Црна хроника
Поплаки на веб страницата на МВР за полициска бруталност
![](https://makfax.com.mk/wp-content/uploads/2016/10/198780a9-1ad7-47d9-a32a-5df0d50cca99-5.jpeg)
Од денеска на официјалната страница на министерството за внатрешни работи граѓаните ќе можат анонимно да доставуваат претставки и поплаки за постапувањето на полициските службеници
Претставките ќе бидат директно упатувани на адреса на Секторот за внатрешна контрола кој во најкус можен рок ќе постапува по нив.„Со ваквата можност која им се става на располагање на граѓаните, очекуваме дека ќе биде отстранета и последната бариера, односно сомнежите во целисходноста на пријавувањето заради непотребниот страв од евентуални последици. Анонимното пријавување, од една страна, ќе ги охрабри граѓаните да реагираат на сите регистрирани недоследности во постапувањето на полициските службеници, но од друга страна, што е не помала придобивка, нам ќе ни овозможи навремено да бидеме запознаени со одредени пречекорувања или непочитувања на законските и подзаконските акти“ изјави Јанкулоска.Таа информираше дека само во текот на првите осум месеци од годинава, преземени се мерки за испитување на 755 случаи на пречекорувања на овластувања и злоупотреби.Таа додаде дека МВР е една од првите институции која е пред крај со целосно заокружување на процесот на обезбедување на анкетни листови од вработените за нивната имотна состојба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Се запали БМВ во Драчево
![](https://makfax.com.mk/wp-content/uploads/2022/06/zapaleno-vozilo.jpg)
Денеска во 00.55 часот во СВР Скопје било пријавено дека на подрачјето на Драчево, во двор од семејна куќа на К.К.(30) од Скопје, настанал пожар во неговото патничко возило БМВ со скопски регистарски ознаки.
Од Бригадата за противпожарна заштита пожарот бил изгаснат, а повредени лица нема. Се преземаат мерки за расчистување на случајот.
Црна хроника
Тројца малолетници тепале и со остар предмет повредиле 22-годишно момче
![](https://makfax.com.mk/wp-content/uploads/2022/08/noz.jpg)
Полициски службеници лишиле од слобода тројца малолетници поради физички напад, соопшти МВР.
-Денеска (07.09.2024) во 02.40 часот полициски службеници од полициската станица Центар лишиле од слобода тројца малолетници од Скопје, Крива Паланка и Струмица поради постоење основи на сомнение дека во Градскиот парк во Скопје физички го нападнале Б.С.(22) од Скопје и притоа со остар предмет му нанеле повреда, стои во соопштението.
По целосно документирање на случајот ќе следува соодветен поднесок, додаваат од МВР.
Црна хроника
Средношколец од Скопје се заканувал на вработени и кршел инвентар
![](https://makfax.com.mk/wp-content/uploads/2020/08/Screen-Shot-2020-08-04-at-9.50.30-AM.png)
Средношколец од Скопје, вчера попладне упатувал закани кон вработени во училиште, при што оштетил и дел од инвентарот, соопшти МВР.
-На 06.09.2024 во 20.20 часот во СВР Скопје, било пријавено дека околу 16.50 часот во средно училиште на подрачјето на општина Аеродром, ученик во службени простории агресивно се однесувал кон вработените во училиштето и им упатувал закани, по што оштетил и дел од инвентарот, стои во соопштението на МВР.
МВР соопшти дека е известен јавен обвинител за малолетници. Се преземаат мерки за расчистување на случајот.