Во северна Шкотска температурите во петокот вечерта паднаа на -18,7 степени Целзиусови, што е најниска јануарска температура забележана во Велика Британија во последните 15 години, соопшти Метеоролошката канцеларија на земјата.

Како што објави „Гардијан“, ова е најниската јануарска ноќна температура забележана во Велика Британија од 2010 година.

На шкотската висорамнина Алтнахара таа температура е забележана во петокот во 22 часот, а ниската температура се задржа до утрово.

Тоа е најстудената јануарска температура во текот на ноќта од 2010 година, кога температурите паднаа под -15 степени Целзиусови неколку пати на локации низ ОК, при што висорамнината Алтнахара забележа температура од -22,3 степени Целзиусови на 8 јануари истата година.

Украинскиот претседател Володимир Зеленски изјави дека Киев е подготвен да ги предаде севернокорејските војници на нивниот лидер Ким Џонг-ун доколку тој може да обезбеди нивна размена за украинските војници заробени во Русија.

„Покрај првите заробени севернокорејски војници, сигурно ќе има уште. Прашање на време е кога нашите војници ќе успеат да заробат други“, напиша Зеленски на Икс. Зеленски претходно изјави дека Украина заробила двајца севернокорејски војници во рускиот регион Курск.

Според украинските и западните проценки, околу 11.000 севернокорејски војници се во регионот Курск за да им помогнат на руските сили. Русија ниту го потврди ниту го демантираше нивното присуство. Зеленски вели дека руските и севернокорејските сили претрпеле големи загуби.

„Украина е подготвена да му предаде војници на Ким Џонг-ун доколку тој може да организира нивна размена со нашите војници заробени во Русија“, рече Зеленски.

In addition to the first captured soldiers from North Korea, there will undoubtedly be more. It’s only a matter of time before our troops manage to capture others. There should be no doubt left in the world that the Russian army is dependent on military assistance from North… pic.twitter.com/4RyCfUoHoC

— Volodymyr Zelenskyy / Володимир Зеленський (@ZelenskyyUa) January 12, 2025

Тој објави кратко видео на кое се гледа сослушувањето на двајца мажи кои се претставуваат како севернокорејски војници.

Зеленски рече дека може да има други опции за севернокорејските војници кои не сакаат да се вратат дома, „и дека таа можност ќе им се даде на оние кои изразуваат желба да го доближат мирот со ширење на вистината за оваа војна на корејски јазик“. Тој не ги појасни деталите.

Лавина вчера погоди група од пет скијачи во северниот италијански регион Пиемонт, при што загинаа тројца од нив, соопштија спасувачите.

Двајца преживеале и со хеликоптер биле пренесени во болница. Лавината околу пладне ја погоди источната страна на планината Пунта Валгранде, на границата меѓу Италија и Швајцарија.

In Piemonte una valanga travolge un gruppo di scialpinisti italiani. I corpi delle tre vittime trascinati nella neve per centinaia di metri. La valanga si è staccata da Punta Valgrande, a Trasquera, a 2800 metri pic.twitter.com/d7iE1qnoYl

— Tg3 (@Tg3web) January 12, 2025

Лавината неколку стотини метри ги влечеше скијачите кои загинаа по удолницата, нанесувајќи им фатални повреди.

На подрачјето над 2.100 метри е издадено предупредување за „значителна опасност од лавина“.