Европа
Уште 17 украински војници пребегнаа на руска територија
Пограничниот оддел на Федералната служба за безбедност (ФСБ) на Руската Федерација за Ростовската област, во близина на границата со источна Украина каде што се водат воени дејствија меѓу украинската армија и проруските бунтовници, соопшти во саботата дека уште 17 украински војници минале на руска територија, потврди портпаролот на службата Николај Синицин.
„Денеска седумнаесет војници на Украина преминаа на територијата на Русија, спасувајќи се од борбените дејствија“, изјавил за Итар-Тасс портпаролот на ФСБ Николај Синицин. Според него, војниците ја минале границата без вооружувањето коешто го оставиле на територијата на Украина и веднаш побарале храна и вода.
Досега најмасовното преминување на украински војници на руска територија се случи на 4-ти август, кога вкупно 483 војника побараа од руските погранични служби да им дадат засолнување. Преку организираниот коридор кој минувал низ териториите коишто во источна Украина ги контролираат проруските бунтовници, овие војници ја преминаа границата со Русија каде беа сместени во привремен камп за прием на беглаци од регионите зафатени со конфликтот во соседната земја.
Подоцна истиот ден 180 украински војници изразија желба и им беше овозможено да се вратат на територијата на Украина. Следната ноќ во две групи, од 192 и од 48 украински војници, на различни гранични премини кои ги контролираат украинските сили беа вратени во татковината.
Како што пренесуваат руските медиуми, украинските војници преминувањето на руска територија го образложуваат со предавства од страна на командниот кадар, како и недостиг од муниција, храна и гориво и несоодветни задачи што ги добиваат во услови кога се опколени.
„Јасно е дека за напуштањето на позициите во татковината нема да ни се заблагодарат. Не знаеме какви ќе бидат правните последици, но тоа и не е толку важно. Ние бевме под оган, по што прашањето беше на живот или смрт. Немаше каде да одиме, а засилување не ни пристигнуваше. Поважно беше да се сочува животот, отколку да се размислува за некакви правни последици. На својот командант му рековме дека решивме да ја напуштиме позицијата и да се обратиме до бунтовниците за да минеме натаму кон Русија“, изјавил за Итар-Тасс еден од украинските војници.
Медиумите информираат и за други случаи изминатите месеци на групно преминување па и на цели единици од украинската армија на руска територија. Се потсетува дека и дека украинските власти некои од овие случаи ги потврдиле, како и дека четириесетина дописници од Москва на водечките западни медиуми ја одбија понудата на руското министерство за одбрана да го посетат кампот со пребегнатите украински војници и да разговараат со нив./крај/мф/сн
Извор: Итар-Тасс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.