Црна хроника
Богата заплена на цариниците на граничните премини
Над 11 илјади текстилни и технички производи со ознаки на заштитени трговски марки, 14 илјади швајцарски франци и 64 уметнички слики, биле запленети во среда на граничните премини.
Како што информираат од Царината, на граничниот премин Деве Баир, при контрола на камион со турски регистарски ознаки, управувано од турски државјанин, пријавено за влез во државата, царинските службеници откриле вкупно 11.410 разни производи со ознаки на заштитени трговски марки
Возилото превезувало разна стока со потекло од Кина, наменета за фирма увозник од Косово. Се проценува дека пазарна вредност на стоката, доколку би се продавала како оригинал, би достигнала износ од над 1.6 милиони денари.
При контрола на стока со потекло од Србија, натоварена на македонаки камион, пријавена за увозно царинење на царинската испостава Куманово, мобилните тимови откриле 64 уметнички слики (со верски, народни мотиви и со меџанизам за часовник) изработени од дрво и бакар. Стоката, наменета за фирма увозник од Скопје, била пронајдена во товарниот дел од возилото и истата не била опфатена со приложените документи за увозно царинење.
На Аеродромот Александар Велики пак, царинските службеници откриле непријавени 14 илјади швајцарски франци и 24 свечени женски фустани. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Скопјанец пукал со воздушна пушка и ја погодил мачката на соседот, полицијата му го одзеде оружјето
Вчера во 10.06 часот во СВР Скопје, 47-годишниот Б.П. од Скопје пријавил дека околу 09.50 часот на подрачјето на Кисела Вода, неговиот сосед, 64-годишниот З.К. од Скопје пукал со воздушна пушка и погодил мачка, сопственост на пријавителот, извести МВР.
Со пријавениот бил извршен службен разговор и од него била одземена воздушната пушка, дијаболи и потврда за пријавено оружје, сопственост на неговиот син, извести МВР.
По целосно документирање на случајот ќе следува соодветен поднесок.
Црна хроника
Тетовец измамен за 800 евра
Вчера во 08.30 часот во СВР Тетово, 38-годишен тетовец пријавил дека на 22.04.2024 бил измамен од едно лице за сума од 800 евра, извести МВР.
„Според пријавеното, лицето дошло во неговиот деловен објект и му понудило мобилен телефон за сумата, за што му приложил и фактура. Како што е пријавено, тој одлучил да го купи телефонот, а откако се обидел да го активира кај неколку сервисери, тие му кажале дека телефонот не е оригинал и сфатил дека бил измамен“, соопшти МВР.
Се преземаат мерки за расчистување на случајот.
Црна хроника
Пожар во концертна сала на Факултетот за музичка уметност „Илија Николовски-Луј“, нема повредени
Вчера во 15.00 часот во СВР Скопје било пријавено дека настанал пожар во концертна сала на Факултетот за музичка уметност „Илија Николовски-Луј“ во Скопје, извести МВР.
Од Бригадата за противпожарна заштита Скопје пожарот бил изгаснат, а повредени лица нема, додаваат од МВР.
Извршен бил увид од увидна екипа од СВР Скопје.