Европа
Британците загрижени- Новата руска нуклеарна подморница способна да уништи цел град
Новата руска нуклеарна подморница К-329 „Белгород“ е во состојба да уништи не само носач на авиони, туку и цел град, пишуваат британските новинари.
Експертите најмногу се загрижени околу руските торпеда- дронови „Посејдон“, бидејќи нивната експлозија под вода може да предизвика радиоактивно цунами што би предизвикало удар на бран висок и до 90 метри врз крајбрежните градови на потенцијалениот непријател.
„Подморницата е способна да пренесе до шест нуклеарни торпеда „Посејдон“, од кои секоја е способна да носи боеви глави со експлозивна моќност од два мегатони“, објаснуваат новинарите.
Според експертот на британскиот аналитички центар за одбранбени прашања, Сидхарт Каушал, флотата на беспилотни подводни апарати во моментов е од стратешко значење за Русија.
„Подморницата има доволно простор да служи како основа за складирање на мали уреди кои се способни да нуркаат длабоко. Таа е добро опремена за саботажа и прикриени операции“, рече тој.
Нуклеарната подморница за специјална намена „Белгород“ (проект 09852) е носач на беспилотни летала на подводни погони од класата „Посејдон“. Изграден во бродоградилиштето „Севмаш“ и заронета за прв пат во април 2019 година.
Според прелиминарните податоци, тестирањето на подморницата ќе заврши во септември оваа година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Ги убил двајцата внуци, па си пресудил самиот на себе: пензионер се забарикадирал во куќа во Шпанија
Трагедија се случи во мал шпански град кога пензионер ги уби своите двајца внуци на возраст од 10 и 13 години пред да се самоубие – два месеца откако сопруга и ќерката му загинаа во сообраќајна несреќа додека тој возел.
Полицијата ја опколила куќата на 72-годишниот маж откако тој синоќа се забарикадирал во имотот со момчињата.
Нивните три тела беа пронајдени околу 8.30 часот утринава во разни простории од куќата во Хуетор Тајар – град со околу 10.000 жители, во близина на градот Гранада во јужна Шпанија – кога насилно влегле вооружени полицајци.
Едното дете е убиено со огнено оружје, а другото се удавило.
Извори блиски до истрагата велат дека едно од децата имало прострелни рани, а другото се верува дека се удавило.
Истражителите на Цивилната гарда велат дека пензионерот се застрелал со истото огнено оружје што го користел за да го убие својот внук.
Неговата сопруга и ќерката, мајка на две деца, ја загубија борбата за живот кога беа исечени од остатоците од автомобилот што го управуваше 72-годишникот.
Европа
Се огласи болницата во Банска Бистрица: Ова се последните информации за состојбата на Роберт Фицо
Состојбата на словачкиот премиер Роберт Фицо, кој беше ранет во обид за атентат минатата недела, е стабилна, соопштија од болницата во Банска Бистрица.
„Клинички се подобрува, комуницира, воспалителните параметри полека се намалуваат. Премиерот останува под наша грижа“, соопштија од болницата во Банска Бистрица по денешната седница на советот.
Фицо беше тешко ранет минатата среда по состанокот на кабинетот кога се приближи до насобраните луѓе.
Тој со хеликоптер беше префрлен во болницата во Банска Бистрица, каде што итно беше опериран и оттогаш е таму.
Претходните денови се зборуваше за префрлање на премиерот во друга институција, но како што може да се заклучи од денешното соопштение на болницата, тој засега останува во Банска Бистрица.
Европа
Украина со дронови нападна руска рафинерија: „Има штета, престана да работи“
Руска нафтена рафинерија во Славјанск, во Краснодарската област, беше оштетена по напад со беспилотно летало кон крајот на минатата недела, објави денеска државната новинска агенција „Тасс“ цитирајќи претставник на компанијата за безбедност.
Шест беспилотни летала погодија област на нафтена рафинерија во Славјанск во јужниот дел на Русија Краснодар во раните утрински часови, според локалните власти.
Новинската агенција „Интерфакс“ објави дека рафинеријата престанала да работи по нападот.
„Причинета е штета. Ќе се утврдат нејзината големина и опсегот“, ја цитира „Тасс“ изјавата на безбедносниот претставник Едуард Труднев во понеделникот.
Рафинеријата во Славјанск е приватна постројка со капацитет од речиси 100.000 барели дневно. Произведува гориво за домашни потреби и за извоз.