Црна хроника
Љубе Бошкоски не дал исказ пред истражен, оти бил многу нервозен
Поранешниот министер за внатрешни работи Љубе Бошкоски кој се товари дека е вмешан во убиството на Маријан Тушевски и Киро Јанев во 2001, кога бил министер, не дал исказ пред истражниот судија, бидејќи бил многу нервозен и револтиран.
Бошкоски се изреволтирал бидејќи кога го донеле во судот, од затворот „Идризово“, за да даде исказ, истражниот судија не му предочил ниеден доказ против него.
Бошкоски се чудел како може против него да се води кривична постапка за толку тешко кривично дело за кое е предвидена казна затвор од најмалку десет години до доживотен затвор, а нема докази.
Адвокатот на Бошкоски, Владимир Ракочевиќ во четвртокот поднесе жалба против решението за спроведување на истрага против Бошкоски, бидејќи за ова немало ниту вербални ниту материјални докази.
Ракочевиќ вели дека засега нема предложено заштитен сведок за овој случај и дека ако судијата евентуално предложи тие ќе поднесат жалба.
Јавниот обвинител предложил притвор и за Бошкоски, но истражниот судија не прифатил, бидејќи Бошкоски веќе издржува затворска казна од пет години за нелегално финансирање на кампња и злоупотреба на службена положба.
За убиството на Тушевски и Јанев од пред 11 години се упасени девет лица, од кои на четворица им е одреден притвор. Притвор им е одреден и на уште петмина кои се во бегство. Меѓу оние кои се во бегство има тројца Срби кои се сомничат дека се директни извршители на убиството./крај/мф/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
44-годишна жена од валандовско смртно прегазена во струмичко
Вчера во 23.55 часот во СВР Струмица било пријавено дека на регионален пат Струмица – Валандово, пред село Костурино, струмичко, патничко возило „фолксваген пасат“ со струмички регистарски ознаки, управувано од К.М.(46) од село Куклиш, струмичко, удрило во пешакот Р.С.(44) од село Јосифово, валандовско.
По несреќата Р.С. била пренесена во Медицински центар Струмица, каде што од лекар била констатирана смрт.
Увид на местото на несреќата извршила екипа на Полициската станица Струмица.
Црна хроника
Пешак удрен во Битола, со тешки повреди пренесен на клиника
Вчера во 10.43 часот во СВР Битола било пријавено дека на крстосницата од булевар „1 Мај“ и ул.„Столарска“ во Битола, патничко моторно возило „опел корса“ со битолски регистарски ознаки, управувано од Н.Д.(77) од Битола, удрило во пешакот Д.Ј.(53) од Битола.
Во несреќата Д.Ј. се здобила со тешки телесни повреди констатирани во Клиничка болница Битола.
Увид на местото на настанот извршила увидна екипа на СВР Битола.
Топ
Бонови за точење гориво, оштетени банери, поткуп и мито: пријавени нерегуларности за време на предизборниот молк
Министерството за внатрешни работи информира дека за време на предизборниот молк регистрира настани за повреда на слободата на определување на избирачите, делење бонови. Во сите наведени случаи се преземени и соодветни мерки од страна на полициски службеници.
На 7.5.2024, Е. Д. од Крњево, пријавил дека во домот дошле три лица од ДИК со цел дедо му да оствари право на глас од избирачкото место бр. 2828. Е. Д. се сомневал дека лицата се од ДИК бидејќи не биле претходно известени и требало да присуствуваат пет лица. СВР Скопје презема мерки и активности за расчистување на настанот.
На 7.5.2024, во координација со ОЈО Куманово, преземени се активности во врска со настан дека лице од Крива Паланка на повеќе граѓани од Крива Паланка им делело бонови за точење гориво на бензинска пумпа. Извршен е претрес на просториите во бензинската пумпа, каде што во присуство на Ј. Ј. и М. Ѓ. биле пронајдени пет бона за гориво во вредност од 1.000 денари со втиснат датум од 8.5.2024 и еден бон за гориво во вредност од 2.000 денари, шест фискални сметки, а во торбата што ја носел вработениот пронајдени се два бона за гориво во вредност од 1.000 денари и фискална сметка. Во просториите на ПС ОН Крива Паланка повикани се Б. С., С. М., М. Ѓ. и М. Д., сите од Крива Паланка, за извршување службен разговор и се преземаат мерки за расчистување на случајот.
На 7.5.2024, во 18.25 часот, на улицата Маршал Тито во Тетово, А. К. (24) од село Стримница пријавил дека се оштетени два банера со рекламен материјал од политичка партија, кои биле поставени на кружен тек од улицата В. С. Бато со улицата Маршал Тито во Тетово. Се преземаат мерки за расчистување на случајот.
На 7.5.2024, во 22.10 часот, Ц. Т. од Неготино пријaвила кривично дело повреда на слободата на определување на избирачите, извршено од Л. Р. од Неготино. Имено, според пријавеното, околу 20.17 часот, Ц. Т. добила телефонски повик од Л. Р. за поддршка за гласање, на што Ц. Т. одговорила негативно. Потоа Л. Р. ѝ нагласила на Ц. Т. дека имала земено ИПАРД-поддршка по што го прекинала повикот. За настанот известен е надлежен јавен обвинител и ќе се преземат дополнителни проверки.
Во непосредна близина на избирачкото место 1180 во ОУ „Христијан Т. Карпош“ во с. Драгоманце, општина Старо Нагоричане, забележани биле расфрлани летоци од политичка партија. Летоците се отстранети.
Од МВР информираат дека во текот на изборниот молк пријавени се и неколку случаи за наводно агитирање и нудење поткуп, но по преземените мерки од страна на полициските службеници, тие наводи до сега не се потврдени.