Црна хроника
Петчлена група го организирала шверцот на хероин
Пет лица од Македонија и Косово се организатори на шверцот на 26 – те килограми хероин, кој вчера ги заплени полицијата во рамките на акцијата „Босфор“
Двајца од приведените се тетовци, двајца гостиварци и еден државјанин на Косово. Тие се изведени пред истражен судија.„Доколку има нови сознанија, акцијата ќе биде проширена, но се претпоставува дека ова се организаторите на групата“ изјави министерката за внатрешни работи Гордана Јанкуловска.Шверцерите најпрво хероинот го обложиле со индиго хартија и го премачкале со ментол, а потоа дрогата ја ставиле во платични кеси. Целта им била дрогата да не ја забележат ренген апаратите и кучињата трагачи. Но по оперативни сознанија, пратката која била пренесувана со друга стока е откриена и криминалната група е приведена. Дрогата беше запленета на граничниот премин „Меџитлија“, а според информации на МВР крајна дестинација била Косово.Во целата операција „Босфор“која се одвива во координација со турската полиција, во шест одделни акции, се запленети вкупно 260 килограми хероин, чија вредност на црниот пазар се проценува на над 10 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Приведен маж од Неготино, ја вознемирувал поранешната партнерка
Неготинец бил лишен од слобода поради непочитување на судска мерка и вознемирување на поранешна партнерка, информираа денеска од СВР Велес.
„Вчера во 16.00 часот полициски службеници од ОВР Неготино го лишиле од слобода З.М.(42) од Неготино, постапувајќи по претходна пријава од страна на неговата поранешна 37-годишна партнерка од тој град. Според пријавеното, З.М. не го почитувал решението од Основен суд Неготино со мерка забрана за приближување, дошол во нејзиниот дом и по кратка расправија скршил прозорец од домот. З.М. бил задржан во полициска станица, известен бил јавен обвинител и по документирање на настанот против него ќе биде поднесен соодветен поднесок“, соопштија од СВР Велес.
Црна хроника
Скопјанец почина косејќи трева во двор, го усмртил струен удар
Вчера во 20.45 часот во СВР Скопје било пријавено дека во двор од семејниот дом на подрачјето на Бит Пазар, додека В.П.(66) од Скопје косел трева со импровизирана косилка, се здобил со струен удар и починал.
Од страна на лекар од Итната медицинска помош била констатирана смрт.
Црна хроника
Возач на трактор тешко повреден откако излетал од коловозот
Вчера во 08.45 часот во полициската станица Валандово било пријавено дека во атар на с.Чалакли, валандовско, трактор „ИМТ 533“ со полуприколка, управуван од А.П.(48) од с.Балинци, валандовско, излетал надвор од коловозот.
Во несреќата со тешки телесни повреди се здобил возачот, констатирани во Општата болница Гевгелија.
Извршен бил увид од увидна екипа од ОВР Валандово.