Скопје
Опремени 15 детски катчиња на јавен простор ширум Чаир
Општината Чаир целосно опреми 15 детски катчиња на јавен простор на различни локации во општината.
Детските катчиња се целосно опремени со нови реквизити, што ќе овозможат најмладите да уживаат во детските игри во близина на своите домови. Покрај овие детски катчиња кои се наоѓаат на јавен простор, до крајот на 2016 ќе се формираат уште 10 нови. „Создавање нови простори каде најмладите ќе имаат можност да играат, здраво да растат и да се развиваат е наш врвен приоритет. Новите детски катчиња ќе го разубават секојдневниот живот на најмладите, но и на сите жители на Чаир и, што е најважно, ќе обезбедат сигурно место за одмор и рекреација. И во следниот период ќе имаме уште многу вакви проекти“, изјави Изет Меџити, градоначалник на општина Чаир. Покрај новите детски катчиња, во низ целата територија на Општина Чаир се поставивија 135 нови клупи. Истотака во насока на подигнување на хигиената во Чаир, општината постави 125 нови корпи од кои дел се метални, а дел се бетонски. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Нема да се наплаќа паркирањето во Центар за време на Велигденските празници, извести ПОЦ
Паркирањето во oпштина Центар за време на Велигденските празници ќе биде без наплата за сите граѓани. На 03.05.(петок), 05.05. (недела) и 06.05.2024 година (понеделник) граѓаните ќе можат да паркираат без надомест на сите паркиралишта со кои стопанисува ЈП Паркинзи на Општина Центар, извести ПОЦ.
Согласно програмата за неработни денови за 2024 година на Министерството за труд и социјална политика, 04.05.2024 година (сабота) е работен ден и следствено на тоа паркиралиштата со кои стопанисува ЈП ПОЦ ќе работат со вообичаено работно време.
Депото на „Пајак“ службата на ЈП ПОЦ ќе работи 24/7 за време на празниците.
Редовната наплата за паркирање на паркиралиштата и издавање на договори во Дирекцијата на ЈП ПОЦ ќе продолжи на 07.05.2024 година (вторник) со вообичаено работно време, се додава во соопштението на ПОЦ.
Скопје
Пуштен во употреба новиот парк на булеварот „Февруарски поход“ во Аеродром
Во пресрет на големиот христијански празник Велигден, со интонирање на македонската химна и подигнување на македонското знаме, денеска официјално беше пуштен во употреба новиот парк лоциран на булеварот „Февруарски поход“ во Општина Аеродром.
На денешниот настан присуствуваше градоначалникот на Општина Аеродром, кој заедно со претседателот на советот Дејан Митески, извидниците и дечињата од детската градинка „Буба Мара“, го означија крајот на изведбата на еден важен проект реализиран од страна на општинското јавно претпријатие за комунални дејности.
Работните активности опфатија целосно хортикултурно и партерно уредување, поставување на нова урбана опрема, како и јарбол со македонското знаме.
Скопје
Пронајдено лице што вчера се изгубило на Водно
Регионалниот Центар за управување со кризи – Скопје информира дека на бројот 112, вчера во 15:23 часот била добиена пријава за изгубено лице во Парк – шумата Водно.
Веднаш биле известени надлежните за нивна понатамошна постапка, по што лицето било пронајдено за околу еден час.
– Од полициската станица – Карпош во 16:34 часот во ЦУК, добиена е информација дека лице од Водно е на пат за градот, пишува во денешното соопштение на Центарот за управување со кризи.