Спорт
„Пежо 3008“ за најдобрите двајца типувачи на „Sport Life“
Натпреварот на Sport Life –„Двојна шанса за Peugeot 3008” траеше нешто повеќе од 2 месеци, а на најуспешните првопласирани типувачи им донесе по еден СУВ од марката „пежо 3008“.
Лојалноста и редовноста во игрите му се исплатеше на Трајан Јордановски од Струга кој го оствари највисокиот вкупен погоден коефициент на тикет, за главната премија – „пежо 3008“.
Вториот победник и освојувач на другото пежо од „Двојна шанса“ е Сашко Јанковски од Делчево, кој исто така погоди највисок вкупен коефициент, но во конкуренција на тикетите со еден промашен натпревар.
Со само 20 денари влог, добитникот од Струга успеа да освои добивка од 281.314 денари, најголема досега за него, и да оствари највисока добитна квота од 14.065,69 за главната премија „пежо 3008“.
„На уплатното место каде што го креирав добитниот тикет кој ми го донесе „џипот“, го имав уплатено второто ливче воопшто. Беше тоа во летото 2005 година кога првпат се отвори локалот, што значи дека сум еден од најредовните обложувачи, ако не и најредовен. Претходно бев во игра со тикет со добивка од 1,5 милион денари, но паднав на „кец“ во дербито меѓу Барселона и Атлетико. Не изгубив надеж, па среќата ми се насмевна кога ставив минимален влог.“, ни раскажа Трајан.
Како редовен играч, тој учествувал и во типстер купот од минатата сезона кога се доделуваше стан на Водно. Тогаш бил многу блиску до целта, но без успех. Сепак, не се откажал и продолжил да учествува во игрите на Sport Life. Оваа сезона, лојалноста му се исплати двојно. Покрај паричната добивка од околу 4500 евра си понесе и клуч од пежото 3008.
Вториот добитник, Сашко Јанковски од Делчево беше најдобар во категоријата на тикети со еден промашен пар. Toj, уште на почеток од натпреварот составил тикет со коефициент од 635.212,05, но добивката од неверојатни 2,5 милиони денари му избегала поради еден гол. Имено, дуелот меѓу Баер Леверкузен и Келн, на кој типувал ГГ3+, завршил со резултат 3:0 и го оставил нашиот играч без рекордна добивка, но сепак со адекватна замена.
„Ќе ми беше тоа најголема добивка, бидејќи досега сум немал добитен тикет со повеќе од 60.000 денари. Но, и вака е добро“, вели Сашко, кој учествувал во сите досегашни акции на Sport Life. Неговата порака до останатите обложувачи е: „кој игра тој и добива“, што значи дека треба да се биде упорен, но воедно и да се игра одговорно.
Покрај честитките, на двајцата најуспешни типувачи, Sport Life им посакува многу среќа и добивки и во иднина, бидејќи Sport Life постојано воведува нови акции, со интересни игри и атрактивни добивки. Најновите информации следете ги на www.sportlife.com.mk
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дончиќ за нов брејк на Далас во ЛА, Мајами без шанси во Бостон
По поразот на вториот натпревар, Бостон Селтикс го исфрлија сиот бес на ослабениот Мајами и се пласираа во полуфиналето на Истокот, а Далас по победата во Лос Анџелес е на чекор до пласман во второто коло на Западот.
Бостон Селтикс го победија Мајами Хот со 118:84. Серијата, Селтикс ја добија со 4:1. Последните три натпревари Селтикси ги добија со вкупна разлика од 68 поени.
Џејлен Браун и Дерик Вајт постигнаа по 25 поени, Џејсон Тејтум додаде 16 поени и 12 скока.
На другата страна Бем Адебајо беше најдобар со 23 поени, пет скока и шест асистенции, Тајлер Хиро даде 15 поени.
Лука Дончиќ е болен, го мачи и коленото, но блесна и со 35 поени, седум скока и 10 асистенции го предводеше Далас до триумф над Клиперс 123:93. Кајри Ирвинг постигна 14 поени, а Макси Клебер забележа 15 поени (5-7 за три).
Кај Клиперс потфрлија најдобрите, Пол Џорџ постигна само 11, а Џејмс Харден седум поени.
„Сега треба да победиме на еден од следните два натпревари. Мора да играме на ист начин“, изјави Дончиќ и додаде:
„Болеста ми ја отежна работата, коленото не е многу добро, но адреналинот е тука кога си во плеј-офот. Кога ќе започне натпреварот, се што сакам е да победам“.
Шестиот натпревар ќе се игра во сабота во 3:30 часот по средноевропско време, во Тексас.
Спорт
Реал прв обезбеди пласман на Ф4 во Берлин
Кошаркарите на Реал Мадрид први се пласираа на фајнл-форот во Евролигата. Актуелните шампиони серијата против Басконија ја добија со 3:0.
Третиот натпревар од серијата се одигра во „Фернандо Буеса“, во Виторија, Реал победи со 102:98.
Најефикасен во тимот на Чус Матео Бои беше Гершон Јабуселе со 23 поени, седум скока и три асистенции. Се истакнаа и хрватскиот кошаркар Марио Хезоња со 16 поени, четири скока и две асистенции и една топка, односно Факундо Кампацо со 13 поени, четири скока, осум асистенции и Валтер Тавареш со 12 поени, 13 скокови и четири блокади.
Најистакнати во тимот на Басконија беа плејмејкерите Маркус Хауард (29 поени, по два скока и асистенции) и Коди Милер-Мекинтајр (17 поени, четири скока, 11 асистенции, две украдени топки). Двициврени беа и Никос Рогкавопулос со 18 поени, четири скока и Вања Маринковиќ со 17 поени и четири скока.
Завршниот турнир во Берлин ќе се одржи од 24. до 26.мај, актуелниот шампион во полуфиналната пресметка со победникот од серијата Барселона-Олимпијакос.
Спорт
(Видео) „Милионерите“ чекор поблиску до финалето – Филкруг му пресуди на ПСЖ
Борусија Дортмунд го совлада Пари Сен Жермен во првиот полуфинален натпревар од Лигата на шампионите. „Милионерите“ забележаа победа 1:0 на „Вестфален“. Херој на „жолтиот ѕид“ беше Никлас Филкруг.
Борусија во првото полувреме, беше подобра само сза тој еден гол, иако всушност до самиот крај на првиот дел од натпреварот ниту еден од тимовите немаше изгледни шанси.
Се играше 36. минута кога Шлотенберг од половината на парижаните ја испрати топката до Филкруг. Овој ја прими брилијантно, повлече напред, се избори со Лукас Ернандез и го совлада Донарума.
Борусија имаше две одлични шанси во самиот финиш на првото полувреме, но Донарума беше на висината на задачата и го спаси својот тим.
Во вториот дел и двете екипи го зголемија својот ритам. Пари Сен Жермен тргна крајно офанзивно во вториот дел од натпреварот.
Стативата од голот на Кобел се тресеше два пати за само десет секунди во 51. минута. Прво се обиде Мбапе, ја погоди стативата, топката се врати кај гостите, по што се обиде и Хакими, но овојпат се затресе статива.
Набргу потоа Борусија имаше шанса да ја зголеми предноста, но одличната аситенција на Санчо, Филкруг не успеа да ја претвори во гол. До крајот ПСЖ два пати опасно се закани преку Фабијан Руиз и еднаш преку Дембеле, а втор гол на домаќинот спречи Маркињос кој во последен момент го блокираше Бранд.
Реваншот е следниот вторник во Париз.