Црна хроника
Најмалку 47 деца загинаа во сообраќајна несреќа во Египет
Во судир на воз и автобус кои минувал преку пругата во градот Манфалут, околу 300 километри јужно од египетската престолнина Каиро, во саботата загинале најмалку 47 а повредени се 13 деца, изјави гувернерот на провинцијата Асиут, Јахја Кешк.
„Бројот загинати се зголеми на 47, а 13 деца се повредени, но ниедно од нив не е во критична состојба. Медицински тим од 45 лекари се грижи за повредените деца“, изјавил гувернерот Кешк за египетската државна телевизија.
Во автобусот имало 60 деца на возраст меѓу четири и шест година, кои оделе на излет организиран од нивната градинка
Според првичните информации, најверојатно не била спуштена безбедносната рампа во моментот додека минувал возот а истовремено на пругата на линијата Каиро – Асуан се нашол и автобусот со децата, во 8 часот утрината по локално време.
Египетскиот претседател Мухамед Морси веднаш им нареди на надлежните министерства да им пружат помош на семејствата на загинатите деца, а властите на провинцијата Асуит наредија да се отвори истрага.
Министерот за сообраќај Рашад ал-Метни веднаш си поднесе оставка, со образложение дека ја прифаќа одговорноста за трагедијата. Претседателот Морси ја прифати оставката и на директорот на агенцијата за железници на Египет, пренесува електронското издание на каирскиот дневен весник Al Ahram.
Египетските патишта и железници не се безбедни и има постојани поплаки дека ниедна влада досега не успеала да обезбеди почитување на основните безбедносни стандарди во сообраќајот што доведува до многу трагедии со голем број жртви. Според последниот извештај на Агенцијата за јавен транспорт на Египет, во сообраќајни и железнички несреќи во 2011 година во земјата загинале преку седум илјади луѓе /крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Пронајдени тројца мигранти од Кина, уапсен криумчарот, следува пријава
Вчера во 19:00 часот на улицата „Борис Кидрич“ во Гевгелија, полициски службеници од Полициската станица за граничен премин и граничен надзор Богородица го лишија од слобода М.И.(22) од Неготино.
При контрола во патничко возило „бмв х1“ со луксембуршки национални ознаки, кое го управувал, пронајдени се три лица мигранти од Кина, додека при дополнителни проверки констатирано е дека табличките припаѓаат на друго возило.
Мигрантите се спроведени во прифатно-транзитен центар во Гевгелија и за настанот е запознаен јавен обвинител. По целосно документирање на случајот, против М.И. ќе биде поднесена соодветна пријава.
Топ
Расчистен случај со лажна сообраќајка во Битола, уапсени две лица
СВР Битола поднесе кривична пријава против С.Г.(54) од Прилеп и С.И.(31) од Крушево поради постоење основи на сомнение за сторено кривично дело „измама“.
На 25.08.2025 во Битола, пријавените довеле во заблуда 88-годишна жена од Битола така што телефонски и со лажно претставување ја известиле дека нејзиниот син предизвикал сообраќајна несреќа во која прегазил осумгодишно дете, а нејзиниот син и неговата сопруга биле повредени, а доколку сака да го спаси синот од кривичен прогон, требала да им даде 72.500 денари.
Откако ги зеле парите, пријавените заминале, а оштетената подоцна сфатила дека е измамена. Веднаш по добиената пријава, преземени се соодветни мерки и активности и измамниците се пронајдени и лишени од слобода, по што е поднесена кривична пријава.
Црна хроника
Благајничка во „Комуналец“ Кавадарци украла над 500.000 денари, парите за платени сметки си ги ставала в џеб
Полицијата поднесе кривична пријава против вработена во Јавно претпријатие за комунални работи Кавадарци за „проневера во службата” и „затајување”.
Полицијата, до Основното јавно обвинителство Кавадарци, поднесе кривична пријава против В.Д.(48) од Кавадарци поради постоење на основано сомнение дека сторила кривични дела „проневера во службата” и „затајување”.
Според информациите од МВР, пријавената В.Д., вработена како благајник во Јавно претпријатие за комунални работи Кавадарци, во периодот од 22.09.2025 до 31.10.2025 одзела 568.684 денари од претпријатието.
Имено, дел од парите од дневниот промет од наплатните пунктови по основ на платени сметки за водоснабдување и комуналии, кои и биле доверени во службата, не ги внесувала на банкарска сметка на претпријатието, односно дел задржувала за себе, а останатиот дел го внесувала на сметката и на тој начин што го оштетила јавното претпријатие за наведената сума.

