Свет
Украден украински воен авион на аеродромот во Кабул, никој не знае кој е во него
Украински авион кој пристигна во Авганистан за да ги евакуира Украинците е киднапиран од неидентификувани лица кои го пренасочиле кон Иран.
Веста ја потврди заменик-министерот за надворешни работи на Украина, Евхен Јенин.
„Минатата недела нашиот авион беше киднапиран од други луѓе. Во вторникот нашиот авион беше практично украден за да лета за Иран со неидентификувана група патници на летот, наместо да превезува Украинци. Нашите следни три обиди за евакуација исто така беа неуспешни, бидејќи нашите луѓе не можеа да влезат на аеродромот“, рекол Јенин, пренесе руската агенција ТАСС.
Според него, киднаперите биле вооружени.
Заменик-министерот, сепак, не кажа ништо за тоа што се случило со авионот или дали Киев ќе се обиде да го врати или како украинските граѓани ќе бидат вратени од Кабул, во овој практично украден авион или на некој друг што ќе го испрати Киев.
Во неделата воен транспортен авион со 83 лица, меѓу кои 31 Украинец, пристигна од Авганистан во Киев. Кабинетот на претседателот објави дека 12 украински војници се вратиле дома, а странските новинари и јавни личности кои побарале помош се евакуирани.
Кабинетот, исто така, соопшти дека има уште околу 100 Украинци кои чекаат евакуација од Авганистан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.