Свет
Иранските разузнавачи планирале да киднапираат новинарка во Њујорк
Американското обвинителство покрена обвинение против четворица Иранци поради основано сомнение дека планирале киднапирање на новинарка и активистка која го критикувала Иран.
Според странските медиуми, тие се сметаат за наводно иранско разузнавање.
Американските власти тврдат дека во последните неколку години иранското разузнавање довело во заблуда голем број странски активисти и ги навело да патуваат на дестинациите каде што биле киднапирани и испратени во Иран, пренесува „Ројтерс“.
Иако во обвинението не се споменува кој бил цел на киднаперите, „Ројтерс“ потврди дека станува збор за иранско-американската новинарка Масих Алинејад, која соработува со редакцијата на „Гласот на Америка“ на персиски јазик и се занимава со теми за човековите права во Иран.
Новинарката, која телефонски ја контактираше репортер на „Ројтерс“ по поднесувањето на обвинението, рече дека е шокирана, но потврди дека соработувала со ФБИ, откако пред 8 месеци ја контактирале агенти на таа служба и покажале фотографии од осомничени.
„Тие покажаа дека Исламската република ми е многу блиска“, рече Алинејад, активистка за човекови права и критичар на Иран.
Додека работеле на планот за киднапирање на новинарката, четворица Иранци ангажирале приватни детективи да ја следат и да го снимаат нејзиното семејство и местото на живеење, тврди обвинителството.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Фон дер Лајен: ЕУ смета на Кина да изврши притисок врз Русија да ја прекине војната против Украина
Претседателката на Европската комисија, Урсула фон дер Лајен денеска изјави дека Европската унија смета на Кина да изврши притисок врз Русија да ја прекине војната против Украина.
„Сметаме на Кина да го искористи сето свое влијание врз Русија за да стави крај на руската агресивна војна против Украина“, рече фон дер Лајен по средбата со кинескиот претседател Кси Џингпинг и францускиот претседател Емануел Макрон во Елисејската палата, пренесе Ројтерс.
„Претседателот Си одигра важна улога во деескалирањето на неодговорните нуклеарни закани на Русија и уверена сум дека претседателот Кси ќе продолжи да го прави тоа во контекст на тековните нуклеарни закани на Русија“, додаде таа.
Фон дер Лајен рече дека Кина може да го ограничи „неодговорното ширење“ на ирански ракети и беспилотни летала и ги повтори повиците за прекин на огнот во конфликтот меѓу Израел и Хамас.
„Веруваме дека Кина може да одигра важна улога во ограничувањето на неодговорното ширење на балистички ракети и беспилотни летала од страна на Иран“, изјави таа за новинарите по средбата со Кси.
Фон дер Лајен нагласи дека ЕУ не може да го апсорбира прекумерното производство на кинески индустриски стоки што го преплавуваат нејзиниот пазар.
Таа додаде дека го повикала Кси да преземе чекори за решавање на проблемот со вишокот капацитет.
„Кина која игра фер е добра за сите нас“, истакна Фон дер Лејен.
Фон дер Лајен во Елисејската палата се сретна со кинескиот претседател Си Џинпинг и со францускиот претседател Емануел Макрон. Кси пристигна во Франција во неделата на своето прво патување во Европа од 2019 година.
Регион
(Видео) Вo Шпанија уапсен еден од најбараните наркобосови во Србија
Шпанската полиција разби српска организирана криминална група осомничена дека го нападнала домот на ривалскиот клан од Србија минатиот јануари. Во акцијата беа уапсени 11 лица, меѓу кои и лидерот, по кого Србија распиша потерница уште во 2021 година.
Во провинциите Малага, Мадрид и Барселона се извршени апсења поради вмешаност во криминални дејствија – киднапирање, грабеж со насилство, недозволено поседување оружје, телесни повреди, фалсификување документи, трговија со дрога и членство во криминална организација.
Во акцијата на шпанската полиција одземени се три парчиња огнено оружјо. На некои им беа избришани сериските броеви. Запленети се и сто парчиња муниција, седум лажни лични документи, дрон и 16.000 евра во кеш.
Извршени се и седум претреси, од кои пет во Естепона.
Меѓу уапсените е и водачот на криминална група по која Србија распишала потерница во 2021 година. Тој е еден од најбараните луѓе во Србија.
Свет
Четворица тинејџери под истрага за нападот на германскиот пратеник во Европскиот парламент Матијас Еке
Четворица германски тинејџери се под истрага за нападот врз германскиот пратеник во Европскиот парламент (ЕП) Матијас Еке, кога беше тешко повреден и му беше потребна операција, соопшти полицијата.
Полицијата соопшти дека 17-годишникот дошол во полициската станица во саботата и рекол дека бил вклучен во нападот врз Еке, а полицијата идентификувала уште тројца напаѓачи во неделата, откако ги пребарала нивните домови и собрала докази, објави Ројтерс.
Сите четворица се германски државјани на возраст од 17 до 18 години.