Црна хроника
Поднесена кривична пријава за сопственикот на ладилниците

Единицата за економски криминал при МВР до надлежното јавно обвинителство поднесе кривична пријава против сопственикот на ладилниците во кои било складирано месото кое во вторникот беше пронајдено во населбата Шуто Оризари
Како што информираше портпаролот на МВР, Иво Котевски, кривичната пријава ја поднесе единицата за економски криминал при МВР, поради основано сомнение дека сторил кривично дело „Прикривање на стоки кои се предмет на криумчарење и царинска измама“, бидејќи во повеќе наврати во текот на месец мај 2011 година набавил трговска стока – месо во поголема количина кое што имал намера да го отуѓува.„Вчера попладне истиот беше повикан на службен разговор во кој посочи дека не ги познава лицата од кои што го набавувал месото и дека не може да даде подетален опис за нивна идентификација. Според неговиот три часовен исказ во полиција, осомничениот на себе ја презеде одговорноста за негова натамошна дистрибуција, признавајќи дека имал намера да го продава“, рече Котевски.Претседателот на Сојузот на Ромите, Амбди Бајрам во четвртокот најави дека ќе поднесе кривична пријава и против Самка Ибраимовски претседател на ПЦЕР. Пред штабот на ПЦЕР и СДСМ во населбата Шуто Оризари беше пронајдено месото со изминат рок.„Мислам дека ова не треба да се случува во Република Македонија, ромскиот глас не смее да се купува, треба фер и демократски да се оди на избори, а не на ваков начин“, рече Бајрам.Специјалната единица „Алфа“ во непосредна близина на штабот на политичката партија СДСМ и ромската ПЦЕР, која е во коалиција со СДСМ, пред два дена откри два ладилници полни со расипано месо. Покрај месото запленета е поголема количина и на палмино масло, односно незаконски поседувана стока која тежела повеќе од три тони, од кои над два тони расипано месо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Син ги натепал татко му и мајка му во Петровец, ОЈО побара притвор

Основното јавно обвинителство Скопје поведе постапка против 39-годишен жител на Петровец за кого постои основано сомнение дека извршил кривично дело – Телесна повреда од член 130 став 2 во врска со став 1 од Кривичниот законик.
На 27 март, при вршење семејно насилство, тој телесно го повредил неговиот татко. По кратка вербална расправија, започнал агресивно да се однесува, да го удира татко му со шлаканици по лицето, а потоа се нафрлил и кон својата мајка, ја турнал на подот и почнал да ја влече за нозете по подот, па ја однел кон кујната и врз неа истурил шише вода.
Имајќи предвид дека против истиот осомничен веќе е поднесено обвинение за продолжено семејно насилство и нанесување тешка телесна повреда на неговата сестра, предмет кој е во фаза на судење и во кој му се определени мерки на претпазливост кои обвинетиот очигледно не ги почитува, јавниот обвинител сега побара на осомничениот да му биде определена мерка притвор.
Црна хроника
Го претепале и му барале месечно да им дава по 400 евра: расчистено кривично дело изнуда во Прилеп

На 26.03.2025 во 20.40 часот во Прилеп, полициски службеници од ОВР Прилеп го лишиле од слобода Р.Р.(53) од Прилеп поради постоење основи на сомнение за сторено кривично дело по член 258 од Кривичниот законик.
Претходно, истиот ден во 08.00 часот во ОВР Прилеп, 54 – годишен сопственик на угостителски објект во Прилеп пријавил дека со физички напад и закани, С.Р. и А.Т., двајцата од Прилеп, му изнудиле пари кои ги земал приведениот Р.Р., татко на С.Р..
Имено, на 20.03.2025, С.Р. и А.Т. дошле во неговиот угостителски објект, физички го нападнале и со закана барале од него месечно да им дава 400 евра за да му го обезбедуваат објектот.
Најпрвин ги одбил, но после тоа, тие уште неколку пати доаѓале во објектот, му се заканувале и му барале пари, при што С.Р. му рекол дека парите ќе ги зема неговиот татко Р.Р.. На 24.03.2025 тој се договорил со Р.Р. дека ќе му ги даде парите на 26.03.2025, а откако ги зел парите, Р.Р. бил лишен од слобода и приведен во полициска станица.
После тоа, со судска наредба, полициски службеници од ОВР Прилеп извршиле претреси во домовите на тројцата, при што биле пронајдени и одземени предмети за кои постои сомнение дека потекнуваат од кривични дела.
Од страна на судија на претходна постапка на Р.Р. му била определена мерка притвор од 30 дена и бил спроведен во казнено – поправна установа за издржување на мерката. Исто така, мерка притвор од 30 дена во отсуство била одредена и на С.Р. и А.Т., информира полицијата.
Црна хроника
Полицаец упатувал закани на командир на полициска станица во Свети Николе

Одделот за внатрешна контрола, криминалистички истраги и професионални стандарди при Министерството за внатрешни работи, до надлежното Основно јавно обвинителство Свети Николе, поднесе кривична пријава против Г.Т. од Свети Николе поради постоење основи на сомнение за сторено кривично дело „загрозување на сигурноста“ по член 144 став 4 од Кривичниот законик.
На 25.02.2025 во службена просторија во ОВР Свети Николе, пријавениот Г.Т., полициски службеник во Полициската станица Свети Николе, во присуство на други полициски службеници, агресивно се однесувал и се заканувал на К.М. – командир на Полициската станица Свети Николе. Имено, на наведениот датум, полициски службеници од Одделот за внатрешна контрола, криминалистички истраги и професионални стандарди, преку командирот К.М., како негов претпоставен, преземале мерки во врска со претставка од граѓани против Г.Т. за непрофесионално и недолично постапување при изготвување на записници за констатирани прекршоци од областа на сообраќајот. Откако дошол во канцеларијата на командирот, пријавениот го обвинил него дека е иницијатор на претставката и почнал да му се заканува.
Одделот за внатрешна контрола, криминалистички истраги и професионални стандарди ќе поднесе Предлог за поведување на постапка за утврдување на дисциплинска одговорност и ќе изрече задолжителна мерка пријавениот да биде суспендиран од работното место до завршување на дисциплинската постапка, соопшти полицијата.