Спорт
Дел Пјеро: Тоа што екипата и стручниот штаб го направија на ЕП е неверојатно
Тој беше еден од најдобрите италијански фудбалери на сите времиња, легендарен капитен на Јувентус од 1993 до 2012 година – Алесандро Дел Пјеро. За овој период одигра 513 меча во дресот на „Старата дама“, а постигна 208 гола.
Со Италија во 2006 година го освои Мундијалот во Германија. За „Азурите“ одигра 91 меч и постигна 27 гола.
Италијанската фудбалска легенда даде свое мислење за освојувањето на европската титула на пулените на Роберто Манчини:
„Многу сме горди на оваа титула, затоа што пред три ипол години Италија не успеа да се квалификува на СП. Тоа што екипата и целиот стручен штаб го направија на ова ЕП е неверојатно. Уживавме, бевме пресреќни. Во тоа е убавината на фудбалот. Некогаш падови, а некогаш големи успеси. Тајната е во тоа што не се откажуваа, му покажаа на светот дека заедно можат секој тим да го победат“ рече Дел Пјеро при неговата посета на Белград.
Италијанскиот ас во кариерата имаше понуди да се пресели во Манчестер Јунајтед и Реал Мадрид, но тој му остана верен на Јувентус.
„Никогаш немав тајни, обожувам фудбал. Сакав да се натпреварувам и да прифаќам нови предизвици. Отсекогаш бев навивач на Јувентус, тоа е клубот кој ме инспирираше, го сакам тој клуб, со соиграчите поминав се, и убави и тажни моменти, но фудбалот на сите нас ни го донесе она најдоброто во животот“ рече Дел Пјеро.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Кристал Палс го згази Манчестер јунајтед
Фудбалерите на Кристал Палас го декласираа Манчестер јунајтед со 4:0, во последниот натпревар од 36. коло на Премиер лигата. удбалерите на Кристал Палас ја забележаа четвртата победа на последните пет натпревари во Премиер лигата.
Од првата минута забележливо беше дека играчите на Манчестер јунајтед не се „во натпреварот“. Како изгледаа на теренот можат да бида задоволни со поразот од 4:0.
Дебаклот го најави Мајкл Олисе во 12.минута. .
Истиот играч десет минути подоцна имаше уште две убави шанси, а во 40. Жан Филип Матета ја удвои предноста на домашните.
На почетокот на вториот му беше поништен гол на Јунајтед, а потоа започнаа да се редат шансите пред голот на Андре Онана.
Еберечи Езе, Тајрик Мичел и Вил Хјуз, не успеаја да реализираат, но во 58. минута споменатиот Мичел зголеми на 3:0.
Точка поразот на Јунајтед стави играчот кој ја започна серијата, Мајкл Олисе во 66. минута. До крајот на мечот Одсон Едуард ја погоди стативата.
Палас е 14. на табелата со 43 бодови, додека Јунајтед е осми со 54 бодови, исто колку и седмопласираниот Челзи.
Јунајтед во следното коло ќе го пречека Арсенал, додека Палас ќе гостува кај Вулверхемптон.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.