Спорт
Гатузо жали што не стана кормилар на Тотенхем
Италијанскиот стратег Џенаро Гатузо вели дека жали што не стана менаџер на лондонски Тотенхем откако дојде до противење од навивачите на „петлите“.
Тотенхем бараше кормилар до крајот на минатата сезона, имаше неколку кандидати, меѓу кои и Италијанецот.
По барање на навивачите, Управата на Спарси се откажа од Гатузо и го одбра Нуно Еспирито Санто.
„Тоа е големо разочарување, но не ме опишаа онаков каков што всушност сум и ништо не можев да направам околу тоа. Жал ми е што не можев да се бранам и да објаснам во Англија каква личност сум“ изјавил Гатузо за италијански „Месаџеро“.
Поранешниот тренер на Милан и на Наполи рекол дека ваквите констатации за него го заголеле.
„Морав да прифатам приказна која навистина боли многу повеќе од пораз или отказ. Одредена злоба доаѓа од Фејсбук или Твитер, каде може да се прифати било која лага. Не ги сакам друштвените мрежи. Не разбирам, ако пијам вино, во што е поентата да се сликам за другите тоа да го знаат“ вели Гатузо.
Италијанецот во моментов е без ангажман. Летово потпиша договор со Фиорентина, но по 23 дена го напушти клубот од Фиренца поради несогласување со Управата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Арасате ја напушти Осасуна
Тренерот на Осасуна, Јагоба Арасате, последен пат го предводеше тимот во саботата. Играчите и навивачите емотивно се простија од тренерот по натпреварот помеѓу Осасуна и Виљареал кој заврши 1:1.
„Ќе се сеќавам колку им бев драг на луѓето, а денес беше кулминација на тоа. Од понеделник почнува времето за носење одлуки“, рече 46-годишниот Арасате на прес-конференција.
Медиумите шепкулираат дека тој ќе ја преземе Мајорка или да се обиде да ја подигне Севилја.
Арасате шест години ја водеше Осасуна, која сезонава ја заврши на 10. место меѓу 20-те клубови од Примера. Засега не се знае кој ќе биде новиот тренер на Осасуна.
Спорт
Пикси се уште не потпишал – Проблем се еден милион евра
Селекторот на Србија, Драган Стојковиќ Пикси се уште не го потпишал новиот договор, а според сите индикации нема потпишувањето нема да се случи ниту во наредните денови и покрај тоа што Фудбалскиот сојуз на Србија (ФСС), во четвртокот објави дека биле договорени деталите од новиот договор, според кој Пикс би останал селектор до 2026 година.
Проблемот околу новиот договор со селекторот на Србија настанал околу финансискиот дел. Станува збор за потенцијален прекин на соработката доколку Србија не обезбеди пласман во осминафиналето на претстојното Европско првенство, дознава „Спорт клуб“.
Во случај на раскинување на соработката, Стојковиќ инсистирал на обештетување во висина од еден милион евра.
Сè уште не е познато кога Пикси ќе го стави потписот на новиот договор, а новиот датум кога тоа треба да се случи е понеделник (27 мај) во 11 часот.
Конечниот збор ќе го имаат членовите на Извршниот одбор на Фудбалскиот сојуз на Србија. Третата точка на седницата закажана за в понеделник, ја дефинира дискусијата за продолжување на соработката со селекторот.
Спорт
(Видео) Најемотивниот момент од збогувањето на Крос
Тони Крос го одигра својот последен натпревар во клупската кариера. Германската икона на Реал Мадрид доби овации од „Сантијаго Бернабеу“ во емотивна вечер од последното коло во шпанското првенство. Реал ремизираше со Бетис без голови.
Брилијантниот играч за врска мина низ шпалирот што го направија соиграчите пред почетокот на натпреварот, во тие моменти ја гледаше кореографијата што ја подготвија навивачите за неговото збогување, играе до 86. минута, потоа му ја предаде капитенската лента на Лука Модриќ и се упати кон клупата за резерви.
Ќе биде забележано дека од 2014 година до синоќа одигра 464 натпревари за Реал, постигна 28 гола и забележа 98 асистенции, а со клубот освои 22 трофеи. Сето тоа го понесе Крос на вчерашниот натпревар кој го заврши со овации од трибините и овации од соиграчите.
По натпреварот и самиот призна дека добро се справувал со емоциите во тие моменти, а потоа откри што го расплакало.
„Бев доста силен. Се додека не ги видов моите деца. Тоа ме скрши”, призна инаку „ладниот” Германец по испраќањето од теренот, за кое „Марка“, пишува дека било најголемо за еден играч на Реал.
„Тоа беше убав како неговата кариера, возбудлив како неговиот фудбал и огромен како неговата легенда“.
I'll never recover 🥹💔pic.twitter.com/0gEIh0XcEi
— Ele (@EleModric) May 25, 2024