Црна хроника
Осквернавени гробови во Лазарополе
![](https://makfax.com.mk/wp-content/uploads/2016/11/eb0b178c-0894-43af-b06a-1847e390489f.jpeg)
Осквернавени се пет гробови на гробишта стари повеќе од еден век во мијачкото село Лазарополе. Се уште не се знае дали се работи за вандалски чин или гробовите ги раскопувале трагачи по скриено богатство
Љупка Антеска, од Гостивар
Пет гроба на старите гробишта во мијачкото село Лазарополе деновиве биле осквернавени. Не се знае кој и зошто копал по гробиштата. Настанот во полиција бил пријавен во неделата од страна на претставници од месната заедница на селото. Според официјалните информации, непознати сторители откако прво ја извадиле камената плоча, направиле ископ од шеесетина сантиметри со што целосно откопале еден гроб. Човечкиот череп којшто го нашле во гробот го фрлиле настрана. Покрај ова, лицата делумно раскопале уште четири други гробови врз кои имало мали камени плочи. Од полицијата соопштуваат дека по извршениот увид се работи на пронаоѓање на сторителите. Според кажувањата на селаните, на таа локацијата стара повеќе од еден век, веќе подолго време не се вршеле погреби.Останува нејасно дали во случајов се работи за вандалски чин или гробовите ги раскопувале трагачи по богатство. Сомнежот дека станува збор за диви копачи се поткрепува со зачестената појава на нелегални ископувања на археолошки локалитети и сакрални објкети низ Македонија. Во гостиварско мета на диви копачи последниве години беа стари гробови во селата Вруток, Здуње и Јеловце.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Се скарале поради паркинг па му се заканил со пиштол: уапсен тетовец
![](https://makfax.com.mk/wp-content/uploads/2023/04/340100298_727343369082993_245299473340502978_n.jpg)
Вчера во 10.00 часот на улица „146“ во Тетово, полициски службеници од СВР Тетово го лишиле од слобода А.А.(51) од тетовско, затоа што околу 08.50 часот, поради недоразбирање околу паркирање на возила, со пиштол му се заканил на Н.А.(54) од тетовска Мала Речица.
При приведувањето, кај А.А. бил пронајден и одземен пиштол кубура, додека подоцна, со судска наредба, бил извршен претрес во неговиот дом, при што биле пронајдени и одземени пиштол „Црвена застава“ калибар 7.62мм, две рамки за пиштолот и 46 куршуми калибар 7.62мм.
Лицето било задржано во полициска станица и по целосно документирање на случајот против него ќе биде поднесена соодветна пријава, информира МВР.
Црна хроника
(Видео) Претрес кај полициски службеници од Скопско: пронајдено оружје и муниција
![](https://makfax.com.mk/wp-content/uploads/2024/07/6-1-1.jpg)
Вчера полициски службеници од Одделот за криминалистичка полиција – Сектор за недозволена трговија со дрога, оружје и опасни материи во координација со Одделот за внатрешна контрола, криминалистички истраги и професионални стадарди и СВР Скопје – Единица за недозволена трговија беше извршен претрес во дом кај две лица – полициски службеници за кои претходно беше утврдено дека на социјалните мрежи објавуваат фотографии со оружје.
При претресот, извршен со судска наредба, во нивниот дом во село Сингелиќ, скопско, биле пронајдени една автоматска пушка, два пиштоли, 19 куршуми 9 мм, еден рап во кој има четири рамки за автоматска пушка, пет празни рамки за автоматска пушка, 125 куршуми калибар 7.62×39, пет куршуми непознат калибар, еден револвер, една празна рамка и шест празни рамки кои ги поседуваат без дозвола. Исто така, при претресот во домот и при преглед на возилото на еден од нив било пронајдено и друго оружје и муниција кои ги поседувале со дозвола, соопшти полицијата.
„Подоцна, исто така, со судска наредба, беше извршен и претрес во викенд куќа во село Стрима, општина Липково, каде претходно беше утврдено дека е направена фотографијата и објавена на социјална мрежа, но во неа не беа пронајдени предмети кои потекнуваат од кривично дело.
Со двајцата полициски службеници и нивниот родител, во присуство на адвокат, беа извршени службени разговори, по што беа извршени консултации со јавен обивнителе од Основното јавно обвинителство за гонење на организиран криминал и корупција и против нив ќе биде поднесена соодветна кривична пријава“, информира МВР.
Црна хроника
Повеќе лица агресивно се однесувале кон медицински персонал во болницата во Струга
![](https://makfax.com.mk/wp-content/uploads/2023/02/policija-2.jpg)
Утрово во 00.57 часот во ОВР Струга е пријавено дека во Општата болница во Струга, повеќе лица агресивно се однесувале кон медицинскиот персонал.
Увид на местото увид извршија полициски екипи и дежурен јавен обвинител.
Полицијата соопшти дека се преземаат мерки за расчистување на случајот.