Црна хроника
Три лица, меѓу кои и малолетник, биле повредени во сообраќајна незгода во Скопје
Три лица, меѓу кои и малолетник, биле повредени во сообраќајна несреќа што се случила вчера во вечерните часови во Скопје, информира МВР. Притоа едно од лицата добило тешки телесни повреди.
Според МВР, вчера, во 23.10 часот, било пријавено дека на крстосницата од улиците Коце Металец, Тајмишка, Гемиџиска и Ферид Бајрам се случила сообраќајна незгода помеѓу патничко возило „ситроен“, управувано од М. Т. (50) од с. Волково, Скопско, и патничко возило „ауди“, управувано од М. Л. (48) од Скопје, двете со скопски регистарски ознаки.
Во незгодата тешки телесни повреди добила М. Т., а повреди добиле М. Л. и малолетен сопатник, констатирани во комплексот клиники „Мајка Тереза“.
Извршен бил увид на местото на незгодата од екипа од СВР Скопје, информира МВР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.