот и градовите на учесниците, како и за тоа како изгледаат арените во кои ќе играат. Разговараме со претставници на постоечки тимови, фудбалски тимови кои немаат свое име во кошарката, а ќе има и градови од кои ќе почнеме од почеток. Ќе биде полуотворено натпреварување. Формат со 16 тима, од кои 12 се постојано таму, а четири доаѓаат од Лигата на шампионите на ФИБА“, вели Ајвазоглу.

