Европа
Напад со отров на универзитет во Германија: Седуммина затруени, еден е во критична состојба
Полицијата во Германија верува дека некој намерно труел млеко и вода во кујна во Техничкиот универзитет во Дармштат.
Седум лица имаат симптоми на труење, а еден е во критична состојба.
Како што е наведено, има сè повеќе индикации дека станува збор за напад. „Шокирани сме од очигледниот криминал што се случи на нашиот универзитет“, рече претседателката на универзитетот, Тања Брил.
Според полицијата, во понеделникот седум студенти и вработени биле префрлени во болниците бидејќи се чувствувале лошо и имале промена на бојата во рацете и нозете. Сите претходно јаделе или пиеле нешто во иста кујна, достапна за секого, каде што храната се чува во заеднички фрижидери.
Полицијата верува дека неколку пакети млеко и вода биле затруени со моментално непозната супстанција во периодот меѓу петокот и понеделникот. Само лабораториски анализи, за кои ќе треба време, ќе покажат за каква супстанција станува збор, велат надлежните.
Исто така, се испитуваат и други намирници и пијалаци достапни на универзитетскиот кампус. Според таблоидот Билд, полицијата формира специјална истражна група за тој случај.
„Работата ја сфаќаме многу сериозно. Не можеме да исклучиме дека станува збор за обид за убиство”, изјави јавниот обвинител Роберт Хартман.
Состојбата на 30-годишниот ученик, кој во понеделникот беше во животна опасност, во меѓувреме се стабилизира, но останува критична. Другите жртви поминаа со нешто поблаги симптоми.
Полицијата ги советуваше сите што престојуваат во кампусот да не јадат или пијат нешто што било внесено порано во зградата. Оние кои забележуваат дека нозете или рацете се поплавени, се препорачува веднаш да повикаат брза помош и да не се движат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.