Македонија
(Видео) Николов: Кога може на судиите, платите да им се зголемат и на докторите и на здравствените работници
Претседателот на Комисијата за здравство при ВМРО-ДПМНЕ, Игор Николов, на прес-конференција побара покачување на платите на докторите и на здравствените работници. Тој нагласи дека ако можело да им се зголемат платте на судиите, тогаш тоа треба да се направи и со платите на оние што се во првите борбени линии во борбата со ковид-пандемијата.
„Здравствените работници, наместо ветеното реално покачување на платата, ќе добијат бонус од 5 проценти, нагласувам 5 %. Пред Ковид-19, за време на ковид-кризата, ветувањата беа секојдневни. Денес сме сведоци дека било само лага до лага“, обвини Николов.
Потсети дека за лекар специјалист властите ветуваа плата 100 илјади денари основна. За медицинарите што работат во ковид-центрите ветуваа инфективен додаток. За специјализантите ветуваа платени дежурства и вработување. Ветувањето беше дека од март платата ќе биде покачена 5 % и нема да биде само еднократен бонус, рече Николов.
„Ова денес е уште едно во низата поигрувања со здравствениот кадар со кој и онака кубуриме. Зарем вака, со благодарници од Лекарската комора и неостварени ветувања и лаги, му се заблагодарувате на медицинскиот кадар?!
Се сеќавате ли што рековте, министре, кога завршуваше најсмртоносниот третиот бран на Ковид-19? Ветувавте покачување на платите на сите вработени во здравството за 5 %. И повторно лагите излегоа на виделина. Било додаток, односно бонус“, изјави Николов.
Toj рече дека и премирот Зоран Заев минатата година ветил покажување за оваа година од 10 проценти на платите на здравствените работници.
„Прашуваме, до кога со лаги?! Вам не ви е грижа за оние што на своите плеќи го понесоа товарот на ковид-кризата. Ним им дадовте ливче во форма на благодарница во соработка со претседателката на Лекарската комора за која има решение од антикорупциската за судир на интереси.
Лекарите и оние што го чуваат здравјето на граѓаните не бараат премногу. Бараат да бидат еднакво вреднувани и ценети, како оние што ја чуваат и делат правдата во земјата. Не ви прилега, за едните бонус од 5 %, а за другите покачување на платата од 15 %. Тоа не ви поминува!“, порача Николов.
Тој нагласи дека Лекарската комора продолжува да молчи и дели благодарници, Синдикатот молчи и обезбедува кредит за своите членови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Партијата Левица со Иницијатива во Град Скопје за чекор кон енергетска независност и крај на скапата струја
„Советничката група на Левица во Советот на Град Скопје поднесе иницијатива за формирање на градско енергетско претпријатие „Енергија Скопје“ ДООЕЛ, чија цел е Градот Скопје конечно да ја намали зависноста од скапото купување електрична енергија и да обезбеди сопствено производство од обновливи извори“, известуваат од Левица.
„Градот Скопје и јавните претпријатија во моментов плаќаат огромни износи за струја.
Наместо средствата да се трошат на комунални услуги, инфраструктура и подобар јавен превоз, тие завршуваат во надворешни снабдувачи.
Со ова решение, Градот ќе може сам да произведува дел од потребната електрична енергија, да ги снабдува своите институции по минимални цени и да продава вишок на пазарот, со што ќе обезбеди нови приходи.
Ова е стратешки проект кој обезбедува долгорочна стабилност и независност, а не краткорочна мерка.
Градот има огромен неискористен потенцијал, кровови, објекти и локации каде може да се развијат фотоволтаични централи и системи за складирање енергија.
Затоа очекуваме мнозинството во Советот, предводено од ВМРО–ДПМНЕ, да ја поддржи иницијативата ако навистина им е приоритет јавниот интерес. Ова не е партиска идеја, ова е решение кое му користи на целиот град.
Одбивањето на оваа иницијатива би значело дека некој става политички интерес пред интересот на скопјани, и дека не се сака долгорочно решение за намалување на трошоците, модернизација и енергетска независност.
Левица ќе продолжи да предлага системски и развојни проекти со кои Градот ќе стане финансиски постабилен, енергетски ефикасен и поеколошки“, се наведува во соопштението на Левица.
Македонија
Без струја денеска дел од Карпош
Од ЕВН Македонија АД известуваат дека денеска без електрична енергија ќе останат:
· во периодот од 09:00 до 15:00 часот, дел од корисниците на ул. Струшка бр.7А (општина Карпош)
Македонија
До сабота ќе преовладува претежно облачно време со повремени врнежи од дожд
Претежно облачно со повремени врнежи од дожд пообилни во источните делови. На повисоките планини врнежите ќе преминуваат во снег, а на некои од повисоките места од дожд и снег. Ќе дува слаб до умерен ветер од северен правец. Минималната температура ќе биде во интервал од 3 до 8, а максималната ќе достигне од 6 до 11 степени.
Во Скопје, претежно облачно, со повремени врнежи од дожд. Ќе дува слаб до умерен северен ветер.
Минималната температура ќе се спушти до 5, а максималната ќе достигне до 9 степени.
Времето во наредните денови
До сабота ќе преовладува претежно облачно време со повремени врнежи од дожд. Пообилни врнежи се очекуваат денес (над 25 l/m² за 24 часа). Денеска на планините врнежите ќе преминуваат во снег, а во некои од повисоките места ќе бидат од дожд и снег. Од денеска ќе дува умерен, повремено засилен северен ветер.

