Спорт
Волонтерка во Токио му позајми пари за такси, тој освои злато на 110 метри со пречки
Неверојатна приказна доаѓа по неодамна завршените Олимписки игри во Токио.
Јамајчанецот Хенсл Парчмант освои злато на трката на 110 метри со пречки и го изненади фаворитот Грент Холовеј. Но, малку недостигало тој воопшто да не успее да стигне пред почетокот на трката.
На денот на финалето 31-годишниот атлетичар влегол во погрешен автобус, па наместо на атлетскиот стадион, завршил во пливачкиот центар.
Побарал помош, ама официјалните лица му рекле дека единствена опција е да се врати во олимпиското село и од таму да седне во вистинскиот автобус. Таквата опција на атлетичарот немала да му остави доволно време за подготовка пред трката. Стигнала ненадејна помош.
Every Jamaican knows that gratitude is a must. @ParchmentHansle demonstrates that perfectly here.
Video credit: @ParchmentHansle #Gratitude #Jamaica ?? pic.twitter.com/EWYfvbOSvn
— Andrew Holness (@AndrewHolnessJM) August 7, 2021
25-годишната волонтерка во Токио, извесна Тијана Стојковиќ, му дала на Јамајчанецот пари за такси за да отиде директно на стадионот. Благодарение на тоа, тој стигнал на време, се подготвил и го освоил златото на трката.
Потоа ја пронашол Тијана и ѝ се заблагодарил за помошта.
Два дена по трката, Парчмант на „Твитер“ објавил видео од средбата со волонтерката, кое го споделил и премиерот на Јамајка.
Владата на Јамајка ја повика Тијана Стојковиќ да биде гостин во нивната земја. Непознато е дали ја прифатила понудата, но таа на „Инстаграм“ објави фотографија со маицата што ѝ ја подари атлетичарот.
View this post on Instagram
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дали е Баерн оштетен во последните секунди од натпреварот?
Фудбалерите на Реал Мадрид се пласираа во финалето на Лигата на шампионите каде на 1.јуни за титулата ќе се борат со Борусија Дортмунд.
Вечерва на „Сантијаго Бернабеу“, Реал повторно режираше нестварен пресврт и со головите на Хоселу во 88. и 91.минута го победи Баерн со 2:1.
Сепак, сенка на феноменалното полуфинале фрли помошникот на Симон Марчињак, Томаш Листкиевич, кој во последната минута од судиското надополнување реши да го прекине нападот на Баварците поради дискутабилен офсајд.
Во последните секунди Де Лихт погоди по додавањето на Милер, но помошникот во ситуацојата која беше „тесна“ реши да го крене знамецето.
Протоколот предвидува линискиот судија да ја остави акцијата да заврши, за доколку е постигнат гол, подоцна со помош на ВАР да се утврди дали голот бил регуларен или не.
Овде судијата не го направи тоа, па фудбалерите на Баерн, но и тренерот Томас Тухел целосно ги загубија нервите.
Спорт
Олимпијакос е последниот патник на завршниот турнир – Грците ја добија мајсторката во Барселона
Кошаркарите на Олимпијакос ја совладаа Барселона, во мајсторката одиграна во Каталонија со 63:59 и се пласираа на завршниот турнир во Евролигата, кој ќе се одржи од 24-26. ќе се одржи во Берлин во мај.
Грчкиот тим, кој вторпат победи на гостински терен во четвртфиналната серија со Барса, на тој начин им се придружи на Реал Мадрид, Панатинаикос и Фенербахче кои претходно се пласираа во Берлин.
Избраниците на Јоргос Баркокас трета година по ред се пласираа на завршниот турнир во Евролигата.
Претходната година беа поразени во финалето од Реал, а годината претходно беа елиминирани во полуфиналето од Анадолу Ефес кој подцна ја освои титулата.
Ривал на Олимпијакос во полуфиналето ќе биде Реал и тоа ќе биде реприза на финалето од минатата сезона од Каунас.
Вечерва во Блауграна, двата тима одиграа исклучително тврд и дисциплиниран натпревар во кој доминираа одбраните.
Олимпијакос во сердишницата од решевачката четвртина со серија поени и добра одбрана со која ги затворија сите патишта до нивниот обрач направија клучен исчекор кон победата.
Серијата од 8:0 во тој налет се покажа како клучна.
Две тројки постигнаа гостите во тој интервал, по една Мекисик и Папаниколау.
Барса, не се предаде, а пропушти одлична можност да го израмни резултатот кога Грците водеа со 57:54. Потоа Абрињес го повлече нападот, но Мекисик му ја „украде“ топката за во продолжение Милутинов да остане сам во рекетото на противникот и со забицвање да ја запечати победата на Олимпијакос.
Српскиот центар го заврши мечот со 10 поени (4/5 за два, 2/4 слободни фрлања), 10 скокови, две асистенции и блокада за убедливо највисок индекс на корисност 26 за 25 минути на теренот, Мекисик постигна 12. (2/4 за три), Папаниколау 11 (3/6 за три).
Само Лапровитола со 17 (3/8 за два, 2/7 за три) со седум скока и четир асистенции и Алекс Абринес со 13 поени (3/3 за два, 2/5 за три) во Барселона постигнаа двоцифрен број на поени.
Спорт
(Видео) Хоселу го реши трилерот во Мадрид – Реал е во финалето на ЛШ
Реал Мадрид 18.пат во клупската историја ќе се бори за трофејот во Купо/Лигата на шампионите. Вечерва на „Сантијаго Бернабеу“ во инфаркт завршница го победи Баерн со 2:1. Апсолутен херој на Реал е искусниот напаѓач Хоселу, кој со головите во 88. и 91.минута направи пресврт, откако Баерн поведе со голот на Дејвис во 68.минута.
Фудбалерите на Баерн беа на само неколку минути до финалето. Поведоа со спектакуларниот гол на Алфонс Дејвис и водеа до самиот крај на натпреварот, сепак, избраниците на Карло Анчелоти по којзнае кој пат покажаа сила и одлучност да се вратат „од мртвите“ и со голем пресврт да дојдат до победата.
Јунак на натпреварот беше Хоселу, тој влезе во игра во 81. минута и ги постигна двата гола за „кралскиот клуб“. Трагичар е голманот на Баерн, Мануел Ноер. Бранеше брилијантно во текот на целиот меч, но со груба грешка им го подари израмнувачкиот гол на фудбалерите на Реал.
Реал во финалето ќе игра против Борусија Дортмунд, која во два натпревари со вкупни 2:0 го елиминира ПСЖ.
Реал Мадрид е убедливо најуспешен клуб со рекордни 14 титули европски шампион. Борисија само еднаш ја освои Лигата на шампионите, во 1997 година, кога како аутсајдер го победи и Јувентус (3:1) во Минхен.