Црна хроника
Шест месеци казна затвор за сопственикот на „Телекабел“
Шест месеци ефективен затвор доби сопственикот на Телекабел, Роберт Димитров-Роби, за кривично дело насилство.
Информацијата ни ја потврди портпаролот на Основниот суд во Штип, судијата Стојан Михов, јавува штипското радио Канал 77.
Како што јавува радиото, во тепачката која што се случи пред две години во една од собите на мотелот „Нико Петрол“,со скршен нос заврши синот на сопственикот на „Нико Петрол“, а со телесни повреди заврши и еден негов другар.
Причината за бесот на газдата на Телекабел била девојка која што тој ден била во мотелската соба заедно со синот на сопственикот на „Нико Петрол“, а која што претходно се забавувала со Димитров. Настанот се случил во раните утрински часови, кога Роби заедно со еден од неговите телохранители, влегле во собата за да ја земат девојката.
Во настаната мешаница собата била целосно демолирана, а синот на сопственикот на „Нико Петрол“, Мишко Н. заработил скршен нос. Откако Димитров заедно со неговиот телохранител заминале од собата носејќи ја со себе и девојката, на излегување ги пресретнал другар на Мишко, кој во од бил турнат , паднал и заработил силен удар во главата.
Судскиот процес траеше речиси две години.Во меѓувреме тужбата против телохранителот на Роберт Димитров, Драган М, била повлечена. Пресудата не е правосилна. /крај/канал77/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Mлад скопјанец натепан во автобус во Карпош од две двојно постари лица
Синоќа во градски автобус на подрачјето на Карпош, Н.Ј.(23) од Скопје бил физички нападнат од Ј.И.(58) и 50 – годишната Л.И., двајцата од Скопје.
Се преземаат мерки за расчистување на случајот, објави МВР во дневниот билтен.
Црна хроника
Деца натепани од врсници на Бит Пазар пред зградата во која живеат
Триесет и четиригодишната Ч.М.А. од Скопје пријавила дека околу 16.30 часот пред зградата во која живеат на подрачје на Бит Пазар, нејзините малолетни деца биле физички нападнати од двајца малолетници.
Се преземаат мерки за расчистување на случајот, објави МВР во дневниот билтен.
Црна хроника
Избоден малолетник во Куманово, пренесен е болница
Малолетно момче било избодено синоќа во Куманово.
Од МВР велат дека момчето се здобило со повреди и било пренесено во Ургентниот центар.
Засега е познато дека зад нападот стои едно лице, но од МВР без детали што претходело и дали двајцата се познавале.
Се преземаат мерки за расчистување на случајот, велат од полицијата.