Спорт
Три натпревари на ЕУРО 2020, дербито е Шпанија-Шведска
Нови три натпревари денес ќе се одиграа на Европското првенство во фудбал.
Денот ќе го отворат Шкотска и Чешка од 15 часот. Ова е натпревар од Д-групата, во која вечера Англија ја победи Хрватска со 1-0.
Шкотска и Чешка имаат амбиции да се пласираат во втората фаза на турнирот. Репрезенатацијата која ќе победи ќе биде поблиску до остварувањето на таа цел. Ова е клучниот натпревар во групата за Шкотска и Чешка, бидејќи во наредните две рунди за противници ќе ги имаат фаворитите Англија и Хрватска.
Во подготвителниот период пред почетокот на ЕП, Шкотска одигра 2:2 со Холандија и со 1:0 го победи Луксембург, додека Чесите доживеаја дебакл од Италија (0:4), а потоа со 4:1 ја победија Албанија.
Од 18 часот, Полска и Словачка ќе ја отворат Е-групата. Полјаците предводени од најдобриот светски фудбалер, Роберт Левандовски ја имаат фаворитската улуга, против незгодната Словачка, која низ баражот во Лигата на нации се пласираше на ЕП.
Проблем за Полска е лошата форма и резултатите на последните натпревари. Оваа година, Послак има само една победа и тоа над аутсајдерот Андора.
Словаците од друга страна, во 90 минути, на последните 13 натпревари победиле само еднаш.
Денот на ЕУРО 2020 ќе го затворат Шпанија и Шведска, селекции кои нема да можат да сметаат на по еден играч поради коронавирусот. Шпанија ќе биде без капитенот Серхио Бускетс, Шведска без Дејан Кулушевски.
Шпанија е фаворитот од сенка на ова ЕП, без вистинска ѕвезда но со еден куп квалитетни фудбалери. Пред ЕП ремизираа со Португалија, а претходно забележаа пет победи во низа.
Шведска има компактен тим, во одбраната предводен од искусните Гранквист и Линделоф, но проблем е нападот, каде во отсуство на Златан Ибрахимовиќ, товарот ќе мора да го понесе Алксандер Исак од Реал Сосиедад.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.
Спорт
Васкес ќе го продолжи договорот со Реал
Реал Мадрид речиси сигурно ќе го продолжи договорот со Лукас Васкез.
Реал ги прекина преговорите за нови договори до крајот на сезоната, бидејќи се очекува тимот да играа во финалето на Лигата на шампионите. Тимот оваа сезона ја освои титулата во Примера и игра во полуфиналето на Лигата на шампионите.
На многу играчи им истекуваат договори на крајот од сезоната и тренерот Карло Анчелоти треба да донесе одлука за составот за следната сезона, а како што пренесоа денеска шпанските медиуми, тренерот сака Васкез да остане уште една година.
Фудбалерот и управата сакаат соработката да продолжи, а Васкез се истакна со своите настапи во претходните недели.
Васкез ќе наполни 33 години во јули и е подготвен за 10-та сезона во Реал Мадрид, а двете страни се блиску до договор.
Се очекува Начо Фернандез и Лука Модриќ да го напуштат Сантијаго Бернабеу.