Македонија
„Пекабеско“ со донација на прехранбени производи за граѓаните погодени од пожарите

„Пекабеско“ донира над 5.000 прехранбени производи за граѓаните кои живеат во областите зафатени од големите пожари. Донацијата е од програмата на компанијата за конзервирана храна, а се реализира во соработка со Црвениот крст, кој ги дистрибуира овие пакети со храна до најпогодените граѓани во опожарените подрачја ширум Македонија.
Со ова „Пекабеско“ се приклучи на големиот број општествено одговорни компании, организации и хумани граѓани кои пружаат несебична поддршка на оние на кои во моментов им е најпотребна помош.
„Наша обврска како компанија е да помогнеме во вакви тешки моменти за нашите сограѓани. Корона-кризата, но и ваквите елементарни непогоди секогаш треба да нè потсетуваат дека поддршката и солидарноста во вакви времиња се повеќе од неопходни. Грижата за заедницата подразбира несебичност во најтешки моменти. Токму затоа, и овој пат би сакал да ги повикам и охрабрам сите наши партнерски компании да го следат ваквиот пример и во рамки на своите можности да склучат партнерства за поддршка на хуманитарните организации како што е Црвениот крст. Само на ваков начин ја поддржуваме нивната мисија, а даваме поттик и признание за илјадниците волонтери кои се на првите линии на фронтот помагајќи при вакви елементарни непогоди“, истакна првиот извршен директор на „Пекабеско“, Слободан Кутревски
Пожарите предизвикаа голема материјална штета и загрозуваат голем број луѓе, поради што е добредојдена секаква помош, велат од Црвениот крст. Нивните тимови се постојано на терен со цел поддршка во справувањето со состојбите во опожарените предели. Тие постојано обезбедуваат и прехранбени производи и вода за најзагрозените лица и семејства кои беа зафатени од овогодишната огнена стихија.
Инаку, „Пекабеско“ e долгогодишен партнер на Црвениот крст, а покрај донација на пакети со храна за најзагрозени семејства, реализира и годишна соработка за поддршка на Пунктот за бездомници на Црвениот крст на Градот Скопје преку донација на производи. Исто така, во текот на минатата година, компанијата донираше и 7 тони храна како поддршка за семејствата кои беа најпогодени од кризата предизвикана од Ковид-19, а Пекабеско е дел и дава поддршка на голем број хуманитарни и општествено-одговорни акции организирани од различни организации.
(ПР-текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Нов пожар избувна кај тетовско Желино

Директорот на Дирекцијата за заштита и спасување, Стојанче Ангелов, попладнево информираше дека избил нов пожар кај тетовско Желино.
Повеќе информации се очекуваат подоцна во текот на денот.
Претходно денеска Ангелов кажа дека нема активни пожари. Тој информираше и дека денеска заминува словенечкиот тим од 61 пожарникар специјализирани за гаснење на шумски пожари, со 18 возила,а утре си оди и чешкиот Блек Хок со седумчлената посада.
Македонија
(Видео) Петрушевски: Кога СДС повторно лажно ќе прашаат за истрагата за Кочани, нека погледнат накај главниот обвинител Коцевски кого го спасија и држат на функција

Кога СДС повторно лажно ќе прашаат за истрагата за Кочани, нека погледнат накај главниот обвинител Коцевски, кого го спасија и го држат на функција, кажа денеска на прес-конференција, Бране Петрушевски, пратеник на ВМРО-ДПМНЕ.
„СДС и главниот обвинител Коцевски, играа пинг-понг во јавноста, се до моментот кога тој требаше да си замине од позицијата, па СДС мораше јавно да истапи и да го брани, за да се спасат себе си. Кога граѓаните се прашуваат до каде е случајот, треба да знаат дека е на линија помеѓу главниот обвинител Коцевски и СДС. Вторите лажно го напаѓаа првиот, за да создадат привид во јавноста, операција која не им успеа затоа што мораа да го бранат во Собрание, да не останат без него“, вели Петрушевски.
Тој додава дека „на фолирањето на СДС му дојде крај. Не додржаа ниту еден месец, па СДС мораше да се соголи, и да покаже дека ќе направат се само главниот обвинител, Љупчо Коцевски, да остане на позиција“.
„Сега е многу очигледно и зошто СДС држеше пресови за Кочани, каде со лажно душегрижништво го напаѓаше ВМРО-ДПМНЕ, а всушност договорени со нивниот обвинител Коцевски, сакаа да креираат хаос. Сите обиди за хаос и сценарија на СДС се изјаловија. Секој може да види каде е вистината, а таа е дека СДС го спаси главниот обвинител Коцевски, кој има задача да ги спасува нив од одговорност, но и да им креира наративи за политички прес-конференции, како во случајот со Кочани“, истакна пратеникот Петрушевски.
Македонија
АМСМ: На Табановце се чека 40 минути, на Богородица и Дојран околу еден час

АМСМ информира дека интензитетот на сообраќај на патните правци надвор од градските средини е зголемен.
„Поради летните одмори се бележи зголемена фреквенција на возила, на ГП Табановце околу 40 минути и ГП Богородица и ГП Дојран времето на чекање за влез е околу 1 час“, велат од АМСМ и додаваат дека на останатите гранични премини од македонска страна, нема подолги задржувања за влез и излез од државата.
Поради изведување на градежни активности на Вијадукт на Сарички дол кој се наоѓа на државниот пат А1 Градско – Прилеп, обиколница на градот Прилеп, државниот пат (од раскрсница кај бензинска станица “ Лукоил” до клучка кај бензинска станица “ Салида “), ќе биде целосно затворен за сообраќај од 03 август (недела) од 07.00 часот до 06 август (среда). Сообраќајот ќе биде пренасочен низ градот Прилеп.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони.